پێدایش 31:23 - هُدائے پاکێن کتاب، بلۆچی زبانا

²³ لابانا وتی سیاد زرتنت و تان هپت رۆچا آکوبئے رندا کپت و گِلیادئے کۆهستگێن دَمگا رَسێنتی.

پێدایش 31:23 Mawu Ofanana

پێدایش 13:8

گڑا اِبراما گۆن لوتا گوَشت: ”ما برات اێن. منی و تئیی نیاما، یا منی و تئیی شپانکانی نیاما اَڑ و کُڑے مبیت.

پێدایش 24:27

گوَشتی: ”هُداوندا سَتا بات، منی واجه اِبراهێمئے هُدایا که گۆن منی واجها وتی مِهر و وپاداری‌ای برجاه داشتگ و دێم په منی واجهئے سیادانی لۆگئے اے سپرا منی رهشۆن بوتگ.“

پێدایش 31:22

سئیمی رۆچا لابانا هال رَست که آکوب تَتکگ.

پێدایش 31:24

هُدا شپا لابان اَرَماییئے وابا آتک و گوَشتی: ”هَبردار! آکوبا هچّ مگوَش، نه شَرّ، نه هَراب.“

دَرگوَز 2:11

وهدے موسّا رُست و مزن بوت، یکّ رۆچے وتی مردمانی کرّا شت و آیانی بیگاری و گرانێن کاری دیستنت. موسّایا مِسریے دیست که اِبرانیێا، بزان چه موسّائے جندئے مردمان یکّێا جنَگا اَت.

دَرگوَز 2:13

دومی رۆچا پدا ڈَنّا شت و دیستی که دو اِبرانی مِڑَگا اِنت. گۆن مئیاریگێن مردما گوَشتی: ”چێا وتی هَمکئوما جنَگا ائے؟“