Fúcihum 26:4 - Gusiilaay

⁴ Injé be ekaan min búbajumi bumeeŋ naŋ síwuut sammee nꞌémit ban be eseniil mof maamu peepe. Mooliil mubil mee ecil nísoonien giil gaagu búroom go gammee nꞌdúniya.

Fúcihum 26:4 Mawu Ofanana

Fúcihum 13:16

Be ekaan babajeri mbumeeeŋ naŋ buruus bara etaam, jaram an mat ájuh apin bo naŋ min abiloot mee éjuh apin buruus bara etaam.

Fúcihum 15:18

No nꞌfunak faafu, Acehériit mee najok bapaalaay bugo nꞌAburam. Narogool : « Búbajumi nibil mee esen mof me ; kábiriŋ fal fara Esípt, káŋ bu nꞌeraal yáamak yan gurege mee Afúrat.

Fúcihum 15:5

Acehériit mee narogool ñeer ápurul bu tíyaŋ. Nabaañ arogool : « Apu úkaken min upin siwuut saasu, néeni aw be éjuh. » Nabenen arogool : « Búbajumi mee mbubile emeeŋ. »

Fúcihum 18:18

nemmee Aburaham, búbajumool be emeeeŋ ban mbubaj sembe. Nu ho fiilóofiil nꞌdúniya fubili mee gásoonien.

Fúcihum 26:24

Nátiiŋ to, Acehériit mee nápurulool nu fuk faafu arogool : « Injé emmee Atúuha hara paayi Aburaham, jambil úsebi. Injé umu nꞌaw ban bu gásoonieni. Be ekaan min búbajumi bumeeŋ, mara ájagagaom Aburaham. »

Fúcihum 28:14

Búbajumi be emeeŋ naŋ garuus gammee nꞌetaam. Mbucin kábiriŋ nꞌgápurum tinak bu nꞌgálohum tinak, nꞌgañeni gárib káŋ bu nꞌgañeni gamay. Aw mꞌbúbajumi, mooluul mubil mee ecil nísoonien fiilóofiil nꞌdúniya.

Fúcihum 28:3

Emít ekaan Atúuha ara sembe ásoonieni, naseni gabugoor meeŋ jaram giil gamemmeeŋ gúpurul dó, min óoni paayiil afaan !

Fúcihum 35:12

Mof man irok mee be esen Aburaham bugo nꞌIsaak, be eseni mo bu mꞌbúbajumi bambo mee néjool. »

Fúcihum 47:27

Ñeer Sakob nacin dó mꞌmof mara Esípt nꞌgapana gan gurege mee Goseen. Nkaan etaam yooliil, ngubugoor dó meeeŋ.