Baibulo la pa intaneti

Tĭto 2:13 - Geba Roman New Testament

¹³ b́ĕ wò òsô̆wô̄i Muni ab́èhôwî d́ŏ wa sascĭigè, b́ĕ wî B́ĭcè Dèado kî Amèhlô̆htage wa Jezŭ Krĭstu adòathe kè d́è̆lî̄hta nu.

Onani mutuwo Koperani

bwerera mmwamba ⬆

Tĭto 2:13
42 Mawu Ofanana

Mattĕo 16:27

Manè̄ kò̄ d́òdo dō, Bija Apho gē lelakò̆, Cè kî Mò̄khobwèzo tòcò d́ŏ Ca Pa adòathe aklè̆ nu, kî b́ĕnu, Ci kī igekò̆ bija gô̆ abwè acab́ô̆ zè dèphîdèmè tani nu.

Mattĕo 25:31

“Kîd́ò̆ b́ĕ Bija Apho ge lela Zò dò Ze the aklè̆, kî Mò̄khobwèzo lŏcăcè gā lakô Ca kă, b́ĕnu Za gā sańăkò̆ Zò dò Ze the ana bu.

Mattĕo 26:64

Jezŭ d́òge cè, “Ńò d́òb́è tèpwè, barasă Jò d́ò̆sa thĭ ajo, thĭ gā tcahtîb́èkò̆ Bija Apho asańă d́ŏ Kib́ĭcè aphlŭathere acukhò dèhtwè dòkhò̆ kî Za lakò̆ d́ŏ Mò̄kho adè̄tob́o aklè̆ nu.”

Mărko 14:62

Jezŭ d́ògè cè, “Ji ḿî Cè hŏ. Thĭ gā tcahtîb́èkò̆ Bija apho asańălăò d́ò̆ Dèkhodèădo acudèhtwè dòkhò̆b́è ò nu kî ala Mò̄kho dè̄tob́o klè̆ dèbwè nu.”

Mărko 8:38

D́ŏ dèlathulakèḿè kî dèkî̆kkèmèhlò̆ akhwĭ athara ahlò̆mò̄ nu athăwāi Jè kî Jè lē Jè hwè dèbwè nu, Bija Apho gā thăwāikò̆ cè b́ĕ Ze lela d́ŏ Ca Pa adòathe abu kî d́ŏ Mò̄khobwèzo Tcahtĭ tòcò aklè̆ nu.”

Thodŏpho 24:15

Jò òi tèpwè dèsascĭi Kib́ĭcè htè ajāthô cè ajo tòcò nu, htè bija lŏcăcè, awî wî, akî̆kkè kè, gī nib́è dèhtaboge dèthĭklè̆ nu.

Rŏma 15:13

Dèsascĭi Ab́ĭcè gē lei d́ò̆è thĭ dèthaganāi kî dècodèmò d́ŏ thĭ dèb́u abu cab́ô̆htè Spirito Tcahtĭ gî̄ phîkè̆ b́è dè acŏglo thĭ dèsascĭi tòcò nu.

Rŏma 5:5

Dèsascĭi dè mèscilazela za wa tha ńò, manè̄ Kib́ĭcè hlòla Zè dèb́èlò̄ d́ŏ wa thabu, d́ŏ Ci ilani wa Spirito Tcahtĭ abu nu.

Rŏma 8:18

Jo gomo ḿî dèba wa khab́è khŏnujo tòcò nu, wô tô d́ôthò̆drò za kî dèdòdèthe aòsô̆wô̄i wa htè wè tè b́è d́è̆lî̄ hnî̆ńò dèdè̆ nu.

1 Kòrĭn 1:7

Gōnu acè̆, b́ĕ thĭ sòmò̆dôi wî B́ĭcè Jezŭ Krĭstu adèd́è̆lî̄hta ane ajo asŏakhè̆ nu, dèhôwî dò hlò̆thîrî̆ b́è thĭ nikhĭ dimĭ ńò.

2 Kòrĭn 4:4

Zî ḿî atu b́udè ńò d́ŏ Lākho ab́icè mèkhigè amūkă, amèd́îd́ă cè agā tcahtî Vanzĕlō adèhlî̆, ahlî̆lăi Krĭstu adòathe, htè aḿî Kib́ĭcè ahô̆agèlè dèbwè nu.

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

Kòlò̆ssia 1:5

B́ĕ dèwîdèkè̆ adî̄ahma htè Vanzĕlō dohtî thĭ aŭsugudŭ tapla nu, thĭ thîhè̆b́ègè dèsascĭi awîakè̆ lò. Mègōnu d́ō, thĭ dèb́udènè kî thĭ dèb́èlò̄ ad́ògòdòhtai ane d́ŏ thĭ dèsascĭi, htè ab́èprahnè thĭ nikhĭ d́ŏ Mò̄kho acè̆ nu.

Kòlò̆ssia 3:4

Thĭ dèthôḿô̆ hnèhnè ḿî Krĭstu, kî b́ĕ Cè d́è̆lî̄hta Ze ne akhî nu, thĭ kè̄ b́è d́è̆lî̄hta d́ŏ dèdòdèthe abu ploplo kî Cè lò.

2 Thèssalò̆nika 2:16

B́ĭcè Jezŭ Krĭstu kî Pa B́ĭcè htè ab́èlò̄ kè adèhludètă acè̆, thĭ gī nib́è d́ò̆è tha adèkhŭdèhè̆ pĕhtazòhta kî dèmulè̄sascĭ ahmeaglo,

2 Thèssalò̆nika 2:8

Anu tapla bija akî̆kkèmèhlò̆gudŭ dèbwè pòhtakò̆, kî b́ĕ B́ĭcè Jezŭ lela nu, Zè gè̄ mèthĭi lōwa kî Zò hòbŭ adèthèhta lò. B́ĭcè adòathe gè̄ mèkè̆mèhlè̆mè̄kò̆ cè lò.

1 Timò̆theo 1:1

Jè, Jezŭ Krĭstu abwè Thodŏpho Păulu, d́ŏ Amèhlô̆htagedè wa B́ĭcè kî Jezŭ Krĭstu wè dèsascĭi ila alē akhò̆,

2 Timò̆theo 1:2

d́ŏ Timò̆theo, jo phokhŏ jè b́èlò̄ ò: Pa B́ĭcè kî Jezŭ Krĭstu wî B́ĭcè ki ila d́ò̆è nè ahluată, dèkhòwèhmòb́è kî dècodèmò.

2 Timò̆theo 4:1

D́ŏ B́ĭcè kî Jezŭ Krĭstu htè agī cirra bija athĭ kî athôḿô̆ ahlò̆mò̄, Cè kè d́è̆lî̄htage Ze ne acab́ô̆ Saphra aŭidè nu acè̆, jè hmèla nè,

2 Timò̆theo 4:8

Cahta b́ĕ khŏnu jo, dènodèbè adèlīdèbwî htè dèmèdî̄mèhmage jè òhnè htŏ ji nikhĭ. Ḿî Kib́ĭcè Acirradè adî̄ahma adèila ji nikhĭ nu. Ci ki ilakò̆ jè b́ĕ muni dini nu. Kî tèb́è htĕ jè dèbwè anikhĭ lò ńò, gajă bija htè ab́èlò̄ Cè kî adôlai Zè dè òlî̄hta kòd́ò̆ athè̆ lŏcăcè tòcò anikhĭ lò.

Tĭto 1:2

Dèthub́uthèb́è̆ ajo nu akhahtîkhab́ò̆ ḿî dèsascĭmulè̄ ab́èkja dèthôḿô̆ lahtŭlablo nu. Hlĕ Lākho dukhlŭ òhta hnî̆ńò nu Kib́ĭcè htè adè plè du hlŭ ńò dèbwè ŏlăphlalahnè htŏ aki ikè dèthôḿô̆ alahtŭlablo nu htŏ.

Tĭto 1:4

Je hweni Tĭto, jo phokhŏ hnèhnè htè adèb́udènè lajīplo kî wa dèbwè nu aò: Pa B́ĭcè kî Amèhlô̆htage kî Jezŭ Krĭstu ki ila d́ò̆è nè ahluată kî dèjīdèd́wă.

Tĭto 3:4

Htô̆ ḿîgè Kib́ĭcè amèhlô̆htage wa adèthakhòwè kî adèb́èlò̄ b́è d́è̆lî̄htagè nu,

Hebrè̆u 9:28

Gōnu akhò̆ Krĭstu hluhtai ane tapla lò, agī phîhtagloi bija òèòò adèkèḿè d́ŏ Zò lò, kî b́ĕ Ze lela tapla be nu, tè b́è dèkhòwè acè̆ ńò, ḿî aki isôihlè̆ bija asòmò̆dôi Cè klè tòcò dèhlô̆htage nu.

1 Petru 1:3

Htăhtaibò̄ wî Kib́ĭcè kî B́ĭcè Jezŭ Krĭstu Apa, B́ĭcè Pa! Dŏ Zè dèkhòwèhmòb́è adogudŭ acè̆, ilagè wa dèò athè̆ d́ŏ Ca b́awè̄htoge Krĭstu dèthĭ aklè̆ acè̆ nu. Dè ajo mèṕĕhtai wa dèsascĭi athôḿô̆,

1 Petru 1:7

b́ĕ Jezŭ Krĭstu b́è d́è̆lî̄hta akhî nu, thĭ dèb́u ḿî akè b́è mèplî̆mètcă hwă htŏ acab́ô̆ hlĕnu htè̆ ab́èwula d́ŏ hmî aklè̆ nu ḿî thĭ nu, thĭ gī nib́èkò̆ dèhtăhtai kî dèdòdèthe kî dèd́ŏdèj́a.

2 Petru 1:1

Simeŏnè Petru, Jezŭ Krĭstu azôpho kî abōhmubicè, hwe d́ò̆sa thĭ anib́èplo wa akhwèaj́a dèzè̄ lò d́ŏ wi Kib́ĭcè adèdî̄dèhma kî Amèhlô̆htagedè Jezŭ Krĭstu ailagè wa dèb́u alīdobwîthè̆ dèbwè aò nu.

2 Petru 3:18

Barasă dohtawebò̄ d́ŏ dèhludètă kî dèhtî̆nigô̄ni ab́èkja wî B́ĭcè Amèhlô̆htagedè Jezŭ Krĭstu abu nu. Dèdòdèthe kèb́è d́ò̆è Cè b́ĕ khŏnujo kî alekă lahtŭlablo! Amèn.

1 Zowănnī 4:14

Kî wè kèhtîb́è htŏ kî d́ò̆sa bija alewe tòcò htè B́ĭcè Pa thŏdŏlegè Zo Pho d́ŏ Lākho akho acab́ô̆ amèhlô̆htage Lākho dèbwè nu.

Jŭda 1:21

kî òbò̄ d́ŏ Kib́ĭcè adèb́èlò̄ abu, b́ĕ thĭ òsô̆wô̄we B́ĭcè Jezŭ Krĭstu adèkhòwèhmòb́è aki i thĭ dèòthôḿô̆ alahtŭlablo akhè̆ nu.

Dèd́è̆lî̄ 1:7

Tcabò̄, Zî ḿî agē lelakò̆ d́ŏ dè̄tob́o akho dèbwè nu; bija gŏ abwè gā tcahtîkò̆ Cè; d́ŏ aphlŏphlò̆ Ca tha tòcò nu papa, kîd́ò̆ bijakhwĭpho gŏ akhwĭ athara gō jo gā haikò̆ Cè. Ajo ḿî dè adî̄ahma lò, Amèn.

Titsatireni:

Maulalo othandizidwa

Zotsatsa

Zotsatsa