Fúcihum 26:3 - Gusiilaay

³ Nucong to, ínje bu gáani nꞌaw ban bu gásoonieni, mara aw mꞌbúbajumi nibil mee esen mof maamu peepe. No ínje be ekaan wan ukahoor mee mꞌpaayi Aburaham.

Fúcihum 26:3 Mawu Ofanana

Fúcihum 28:15

Injé fannaom umu nꞌaw. Banooban noon nejow, ínje bu gapooyi ban bu gabaañenuli bu taahe nꞌetaam ye, mara mat ikaheni ínje bakaanut wan irogi mee. »

Fúcihum 20:1

Púr to, Aburaham natoosoor bu mof mara Negeew. Nahaj etuhoor Kades son Súur. Afaak najow acong nꞌésuk yan guroge mee Geraar.

Fúcihum 17:8

Taahe tan ucin maa maa, aw para ajawoora. Mof me mara Kanaan ínje be eseni mo peepe, aw mꞌbúbajumi. Mo be ekaan mooliil bu nanoonan, ban ínje be ekaan Atúuhaiil.

Fúcihum 15:18

No nꞌfunak faafu, Acehériit mee najok bapaalaay bugo nꞌAburam. Narogool : « Búbajumi nibil mee esen mof me ; kábiriŋ fal fara Esípt, káŋ bu nꞌeraal yáamak yan gurege mee Afúrat.

Fúcihum 13:17

Ujow ubosoor mof maamu, muwuŋ mo, mꞌmubaak mo, mara nibili mo esen, aw fannai. »

Fúcihum 13:15

Mof maamu peepe man uñow mee mee, ínje be eseni mo aw mꞌbabajeri bu nanoonan.

Fúcihum 39:21

Dó nꞌfupeek faafu, Acehériit mee najogoor Suseef, náriikenool, nakaan min moola músuum anafaan fupeek faafu

Fúcihum 39:2

Suseef wanoowan nalakoe ekaan ujagejak mara Acehériit mee ácibeneoociben. Dó nu yaŋ anafaanool Potifaar nacine.

Fúcihum 26:14

Nabaj sikoore sara sísaaja, sijaameen son siyaha, nꞌújagaga gamemmeeŋ. Ñeer efilisiit yaayu nguciiñool,

Fúcihum 26:12

Nꞌémit yaayu uyu, Isaak anaanaaf nꞌurager wammee dó mꞌmof maamu, nayim warege ñoono ceme wan anaaf mee, mara Acehériit mee ásoonienoosoonien.

Fúcihum 25:11

Mꞌbaceher Aburaham, Atúuha násoonien Isaak hacin mee cik ekoloŋ yara Laahay-Rooy.

Fúcihum 26:24

Nátiiŋ to, Acehériit mee nápurulool nu fuk faafu arogool : « Injé emmee Atúuha hara paayi Aburaham, jambil úsebi. Injé umu nꞌaw ban bu gásoonieni. Be ekaan min búbajumi bumeeŋ, mara ájagagaom Aburaham. »

Fúcihum 28:13

Nañow Acehériit mee min ayuhoe fácilool. Narogool : « Injé emmee Acehériit mee, Atúuha hara paayi afaan Aburaham bugo mꞌpaayi Isaak. Mof maamu umu tan ufiiho mee mee, ínje be eseni mo aw mꞌbúbajumi.

Fúcihum 31:3

Ñeer Acehériit mee narok Sakob : « Ubaañ bu mꞌmof mara paayi afaan to nꞌfiili. Injé bu gáani nꞌaw. »

Fúcihum 35:12

Mof man irok mee be esen Aburaham bugo nꞌIsaak, be eseni mo bu mꞌbúbajumi bambo mee néjool. »

Fúcihum 48:21

Sakob narok Suseef : « Injé be ecet, bare Atúuha be epooyuul ban ho abiluul gabaañenúl bu mꞌmof mara sipaayuul gufaan.

Fúcihum 50:24

Funak fucee, Suseef narok gutiool : « Injé be ecet ; bare Atúuha bu gáriikenuul ban nápurenuul dáare mꞌmof mee mara Esípt bu mꞌmof man arok mee be esen Aburaham nꞌIsaak, mꞌpaayolaal Sakob.