Fúcihum 39:3 - Gusiilaay

³ Nan anafaanool añow mee mara Acehériit mee ajogoorejogoor Suseef min gañen Suseef gujak,

Fúcihum 39:3 Mawu Ofanana

Fúcihum 30:27

Laban narogool : « Eéni múmbaam músuumisuum, nulako taahe. Ejiilom erogandok miiya mucile Acehériit mee násoonienom.

Fúcihum 21:22

Nin naanu Abimelek naŋar Pikol, ammee anafaan hara utiigaool, ngujow gutook Aburaham ngurogool : « Maregen maregen, Atúuha umu ngajogoori nu wanoowan wan oon nekaan.

Fúcihum 26:28

Ngúsuupool gurogool : « Uñoñow mara Acehériit mee umu nꞌaw. Ñeer ujamooraal nukaliaal ; alaal bu bapaalaay.

Fúcihum 39:23

Anafaan fo, butumool bulet bo nꞌwan akahenool mee. Acehériit mee nammee nꞌSuseef, wanoowan najawulene, ujagejak.

Fúcihum 30:30

Nan ijaalo mee fubaji furehut miñ, maareer fújalakojalako. Acehériit mee ásoonienisoonien kábiriŋ nan ikage taahe gaahom. Ñeer tíntiiŋ níjagak may bu nꞌfiilom. »

Fúcihum 26:24

Nátiiŋ to, Acehériit mee nápurulool nu fuk faafu arogool : « Injé emmee Atúuha hara paayi Aburaham, jambil úsebi. Injé umu nꞌaw ban bu gásoonieni. Be ekaan min búbajumi bumeeŋ, mara ájagagaom Aburaham. »

Fúcihum 21:20

Atúuha napooy aleeh aahu jaram abaak. Nacin bo nꞌerampaasa yaayu nakaan ayima háamak hara fúkanga.

Fúcihum 39:2

Suseef wanoowan nalakoe ekaan ujagejak mara Acehériit mee ácibeneoociben. Dó nu yaŋ anafaanool Potifaar nacine.

Fúcihum 21:23

Maareer, ukaliom nꞌAtúuha mara mat umus ubantenom, ínje nꞌguleehom, nꞌguleeh guleehom. Naŋ min ínje ikaani mee majage, ukaan mo may bu nꞌínje, mꞌmof maamu man ujaalo mee fujawooraet. »

Fúcihum 39:21

Dó nꞌfupeek faafu, Acehériit mee najogoor Suseef, náriikenool, nakaan min moola músuum anafaan fupeek faafu