پێدایش 19:14 - هُدائے پاکێن کتاب، بلۆچی زبانا

¹⁴ گڑا لوت شت و وتی زاماتی گوَشتنت، هما که گۆن آییئے جنکّان سانگ کنگی اَتنت: ”اِشتاپ کنێت و چه اِدا در کپێت که هُداوند اے شهرا تباهَ کنت.“ بله آییئے زاماتان دلا گوَشت که لوت مسکرا کنگا اِنت.

پێدایش 19:14 Mawu Ofanana

پێدایش 19:15

بامگواه که بوت، پرێشتگان لوت هُجّ کرت و گوَشت: ”زوتّ کن وتی جَن و دوێن جنکّان چه اِدا بزور و برئو، اگن نه اے شهر که سِزا دئیگَ بیت، شما هم رۆپگ و برگَ بێت.“

پێدایش 19:17

وهدے آاِش چه شهرا ڈنّ برتنت، چه پرێشتگان یکّێا گوَشت: ”بتَچ و پُشتا چَکّ مجن. دشتا هچّ جاگه مه‌اۆشت. دێم په کۆهان بتَچ، اگن نه رۆپگ و برَگَ بئے.“

پێدایش 19:22

بله زوتّ بتَچ و برئو. تانکه تئو اۆدا سرَ نبئے، من هچّ کرتَ نکنان.“ پمێشکا اے شهرئے نامِش سۆهَر کرت.

دَرگوَز 12:31

شپئے شپ پِرئونا موسّا و هارون لۆٹاێنتنت و گوَشتی: ”چِست بێت و چه منی مُلک و مردمان دور بێت، شمئے جند و سجّهێن اِسراییلی. برئوێت و هُداوندا پرستش کنێت، هما پئیما که شما وت گوَشتگ.

دَرگوَز 9:21

بله همایان که هُداوندئے هبر مان نئیاورتنت، وتی گُلام و دَلوَتِش ڈَنّا اِشتنت.

مَتّا 1:18

ایسّا مَسیهئے پێدائِش اے ڈئولا اَت: ایسّائے مات مَریم، ایسُّپا سانگ کرتگ‌اَت بله چه آیانی سور و آرۆسا پێسر، زانتِش که چه هُدائے پاکێن روها، آییئے لاپ پُرّ بوتگ.

مَتّا 9:24

ایسّایا گوَشت: ”ڈنّا برئوێت، جنکّ نمُرتگ، بَسّ واب اِنت.“ بله مردم آییئے هبرانی سرا کَلاگ گِرگا اَتنت.

لوکا 24:11

کاسِدان، جنێنانی هبر بے سر و بُنێن هبر زانت و باوَرِش نکرتنت.

لوکا 9:42

وهدے چُکّ پێداک اَت، جِنّا ژامبلێنت و ڈگارا جت. ایسّایا جِنّ گۆن نِهرّ و هَکّلان مان بست، چُکّ دْراه کرت و پتئے دستا دات.

کاسِدانی کار 17:32

وهدے آیان پولُسئے اے هبر اِشکت که هُدا مُردگان پدا زندگَ کنت، لهتێنا آییئے سرا مَلنڈ و مسکرا کرت، بله دگه لهتێنا گوَشت: ”اے بارئوا دگه برے مارا گێشتر سرپد کن.“

په تِسالونیکیان پولُسئے ائولی کاگد 5:3

هما وهدا که مردمَ گوَشنت ”اَمن و امان اِنت“، آیانی سرا اَناگت تباهیے کئیت، انچۆ که لاپ‌پُرّێن جنێنێئے چِلّگی درد اناگتَ کایَنت، و آ تَتکَ نکننت.