پێدایش 7:14 - هُدائے پاکێن کتاب، بلۆچی زبانا

¹⁴ آیانی همراهیا هر پئیمێن سَهدار وتی تَهرئے هسابا گۆن اَت؛ هر پئیمێن دَلوَت وتی تَهرئے هسابا، هر پئیمێن لاپکَشّێن جانوَر وتی تَهرئے هسابا و هر پئیمێن مُرگ وتی تَهرئے هسابا، هر پئیمێن بانزُلیێن سَهدار.

پێدایش 7:14 Mawu Ofanana

پێدایش 1:21

گڑا هُدایا مزنێن دریایی سَهدار و وڑ وڑێن دگه سَهدار اَڈّ کرت که اے، وتی تَهرئے هسابا رَم جۆڑ بوتنت و دریااِش پُرّ کرت. همے پئیما وڑ وڑێن بالی مُرگی اَڈّ کرت، آیانی جندئے تَهرئے هسابا. هُدایا دیست که اے کار شَرّ بوت.

پێدایش 1:24

هُدایا گوَشت: ”زمین هر پئیمێن سَهدار پێدا بکنت، آیانی جندئے تَهرئے هسابا؛ دَلوَتا بگر تان لاپکَشّێن جانوَر و وَکشیێن هئیوانا، هر یکّے وتی تَهرئے هسابا.“ اے کار بوت.

پێدایش 6:19

چه سجّهێن سَهداران یکّ یکّ جُتکے گۆن وت بۆجیگا بَر گۆن، نرێنے و مادگێنے، که وتی همراهیا زندگِش بدارئے.

پێدایش 7:13

همے رۆچئے جندا نوه و آییئے چُکّ سام و هام و یاپِت و نوهئے جَن و سئیێن نِشار بۆجیگا پُترتنت.

پێدایش 7:15

هر سَهدار که زِندئے ساهی مان اَت، جُتکے جُتکے نوهئے کِرّا آتک و بۆجیگا پُترت.