پێدایش 36:31 - هُدائے پاکێن کتاب، بلۆچی زبانا

³¹ اے هما بادشاه اَتنت که اِدومئے مُلکا بادشاهی‌اِش کرت. چه اِد و پێسر اِسراییلیانی سرا بادشاهێا هاکمی نکرتگ‌اَت.

پێدایش 36:31 Mawu Ofanana

پێدایش 17:16

من برکتیَ دئیان و ترا چه آییا مردێن‌چُکّے بیت. من سارَها برکتَ دئیان و آ کئومانی ماتَ بیت، کئومانی بادشاه چه آییا پێدا بنت.“

پێدایش 17:6

من ترا سکّ باز پُرسَمرَ کنان و چه تئو کئوم و راج جۆڑَ کنان و چه تئو بادشاه وَدیَ بنت.

پێدایش 25:23

هُداوندا گوَشت: ”دو راج تئیی لاپا اِنت. دو کئوم چه تئیی لاپئے تها سِدیت. یکّ راجے چه دومیا زۆرمندترَ بیت و مسترێن، کَسترێنئے هِزمتا کنت.“

پێدایش 35:11

هُدایا گۆن آکوبا گوَشت: ”من پُرواکێن هُدا آن. چُکّ و بَر کن و گێش بئیان بئے. چه تئو کئومے و کئومانی رُمبے پێدا بیت و بادشاه چه تئیی سْرێنا پێدا بنت.

پێدایش 36:30

دیشون و اِسِر و دیشان. سَهیرئے سرڈگارا هۆرایی ٹَکّانی سردار یکّ یکّا همِش اَتنت.