پێدایش 44:17 - هُدائے پاکێن کتاب، بلۆچی زبانا

¹⁷ بله ایسُّپا گوَشت: ”من هچبر چشێن کارے نکنان. اێوکا هما مردم منی گُلامَ بیت که پیاله آییئے کرّا در کپتگ. شما آ دگه مردم په سلامتی وتی پتئے کرّا برئوێت.“

پێدایش 44:17 Mawu Ofanana

پێدایش 18:25

چه تئیی دستا چُشێن کارے مبات که پهرێزکارا گۆن بدکارا هۆر بکُشئے و پهرێزکار و بَدکارا یکّێن چمّا بِچارئے. سجّهێن جهانئے دادرس په هَکّ و اِنساپ کارَ نکنت؟“

پێدایش 26:29

که تئو مارا آزارَ ندئیئے، اَنچۆ که ما ترا آزار نداتگ و گۆن تئو شَرّ بوتگێن و ترا په سلامتی و اێمنی چه وتی کِرّا رهادَگ کرتگ. نون ما گِندێن که ترا چه هُداوندئے نێمگا برکت رَستگ.“

پێدایش 42:18

سئیمی رۆچا گۆن آیان گوَشتی: ”هما پئیما که من شمارا گوَشان، هما پئیم بکنێت، گڑا زندگَ مانێت، پرچا که منا چه هُدایا تُرسیت.

پێدایش 44:10

پێشکارا گوَشت: ”شَرّ اِنت. هرچے که شما گوَشێت، بله هرکَسئے کِرّا که اے در کپت، آ منی گُلامَ بیت و اے دگه بێمئیارَ بێت.“

پێدایش 44:16

یَهودایا گوَشت: ”منی واجه! ما گۆن تئو چے گوَشتَ کنێن؟ چے بگوَشێن؟ چِه پئیما وتی بێمئیاریا پێش بدارێن؟ هُدایا تئیی کَسترانی رَدێن کار پاشک کرتگ. منی واجه! نون ما تئیی گُلام اێن. مئے جند هم و هما مردم هم که پیاله آییئے کِرّا در کپتگ.“

پێدایش 44:18

گڑا یَهودا نزّیکّا آتک و گوَشتی: ”او منی واجه! بِلّ تئیی کَستر گۆن تئوِ واجها هبرے کنت. وتی کَسترئے سرا زَهر مَگِر که تئو پِرئونئے برابر ائے.

زَبور 75:2

تئو گوَشئے: ”وتی گیشّێنتگێن وهدا په اِنساپ دادرسیَ کنان.