پێدایش 35:27 - هُدائے پاکێن کتاب، بلۆچی زبانا

²⁷ آکوب وتی پت اِساکئے کرّا مَمرِها، کِریَه‌اَربهئے شهرا بزان هِبرونا آتک، همۆدا که اِبراهێم و اِساکا دَرامدانی پئیما زِند گوازێنتگ‌اَت.

پێدایش 35:27 Mawu Ofanana

پێدایش 13:18

گڑا اِبراما وتی گِدان چِست کرتنت و هِبرونا شت و مَمرِهئے مزنێن درچکانی نزّیکّا جَهمنند بوت. اۆدا په هُداوندا کُربانجاهے اَڈّی کرت.

پێدایش 14:13

یکّ مردمے تتک و اِبرانیێن اِبرامئے کِرّا آتک و اے هالی دات. اے وهدا اِبرام، اَموریێن مَمرِهئے مزنێن درچکانی نزّیکّا نِشتگ‌اَت. اَموریێن مَمرِه، اِشکول و آنِرئے برات اَت. اِشانی و اِبرامئے نیاما اَهد و پئیمانے هست‌اَت.

پێدایش 17:8

من کَنهانئے سجّهێن سرڈگارا، که انّون تئو اِدا دَرامَدے ائے، تئیی و چه تئو رند تئیی نَسل و پَدرێچئے اَبَدی مِلکتَ کنان و آیانی هُدا بان.“

پێدایش 18:1

هُداوند مَمرِهئے مزنێن درچکانی نزّیکّا اِبراهێمئے دێما زاهر بوت. نێمرۆچئے ٹاک اَت و اِبراهێم وتی گِدانئے دَپا نِشتگ‌اَت.

پێدایش 23:19

نون اِبراهێما وتی لۆگی سارَه، مَکپێلَهئے ڈگارئے گارا، کَنهانئے سرزمینا کبر کرت. اے گار مَمرِهئے نزّیکّا اِنت و مَمرِه هِبرونا اِنت.

پێدایش 23:2

سارَه، کَنهانئے سرڈگارا، کِریَه‌اَربها بێران بوت. کِریَه‌اَربهئے دومی نام هِبرون اِنت. اِبراهێم شت که پُرسا بنندیت و په سارَها بگرێت.

پێدایش 28:5

گڑا اِساکا آکوب راه دات و آکوب پَدّان‌اَراما بِتوێل اَرَماییئے چُکّ لابانئے کِرّا شت. لابان، ایسّو و آکوبئے مات رِبِکّائے برات اَت.

پێدایش 31:18

پَدّان‌اَراما وتی کَٹّتگێن سجّهێن مال و هستی‌ای زُرت و وتی سجّهێن رمگی سَر دئیان کرت و دێم په کَنهانئے مُلکا وتی پت اِساکئے نێمگا راه گِپت.

پێدایش 37:14

اِسراییلا گوَشت: ”برئو و بچار تئیی برات و رمگ دْراه و سلامت اَنت؟ آیانی هالا گِر و بیا.“ گڑا ایسُّپی چه هِبرونئے دَرَگا راه دات. لۆگِش همۆدا اَت. وهدے ایسُّپ شِکێما سر بوت،

پێدایش 49:29

نون آکوبا وتی چُکّ چۆ سۆج داتنت: ”من گۆن وتی مُرتگێن مردمان هئوار بئیگی آن. منا منی پت و پیرُکانی کرّا، هما گارا کبر کنێت که اِپرون هیتّیئے ڈگارا اِنت،