لوکا 13:19 - هُدائے پاکێن کتاب، بلۆچی زبانا

¹⁹ هُدائے بادشاهی، ٹێلکاهئے تُهمئے پئیما اِنت که مردێا زرت و وتی باگا کِشت. آ دانَگ رُست و درچکێئے ڈئولا بوت و بالی مُرگان آییئے تاک و ٹالانی چێرا کُدۆه و کُدام بست.“

لوکا 13:19 Mawu Ofanana

دانیال 4:12

تاکی ڈئولدار اَنت، بَر و سَمرا بار اِنت و په سجّهێنان وراکی پِر اِنت. په زمینئے جانوَران ساهگے و آسمانئے مُرگ اِشیئے شاهڑانی سرا کُدۆهَ بندنت و نِندنت. هر سَهدار چه اشیا وراکَ وارت.

دانیال 4:21

تاکی ڈئولدار اَتنت و بری بێکساس و په سجّهێنان وراکی پِر اَت و آییئے ساهگا جنگلی جانوَرَ نِشتنت و شاهڑانی سرا بالی مُرگانی کدۆه اَتنت،

مَتّا 17:20

ایسّایا پَسّئو دات: ”شمئے کَمباوریئے سئوَبا. شمارا راستێنَ گوَشان، اگن شمئے باور اَرزُنێئے کِساسا هم ببیت، شما اے کۆها گوَشتَ کنێت که ’چه اِدا بکِنز و اۆدا برئو،‘ کۆهَ کِنزیت. هچّ چیزّ په شما نبوتنی نه‌اِنت.

مَرکاس 4:30

پدا ایسّایا گوَشت: ”په هُدائے بادشاهیا، چۆنێن دَروَرے بیارێن و چۆنێن مِسالے په آییئے بئیانا پێش بکنێن؟

لوکا 17:6

گوَشتی: ”اگن شمئے باور اَرزُنێئے کِساسا هم ببیت، شما تودئے اے درچکا هُکم کرتَ کنێت که ’وتا چه بُنا بگوَج و برئو زِرئے تها برُد و بسَبز‘. آ وهدا، درچک شمئے هُکما مَنّیت.

کاسِدانی کار 2:41

گڑا، همایان که آییئے کُلئو و پئیگام زرت، پاکشۆدی هم کرت و آ رۆچا، کِساس سئے هزار مردم گۆن باوَرمندان هۆر بوت.

کاسِدانی کار 21:20

وهدے آیان اے هال اِشکتنت، هُدائے شُگرِش گپت. نون گۆن پولُسا گوَشتِش: ”او برات! تئو سهیگ ائے که هزاران یَهودی ایسّائے سرا باوَرمند بوتگ و سجّهێن موسّائے شَریَتئے سرا په دل و سِتک پابند اَنت.

کاسِدانی کار 4:4

بله بازێنے که آیانی کُلئو و پئیگامِش اِشکتگ‌اَت باوَرمند بوت و چه آیان کِساس پنچ هزار مردێن اَتنت.

پولُسئے کاگد په رومیان 15:19

آییا اے کار، چه نشانی و مۆجزهانی واک و کدرتا، گۆن هُدائے روهئے زۆرا کرتگ‌اَنت. گڑا چه اورشَلیما بگر تان ایلیریکومئے دَمگا، من سجّهێن راها تَرّ و گَرد کرتگ و مَسیهئے وشّێن مِستاگ په سَرجمی جار جتگ.

اِلهام 11:15

هپتمی پرێشتگا وتی کَرنا جَت. آسمانا بُرزێن تئوار اَتنت که گوَشگا اَتنت: ”دنیائے بادشاهی مئے هُداوند و آییئے مَسیهئے بادشاهی جۆڑ بوتگ و آ اَبد تان اَبد بادشاهیَ کنت.“