پێدایش 34:7 - هُدائے پاکێن کتاب، بلۆچی زبانا

⁷ اَنچۆ که آکوبئے چُکّ سهیگ بوتنت، چه گیابانا پِر تَرِّتنت. پَدرد اَتنت و زهرا پُرّ اَتنت که شِکێما آکوبئے جنکّ زِنا کرتگ و اِسراییل بَنّام کرتگ. اے کار مبوتێن.

پێدایش 34:7 Mawu Ofanana

پێدایش 20:9

گڑا اَبیمَلِکا اِبراهێم لۆٹاێنت و گوَشت: ”تئو چێا گۆن ما چُش کرت؟ من تئیی کجام کار هراب کرتگ‌اَت که تئو منی جند و منی مُلک چُشێن مزنێن گناهے سرا داتنت؟ تئو گۆن من اَنچێن کارے کرت که کَسّ گۆن کَسّا نکنت.“

پێدایش 34:6

شِکێمئے پت، هَمۆر آتک که گۆن آکوبا هبر بکنت.

پێدایش 34:8

هَمۆرا گۆن آیان هبر کرت و گوَشت: ”منی چُکّ شِکێمئے دل په شمئے جنکّا بند اِنت. آییا په دینَها زامات کنێت.

پێدایش 46:7

آکوبا وتی بَچّ و جنکّ و نماسگ، بزان وتی سجّهێن اۆبادگ مِسرا برتنت گۆن.

زَبور 93:5

او هُداوند! تئیی هُکم مُدام برجاهَ ماننت، تئیی بادشاهی پاک و پلگار اِنت، مُدام، تان اَبد.

په تیموتاووسا پولُسئے ائولی کاگد 5:13

اِشیا ابێد تَمبَلی و جاندُزّی آدتَ کننت و لۆگ په لۆگَ رئونت. تهنا جاندُزَّ نبنت، هبر هم برنت و کارنت، هرکَسی کارا کارَ دارنت و اَنچێن هبرَ کننت که باید مکننت.

آکوب 3:10

چه یکّێن دپا ستا و سنا هم درَ کئیت و بد‌دْوایی و نالت هم. او براتان! نباید اِنت چُش ببیت.

پِتْرُسئے ائولی کاگد 2:9

بله شما هُدائے گچێن کرتگێن بادشاهێن روهانیێن پێشوا و پاکێن کئوم اێت، هُدائے جندئے کئوم اێت و آییا شمارا چه تهاریا دێم په وتی پرشئوکتێن رُژناییا گْوانک جتگ تان آییئے مزنێن کاران جار بجنێت.