Maruk 16:1 - Gusiilaay

¹ Nan fulako Esúiif yaayu fuwuj mee, Mari hara Magudala, Salome bugo mꞌMari jaw Saak ngunoom ekarabanjo be ekaan eñalen Yéesu.

Maruk 16:1 Mawu Ofanana

Fúcihum 50:2

Suseef nasen bulago újagagaool úsontena min gulogos paayool muloosoor jambil aput ; ngukaan wan alobiil mee.

Maruk 14:3

Nan Yéesu ammee Betani nꞌyaŋ Simoŋ han haahaaye ejogeen mee, akoña acee nanogenúl dó bugo nfúcaho. Akoña aahu naaken jíjabaabi jateepiteep, dan ekarabanjo etakajom yoom yásuumut funoom, natojúl butum jíjabaabi jaaju, nawuhul ekarabanjo yaayu nꞌfukow Yéesu.

Maruk 14:8

Akoña aahu ume, wan ájuh mee, wo nakaane. Nalogosáalilogosáali eniinom bu mara gafogom.

Maruk 15:40

Bajembaj may ukoña gameeŋe gayihoe kuhi ngon neñeer. Mari hara ésuk yara Magudala, Mari jaw Soses bugo nꞌSaak apuu aahu, nꞌSalome ubugu dó mꞌbugo.

Maruk 15:42

Funak faafu fommee fara gacookoor múcahoaay, mara fara gajom fo to fulako Esúiif yaayu. Mbaj amaañen acee gajaool Suseef hara ésuk yara Arimate, átiiŋulo. Kankaan an abaje fuyuhoum fáamak dó nꞌfujoj fara Esúiif yaayu. Ho may jáyiih Atúuha nan nenaak. Nan añow mee tinak utu nejon, nahaañi ejow bu yaŋ Pilaat be éciinool nasenool eñalen Yéesu.

Maruk 15:47

Mari hara Magudala bugo mꞌMari jaw Soses nguñeer min guñow tan gubaŋ mee Yéesu.

Maruk 16:2

Dimaas mꞌbújom pím, ngúja'aali bu bo nꞌfuyaak faafu,

Maruk 16:8

Ñeer ngúpurul nꞌfuyaak faafu min gúwolloe, ngutey matelene. Ngúsebi mee, gulobut yo anooan mꞌbulago. [