دَرگوَز 29:25 - هُدائے پاکێن کتاب، بلۆچی زبانا

²⁵ نون اے چیزّان چه آیانی دستان بزور و کُربانجاهئے سرا سۆچَگی کُربانیگئے سرا اێرِش کن و سۆچِش. اے هُداوندئے بارگاها تاهیربَکشێن وشبۆے و په هُداوندا آس‌جَتێن کُربانیگے.

دَرگوَز 29:25 Mawu Ofanana

پێدایش 8:20

نون نوها په هُداوندا کُربانجاهے اَڈّ کرت و چه هِلارێن هئیوان و هِلارێن بالی مُرگان لهتێنی زُرت و کُربانجاها سۆچَگی کُربانیگی کرتنت.

پێدایش 8:21

اِشانی وشّێن بۆ که هُداوندئے کِرّا سر بوت، وتی دلا گوَشتی: ”من چه اِد و رند هچبر زمینا انسانئے سئوَبا نالتَ نکنان، بِلّ تُرے چه کَسانیا آییئے دلئے واهگ بَد اَنت. چه اِد و دێم هچبر سجّهێن سَهداران اے پئیما هۆریگا گار و گُمسارَ نکنان که انّون کرتگُن.

زَبور 99:6

موسّا و هارون چه هماییئے دینی پێشوایان اتنت و سَموییل هم چه همایان اَت که هُداوندئے نامِش گپت. هُداوندِش تئوار کرت و آییا پَسّئو داتنت.

دَرگوَز 29:18

سَرجمێن گوَرانڈا کُربانجاهئے سرا سۆچ. اے په هُداوندا سۆچَگی کُربانیگے بیت، تاهیربَکشێن وشبۆے و په هُداوندا آس‌جَتێن کُربانیگے.

دَرگوَز 29:24

اے سجّهێنان هارون و آییئے چُکّانی دستانی دلا دئے و آیانی دستان هُداوندئے بارگاها چِست کن که اے چِست کنگی کُربانیگے.

دَرگوَز 29:41

دومی گوَرانڈا مَگرِب‌تَهارا پێش کن، سُهبئے دانئے کُربانیگئے پئیما، و رێچَگی کُربانیگا هم پێش کن. اے تاهیربَکشێن وشبۆے و په هُداوندا آس‌جَتێن کُربانیگے.