دانیال 11:37 - هُدائے پاکێن کتاب، بلۆچی زبانا

³⁷ آ، په وتی پتانی هُدایان هچّ پرواهَ نداریت و جنێنانی واهگئے پَرواها هم نکنت. په اے دگه هُدایان هم پَرواهَ نداریت، چێا که آ، وتا چه اے سجّهێنان بُرزترَ کنت.

دانیال 11:37 Mawu Ofanana

پێدایش 3:16

هُدایا گۆن جنێنا گوَشت: ”من تئیی چِلّگیئے دردان سکّ بازَ کنان، تئو گۆن درد چُکّ پێدا کنئے. تئیی واهگ په وتی مردا بیت و آ، تئیی سرا واجهیَ کنت.“

پێدایش 3:5

بله هُدا زانت، هما رۆچا که شما آ درچکئے بَرا ورێت، شمئے چمّ پچَ بنت، شما هُدائے پئیما بێت و نێک و بدا زانێت.“

دانیال 11:36

پدا بادشاه وتی دلئے تبا کارَ کنت و وتا چه سجّهێن هُدایان بُرزتر و پُرمڑاهترَ گِندیت و هُدایانی هُدائے هِلاپا اَنچێن هبرَ کنت که مردم هئیرانَ بنت. تان هما وهدا کامیابَ مانیت که گَزبئے وهد سَرجم نبوتگ. هما چیزّ که بئیگی اَنت، اَلّمَ بنت.

دانیال 11:38

اِشانی بدلا کلاتانی هُدایا اِزّتَ دنت، اَنچێن هُداے که آییئے پت و پیرُکان هچبر نزانتگ. آ، اِشیا گۆن تِلاه، نُگره و گرانبهاێن سِنگ و کیمّتیێن چیزّان شرپَ دنت.

دانیال 8:11

اِشیا وتارا لشکرئے سالارئے ڈئولا مزن کرت. هر رۆچیگێن کُربانیگی بند کناێنتنت و مزنێن پرستشگاهی کَمشَرَپ کرت.

په تِسالونیکیان پولُسئے دومی کاگد 2:4

آ هُدائے هلاپا اۆشتیت و وتا چه هما سجّهێن چیزّان بالاتِرَ کنت که هُدائے نامِش پِر اِنت یا پَرستش کنگَ بنت. گُڈسرا وت هُدائے پرستشگاها نندیت و جارَ جنت که هُدا من آن.

په تیموتاووسا پولُسئے ائولی کاگد 4:3

اے درۆگبند، مردمان چه سور و آرۆسا منَه و مکنَ کننت و لهتێن وراکئے نئوَرگئے هُکما دئینت، هما وراک که هُدایا جۆڑ کُرتگ‌اَنت که باوَرمند، بزان راستیئے زانۆکِش په شُگرگُزاری بوَرنت.