دانیال 4:33 - هُدائے پاکێن کتاب، بلۆچی زبانا

³³ هما دمانا گۆن نِبوکَدنِزَرا اَنچُش بوت که گوَشگ بوتگ‌اَت. آ چه انسانان گلّێنگ بوت، پس و گۆکانی ڈئولا کاه و بوچّیَ وارت، آییئے جسم چه آسمانئے نۆدا تَرَّ بوت، تانکه آییئے مود وَکابئے پُٹانی وڑا رُستنت و ناکُنی مُرگئے پنجگانی ڈئولا بوتنت.

دانیال 4:33 Mawu Ofanana

دانیال 4:25

تئو چه انسانان گلّێنگَ بئے و جنگلی جانوَرانی درنیاما جَهمنندَ بئے. تئیی وَرد و وراک پس و گۆکانی ڈئولا کاه و بوچَّ بنت و تئو چه آسمانئے نۆدان تَرَّ بئے. تان هپت زمانَگا تئو اَنچُشَ بئے، تان هما وهدا که تئو پَجّاه بیارئے که بُرزێن اَرشئے هُدا انسانی بادشاهیانی سرا هُکمران اِنت و هما مردما دنتِش که وتَ لۆٹیت.

دانیال 4:32

تئو چه انسانان گلّێنگَ بئے و جنگلی جانوَرانی درنیاما جَهمنندَ بئے. تئیی ورد و وراک پس و گۆکانی ڈئولا کاه و بوچَّ بنت. تان هپت زمانَگا تئو اَنچُشَ بئے تان هما وهدا که تئو پَجّاه بیارئے و بزانئے که بُرزێن اَرشئے هُدا انسانی بادشاهیانی سرا هُکمران اِنت و هما مردما دنتِش که وتَ لۆٹیت.“

دانیال 5:21

آ، چه انسانانی درنیاما گلّێنگ بوت و آییئے دل جانوَری دلے جۆڑ کنگ بوت. جنگلی هرانی نیاما جَهمنند بوت، پس و گۆکانی ڈئولا کاه و بوچّ وارێنَگَ بوت و چه آسمانئے نۆدان آییئے بدَن تَرّ کنگَ بوت، تان هما وهدا که زانتی که بُرزێن ارشئے هُدا انسانی بادشاهیانی سرا هُکمران اِنت و هما مردما اِشانی سرا هُکمرانَ کنت که وتَ لۆٹیت.

دانیال 5:5

اَناگها مردمی دستێئے لنکُک زاهر بوتنت و چِراگدانئے دومی نێمگا، شاهی کلاتئے دیوالئے دۆنئے سرا نبشته کنگا لگّتنت. بادشاها نبشته کنۆکێن دستئے پُشت دیست.

په تِسالونیکیان پولُسئے ائولی کاگد 5:2

چێا که شما شَرّیا زانێت که هُداوندئے رۆچ چۆ شپی دُزّێا کئیت.