Fúcihum 9:1 - Gusiilaay

¹ Atúuha násoonien Nówe bugo nꞌguleehool arogiil : « Jibugoor njimeeŋ jaram jipuusen etaam yaayu.

Fúcihum 9:1 Mawu Ofanana

Fúcihum 1:22

Atúuha násoonien so min arok : « Jibugoor, njimeeŋ jaram jipuusen fal faafu, upuu waawu may numeeŋ nꞌetaam yaayu. »

Fúcihum 1:28

Atúuha násoonieniil arok : « Jibugoor, njimeeŋ jaram jipuusen etaam yaayu njiken yo. Bucaaŋen ban dó mee nu fal faafu, upuu waawu son sínunkureŋ saasu peepe sammee nꞌetaam, dó peepe bu gáani nꞌguñenuul. »

Fúcihum 10:32

Ubuge peepe gommee búbajum bara Nówe, gayooŋóoyooŋ nꞌetaam go. Mꞌbugo bugan gaagu gufanjoor mee mꞌmof maamu, nan búyiik bara mal máamak maamu bufaago mee.

Fúcihum 2:3

Atúuha násoonien funak fakaan mee futok nꞌgúruba ; nakaan fo funak foola, mara no náyolen mee ho bafaager étuut waaf waawu peepe.

Fúcihum 24:60

Fiil fara Rebeka nfúduwaool : « Alíinoli, Emít ekaan búbajumi bumeeeŋ, ban mbuheek ulahooriil. »

Fúcihum 35:11

Nabaañ arogool : « Injé emmee Atúuha ara sembe. Aw bu gabugoor meeŋ, nóoni uyooŋ wamemmeeŋ paayiil afaan, ban gúyiih be épurul dó mꞌbúbajumi.

Fúcihum 8:17

Núpurenul sínunkureŋ saasu peepe san to mee nꞌaw : sikaj saasu, upuu waawu, son sínunkureŋ sáfuuloore mee nꞌetaam mimbil sifanjoor nꞌetaam yaayu nsibugoor meeeŋ. »

Fúcihum 9:19

Búbajum guleeh Nówe gammee gúfaajiir bugo gubaañ mee gupuusen etaam yaayu.

Fúcihum 9:2

Sínunkureŋ saasu peepe sammee nꞌetaam, upuu waawu peepe wáyihe mee, sínunkureŋ saasu peepe sáfuuloore mee nꞌetaam son bucaaŋen baabu peepe bara fal bu gásebiuul máamak. Dáaru peepe úru nꞌguñenuul.

Fúcihum 9:7

Min buguul, jibugoor meeeŋ njifanjoor banooban nꞌetaam yaayu. »