پێدایش 31:38 - هُدائے پاکێن کتاب، بلۆچی زبانا

³⁸ من بیست سالا تئیی کِرّا بوتگان. تئیی یکّ مێش و بُزێا نگێتکَگ. من تئیی رمگئے یکّ گوَرانڈے نئوارتگ.

پێدایش 31:38 Mawu Ofanana

پێدایش 30:27

لابانا گوَشت: ”منا اِزّت بدئے. دَزبندیَ کنان همِدا بدار. من پال جتَگ و منا اے سَرپدی رَستگ که هُداوندا په تئییگی منا برکت داتگ.“

پێدایش 30:29

آکوبا گوَشت: ”تئو زانئے که من چِه پئیما په تئو کار کرتگ و تئیی مال و دَلوَت من چۆن شَرّ داشتگ‌اَنت.

پێدایش 30:30

چه منی آیگا پێسر ترا کَمُّک هست‌اَت و نون سکّ باز بوتگ‌اَنت. هر جاه که من وتی پاد اێر کرتگ، هُداوندا ترا همۆدا برکت داتگ. بله من کدی په وتی جندئے لۆگا کارے بکنان؟“

پێدایش 31:10

یکّ رندے، رمگئے وَهْرئے مۆسما من وابے دیست که من وتی سر چست کرت و دیست که هما پاچِن که رمگئے بُزانَ راێننت، ٹِکّ و ٹَگارێن اَنت.

پێدایش 31:37

نون که تئو منی سجّهێن چیزّ پَٹِّتگ‌اَنت، ترا چُشێن چیزّے دست کپت که تئییگ اِنت؟ اگن دست کپتگ، منی و وتی سیاد و مردمانی دێما اێری کن. بِلّی هما منی و تئیی پئیسَلها کننت.

پێدایش 31:39

من هچبر دَلوَتے تئیی کِرّا نئیاورتگ که رستران جتگ و کُشتگ. هر تاوانے که بوتگ، بدل من چه وت پُرّ کرتگ. اگن یکّ چیزّے رۆچا دُزّگ بوتگ یا شپا، آییئے کیمّت تئو چه من لۆٹتگ.

دَرگوَز 23:26

تئیی مُلکا کَسّ چُکّ اِشکندَ نکنت و کَسّ سَنٹ و بےائولادَ نبیت. من شمئے اُمرا برکتَ دئیان.