Fúcihum 10:9 - Gusiilaay

⁹ Mꞌbañower bara Acehériit mee, Nimirod akankaan ayima háamak ; yo ecil mee nak gurok : « Mꞌbañower bara Acehériit mee, kaahi ayima háamak naŋ Nimirod. »

Fúcihum 10:9 Mawu Ofanana

Fúcihum 10:10

Sísuk saasu sítiyaara sara jáyiih Nimirod so sommee : Babel, Erek, Akad son Kaline, so peepe mꞌmof mara Sineyaar nsoom.

Fúcihum 10:8

Kuus ho may abaj mee amaañen átiyaara hareg mee nabaje sembe nꞌetaam yaayu han guroge mee Nimirod.

Fúcihum 13:13

Tooge bugara Sodom bakaaneriil bujagut bajak, gatoogen Acehériit mee barebare. Ukaana síjunube déhooro.

Fúcihum 25:27

Guleeh gaagu nan guhank mee, Esawu nakaan ayima háamak hara fúkanga ban ápureriit nꞌfutaŋaat. Sakob nakaan an abebeb, alakoa síndo.

Fúcihum 27:30

Nan Isaak afaak mee gáruwa Sakob, Sakob nápurul. Apúrulopur dó mꞌpaayool déhooro, Esawu nábaañul nꞌfuyim fan ajow mee.

Fúcihum 6:11

Atúuha nañow mara bugan gammee nꞌetaam maareer gurege basigo. Múlaaj mmufik nꞌetaam yaayu.

Fúcihum 6:4

No bajembaj bugan búgaamak nꞌetaam. Guceeiil nguroŋ bo nan bugan gacineen mee nꞌémit gujaalo mee gutook guleeh gukoña bugara bugan gammee nꞌetaam min gubajiil guleeh. Guleeh gaagu gommee umaañen bugara no gásaleni mee, ban ngujamo.