پێدایش 46:32 - هُدائے پاکێن کتاب، بلۆچی زبانا

³² شپانک و مالدار اَنت. وتی رمگ و گۆرُم و سجّهێن مال و هستی‌اِش آورتگ گۆن.

پێدایش 46:32 Mawu Ofanana

پێدایش 31:18

پَدّان‌اَراما وتی کَٹّتگێن سجّهێن مال و هستی‌ای زُرت و وتی سجّهێن رمگی سَر دئیان کرت و دێم په کَنهانئے مُلکا وتی پت اِساکئے نێمگا راه گِپت.

پێدایش 37:2

آکوبئے نَسل و پَدرێچئے کِسّه چُش اِنت: ایسُّپ هَبده سالی وَرناے اَت و وتی براتانی همراهیا رَمَگیَ چارێنت، وتی ماتۆ بِلَّه و زِلپَهئے مردێن‌چُکّانی همراهیا. ایسُّپا وتی براتانی رَدێن کارانی بارئوا پت هالَ دات.

پێدایش 4:2

رَندا هئوایا کائِنئے برات، هابیل پێدا کرت. هابیلا شپانکیَ کرت و کائِنا دِهکانی.

پێدایش 45:10

گۆن وتی چُکّ و نماسگ و رمگ و گۆرُم و وتی سجّهێن مال و هستیا، گۆشِنئے دَمگا جَهمنند بئے که گۆن من نزّیکّ ببئے.

پێدایش 46:31

ایسُّپا گۆن وتی براتان و گۆن وتی پتئے لۆگئے مردمان گوَشت: ”منَ رئوان و پِرئونا هالَ دئیان. گوَشانی که منی برات و منی پتئے لۆگئے مردم که کَنهانئے مُلکا نِندۆک بوتگ‌اَنت، نون منی کرّا آتکگ‌اَنت.

پێدایش 46:33

و پدا پِرئون که شمارا لۆٹاێنیت و چه شما جُستَ کنت که ’شمئے کار و رۆزگار چے اِنت؟‘

پێدایش 46:34

شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

پێدایش 47:3

پِرئونا چه آییئے براتان جُست کرت: ”شمئے کار و رۆزگار چے اِنت؟“ آیان پَسّئو دات: ”تئیی کَستر شپانک اَنت، وتی پت و پیرُکانی پئیما.“

پێدایش 9:20

نوها کِشت و کِشار بِندات کرت و انگوری باگے اَڈّی کرت.

دَرگوَز 3:1

موسّا وتی ناکۆ، میدیانئے دینی پێشوا یَترونئے رمگا چارێنگا اَت. رمگی زرت و گیابانئے آ دستا، هۆرێبا، بزان هُدائے کۆها شُت.