Baibulo la pa intaneti

Thodŏpho 26:18 - Geba Roman New Testament

¹⁸ Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Onani mutuwo Koperani

bwerera mmwamba ⬆

Thodŏpho 26:18
90 Mawu Ofanana

Mattĕo 4:10

B́ĕnu Jezŭ d́ò cè, “Sèphlòḿĭ, Sătana! Manè̄ kòd́òdo dō, aò hwela gōjo; Nè thèb́è̆b́è nî B́ĭcè Dèado kî na khazôb́è Cè dèbwè lò.”

Mattĕo 4:16

Bija asańăògè dèkhiklè̆ alākhobu tòcò nu, tcahtî htŏ dèhlî̆ ado kî bija asańăò d́ŏ dèthĭ aola tòcò akho, dèhlî̆lab́è htŏ cè tòcò.”

Lŭka 1:77

Ni ki ikò̆ ji bijakhwĭpho tòcò dèhlô̆htage adèthîhè̆ d́ŏ dèb́ahlô̆ dèkhòwè abu nu.

Lŭka 1:79

zî hlî̆lab́ègè bija aò d́ŏ dèkhiklè̆ kî dèthĭ adèolab́è tòcò akho, agē leihŭ cè tòcò d́ŏ dècodèkhli aklèbu nu.”

Lŭka 2:32

bwèthŭkupho tòcò anikhĭ dèd́è̆lî̄hta adèhlî̆, kî Ni bija Israè̆lpho tòcò adòathe nu.”

Lŭka 24:45

Mèhwă Ca b́ahlî̆hta lōwa tòcò adègomo, cab́ô̆htè zi gī thîhè̆bò̄ Cè Tcahtĭ nu.

Lŭka 24:47

kî dèbajalage ane, kî dèkhòwè adèb́ahlô̆ awîakè̆ nu kè̄ b́è d́ò̆htôib́è d́ŏ Zi mi abu d́ŏ htĭge lŏcăcè ò nu, gohta d́ŏ Jerŭsalèm u bu nu.

Lŭka 4:18

“B́ĭcè Spirito Tcahtĭ lela jo kho, manè̄, Zô htôrôgè Jè kî Si Tcahtĭ, Zo thodŏlegè Jè d́ŏ assègnè̆pho tòcò ò, cab́ô̆htè Jò kò d́ò̆sabò̄ ab́èphòb́ècŏ tòcò dè b́ăplèkè̆, agè̄ mèhlî̆htage agādŭkhi tòcò kî agè̄ mèhlô̆mèlabò̄ ab́èdòbijīla tòcò

Zowănnī 17:17

Mèwîmètcăbò̄ cè tòcò Ni nikhĭ d́ŏ Nè dèdî̄dèhma abu nu. Ne lē Nè hwè ḿî dèdî̄dèhma lò.

Zowănnī 3:19

Dècirra ḿî ajo: Dèhlî̆ lelagè d́ŏ Lākho jo, ḿî bija nu cè b́èlò̄ dèkhi d́olĭ kî dèhlî̆ d́ŏ zè dèphîdèmè ḿî akî̆kkè akhoacè̆ nu.

Zowănnī 4:10

Jezŭ d́òscĭge cè, “Nî gî̄ thîhè̆ ma Kib́ĭcè adèila kî bija ad́ò nè ‘I jò ò̆ htĭ tîkî,’ dèbwè nu d́ō, na gā da ò̆ debekă tèpwè Cè htĭ kî Ci ki i tèpwè ńò ò̆ htĭ htè ai dèthôḿô̆ lòmò̄,” Cò d́ò lōwa do.

Zowănnī 4:14

Ḿî bija htè akò ò̆ htĭ Ji icè tòcò nu, da thaò̆b́è dakha be ńò. Htĭ htè Ji icè nu agî̄ ḿîkò̆ htĭbātcă htè htĭhtabū d́ŏ dèò alahtŭlablo abu nu,” Cò d́ò̆sa lōwa do.

Zowănnī 8:12

Jezŭ d́ò̆sa bija tòcò, “Jî ḿî Lākho adèhlî̆. Bija alekô Je le dèbwè nu, dè hèb́è dèkhiklè̆ ńò, zi gī nib́è dèthôḿô̆ adèhlî̆ dòkhò̆,” Cò d́ò̆sagè lōwa do.

Zowănnī 9:39

Jezŭ d́òscĭge cè, “Je lelagè d́ŏ Lākho d́ŏ Ji gī cirradè anikhĭ, cab́ô̆htè bija atè kèhtî ńò tòcò gè̄ kèhtîbò̄ kî akèhtî dè tòcò agādŭ gī khibò̄ nu,” Cò d́ò lōwa do.

Zowănnī 9:5

Jò òwe d́ŏ lākho jo athŭtherĕ, Jî ḿî Lākho adèhlî̆ lò,” Cò d́ò lōwa tòcò do.

Thodŏpho 10:43

Prò̆fèt lŏcăcè kha htŏ Zi nikhĭ thè̆thî cab́ô̆htè bija ab́u Cè tòcò gī nib́èbò̄ dèkhòwè adèb́ăplè d́ŏ Zi mi aphlŭathere abu nu,” cò d́ò̆sagè lōwa tòcò do.

Thodŏpho 13:47

Dè ajo acè̆, Kib́ĭcè hmèlagè wa b́ĕ Cò d́ò; ‘Jè mèphî̆hta htŏ thĭ bwèthŭkupho tòcò adèhlî̆, cab́ô̆htè Jè dèmèhlô̆htage gō dobò̄ htô̆ Lākho akŭdu nu.’”

Thodŏpho 15:9

Kib́ĭcè de bēpha cè tòcò kî wa azo ńò, manè̄ zè mèplî̆mètcă htŏ lōwa d́ŏ cè tòcò adèb́u acè̆ nu.

Thodŏpho 2:38

Ḿî Petru d́ò cè tòcò, “Bajalage thĭ ne, kî khabò̄ dèŭsab́ăhtĭ gŏ abwè d́ŏ Jezŭ Krĭstu ami abu nu cab́ô̆htè thĭ gī nib́èbò̄ thĭ dèkhòwè adèb́ăplè, kî thĭ gî̄ phînikò̆ Spirito Tcahtĭ.

Thodŏpho 20:21

Ja hnanohnabègè Jŭdapho tòcò kî Grĭspho tòcò agē geb́ahtî Kib́ĭcè kî aku b́u wî B́ĭcè Jezŭ Krĭstu nu.

Thodŏpho 20:32

“Khŏnujo ji ila thĭ d́ŏ Kib́ĭcè acukhòbu nu, kî d́ŏ zè dèjî̄b́è kî Zè dèhludètă akhoaă abu nu, cab́ô̆htè thĭ kè̄ b́è b́òhtabò̄ kî gī nib́èkôbò̄ ab́è mètcahtĭ tòcò akă dèilani nu.

Thodŏpho 26:19

“Ŏ Saphra Agrî̆ppa, alekă ja da htakhokă be Mò̄kho Adètcahtî ńò.

Thodŏpho 26:23

htè Krĭstu gā khab́èkò̆ dèssègnè̆bòdò kî Za gā htabogekò̆ dèthĭklè̆ nu, Cò kò d́òhlî̆htakò̆ htè dè gî̄ hlî̆la b́èkò̆ wî bija tòcò akho kî bwèthŭkupho tòcò akho kho nu.”

Thodŏpho 3:19

Mègōnu d́ō bajalage thĭ ne kî d́ab́agebò̄ d́ŏ B́ĭcè aò, cab́ô̆htè thĭ dèkhòwè kè̄ b́è duhtrukè̆bò̄ nu.

Thodŏpho 5:31

Kib́ĭcè lè̄htagè cè Saphrapho kî Amèhlô̆htagedè, aki ila Israè̆lpho tòcò dèjale kî dèkhòwè adèb́ăplè.

Rŏma 8:17

Kî wî gî̄ ḿî ma Kib́ĭcè aphoali d́ō, wi gī nib́è tèpwè dèilage, Kib́ĭcè kî Krĭstu adèilage apho tòcò nu. Manè̄, wa khaplob́è Krĭstu Zè dèssègnè̆bòdò kî wi nib́èplo Zò dò Ze the.

1 Kòrĭn 1:2

hnŭsè le thĭ Kib́ĭcè Adèòplopho d́ŏ Kòrĭnthia, d́ŏ Jezŭ Krĭstu abija tcahtĭ, htè ab́èjolegè d́ŏ bija tcahtĭ dagwālè̄ aklè̆ htè athèb́è̆hta wi B́ĭcè Jezŭ Krĭstu, htè aḿî wa kî cè tòcò ab́icè nu.

1 Kòrĭn 1:30

Ḿî thĭ nu Kib́ĭcè mèphî̆htagè Jezŭ Krĭstu anebî̆cè kî d́ŏ Kib́ĭcè adèmè akhoacè̆, zî phî̆htagè wa dèzadèbla. D́ŏ Zo kho Zè cè̆ wè b́èmèthò Kib́ĭcè, kî wè b́è mèwîmètcahtĭ kî wi nib́è dèòhlô̆òla.

2 Kòrĭn 4:4

Zî ḿî atu b́udè ńò d́ŏ Lākho ab́icè mèkhigè amūkă, amèd́îd́ă cè agā tcahtî Vanzĕlō adèhlî̆, ahlî̆lăi Krĭstu adòathe, htè aḿî Kib́ĭcè ahô̆agèlè dèbwè nu.

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

2 Kòrĭn 6:14

Cŏglogjî̄gloi ḿè thĭ ne kî adèb́u tò ò ńò tòcò nu ḿè. Dèzwî̄dèè tè b́è dèkî̆kkèmèhlò̆ akhò̆akhè ńò. Dèhlî̆ kî dèkhi tè b́èkjahlè lōwa ńò.

Galatiăno 2:20

Kî khŏnujo jò òkî ja tha athôḿô̆ jo, tè b́è jè dèò ńò, ḿî Krĭstu aò d́ŏ ju bu dèbwè adèò dòkhò̆. Jè dèòthôḿô̆ khŏnujo ḿî dèb́u Kib́ĭcè Apho htè ab́èlò̄ jè kî aila athathôḿô̆ ji nikhĭ dèbwè abu nu.

Galatiăno 3:14

Ajo ḿî Abraham adèhôwî d́ŏ Jezŭ Krĭstu alò nu gî̄ ḿîbò̄ bwèthŭkupho tòcò anikhĭ khĭ, kî cab́ô̆htè d́ŏ dèb́u abu wi gī nib́èbò̄ Spirito Tcahtĭ adèaḿăkhai nu.

Galatiăno 3:2

Jè kè d́è̆tca ma thĭ; thĭ lôkômèkô Dèhmèla akhoacè̆ thĭ nib́èkò̆ Spirito Tcahtĭ ā? Ḿî̆dîḿî ńò thĭ b́ugè dèd́ò̆htô tòcò nu ā?

Ephè̆sus 1:11

Dèlŏcăcè mègè acab́ô̆ Kib́ĭcè adèglelapralahnè kî adèbè̄latha ò adĕ nu. Kib́ĭcè rôhtagè wa acab́ô̆ wè gè̄ kèhta Zi bija d́ŏ Krĭstu abu, hlĕ akhahtî be be lò.

Ephè̆sus 1:14

Spirito Tcahtĭ ḿî dèaḿăkhai ab́èkja Kib́ĭcè adèŏlăphlala hnè Za bija tòcò lò. Wa htè aḿî Cè è̆ tòcò nu, Ci ki iwa dèhlô̆htage pĕhtazòhta lŏklikli nu. Mègōnu d́ō, htăhtaibò̄ Kib́ĭcè adòathe.

Ephè̆sus 1:18

Ja dadè cab́ô̆htè thĭ tha adètcahtî gî̄ hlî̆hta kî tcahtîbò̄ Zè dèhlî̆, thĭ gî̄ thîhè̆bò̄ Zè dèjo thĭ ḿî dèsascĭi da anikhĭ nè kî dèhôwî Co ŏlăgè Ci ki i Za bija tòcò nu alīdobwîthè̆gè pwedè̄,

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

Ephè̆sus 2:8

Manè̄, Kib́ĭcè ahluată acè̆, thĭ nib́è dèhlô̆htage d́ŏ dèb́u abu, tè b́è d́ŏ thĭ dèmè acè̆ ńò, ḿî Kib́ĭcè adèila lò. Mègōnu d́ō, bija amò bè̄dobè̄mu ane tò ò dèbwè̆ ńò.

Ephè̆sus 4:18

atha ḿî akhithurŭgè tòcò nu. Cè tòcò hèbāgè Kib́ĭcè adèi htè dèthôḿô̆. Manè̄ d́ō, cè tòcò tò òkî dèhtî̆nigô̄ni ńò kî atha ḿî asatèklè akhoacè̆ nu.

Ephè̆sus 5:11

Mèkôbò̄ ḿè dèkhidènè adèmè htè ada wanè ńò tòcò acab́ô̆ bija lewe mè nu ḿè. Ḿî mèlî̄htabò̄ d́ŏ dèhlî̆klè̆ nu dòkhò̆. (

Ephè̆sus 5:14

Manè̄ dè domomo d́ŏ ab́è d́è̆lî̄ hlî̆hlî̆plăplă nu, kèhta tèpwè dèhlî̆. Gōnu akhoacè̆, dèd́ò ò, “Ŏ bija asòḿĭ, phôthèńèbò̄ kha, Wè̄htobò̄ d́ŏ dèthĭ abu nu. Krĭstu ki i hlĭhta dèhlî̆ d́ŏ ńò lò nu.”

Ephè̆sus 5:8

Hlĕ aŭsu nu thĭ thè̆ne ḿîgè bija aò dèkhiklè̆, barasă tcahta b́ĕ thĭ ḿî Kib́ĭcè abijakhwĭpho nu, thĭ ḿîgè bija aò dèhlî̆klè̆. Mègōnu d́ō, òbò̄ acab́ô̆ bija ab́èkja dèhlî̆pho akhò̆ nu.

Ephè̆sus 6:12

Manè̄ kòd́òdo dō, wo to d́o da phja dè kî bija ńò, ḿî wo d́o tha akî̆kkè htè acô̆thèlè̆ ò d́ŏ Mò̄kho, aŭi htĭge tòcò, akhoane tòcò kî Lākho acô̆thèlè̆ htè amèòhta dèkhidènè ajo dôzô tòcò lò.

2 Timò̆theo 2:26

Anu d́ō zî gî̄ thîhè̆lage ze ne, kî mèhlô̆htage ze ne d́ŏ Mod́èlî abithagwă htè athagwă ni cè tòcò cab́ô̆htè zò kò sòkhĕńe lōwa ale kî lôkômèkô lōwa akă anikhĭ nu.

Hebrè̆u 10:10

Kîd́ò̆ d́ŏ Jezŭ Krĭstu mè dè ajo acè̆, wè b́è mèwîmètcăgè d́ŏ Zè dèhluhtaigè Ze ne htĕ tapla lò nu.

Hebrè̆u 10:14

D́ŏ Zè dèhlu tapla lò abu nu, Zè mènigè bija Zè mèwîmètcă tòcò anikhĭ dèò alahtŭlablo.

Hebrè̆u 11:6

Dèb́u kò tò ò ma ńò d́ō, gè dè mè b́ètha za Kib́ĭcè ńò, manè̄ d́ō, bija alehtî Kib́ĭcè gŏ abwè nu ku b́u b́è Kib́ĭcè ò kî Ci isôihlè̆ bija awāhlè Cè tòcò nu.

Hebrè̆u 9:15

Ze leigè thè̆thî athè̆ acab́ô̆ bwèzo dèbwè nu, cab́ô̆htè bija ab́èjole d́ŏ dèò lahtŭlablo adèila tòcò gī nib́èbò̄ Zè dèaḿăkhai tòcò nu. Zè dèthĭ mèkè̆gè dèkhòwè, amèkè̆mèô thè̆thî aŭsu dèdè̆ nu.

Zăkomo 2:5

B́èlò̄ jè thè̆buwe tòcò, sòkhĕńebò̄! Kib́ĭcè rôhlègè bwèssègnè̆ d́ŏ Lākho akho jo ḿî agī niò̆jòa d́ŏ dèb́udènè abu kî agī nib́è Htĭge htè Kib́ĭcè aḿăkhai htŏ aki i bija htè ab́èlò̄ Cè tòcò nu tèb́è d́o ńò ā?

1 Petru 1:4

kî dèaḿăkhai agī nib́è dèila atè kè̆ za ńò, adilidèhwè̆ za ńò, kî adèhlè̆mè za ńò dèdè̆ nu, manè̄ kòd́òdo dō, ab́è b́è̆lăglo htŏ thĭ nikhĭ d́ŏ Mò̄kho acè̆ nu.

1 Petru 2:25

Thĭ sèphrògè cab́ô̆ thŏ tòcò nu, barasă khŏnujo thĭ geb́ahtî htŏ atcai thŏ kî aḿî thĭ tho thĭ tha adèkèdôi dèbwè ò nu.

1 Petru 2:9

Thĭ ḿî ab́èrô dikhwĭ, saphra aphŭgi akhwĭ, bijakhwĭpho tcahtĭ, bwè ab́è b́è̆lăbā agā htăhtai Kib́ĭcè ajohtaphlòḿĭ d́ŏ dèkhiklè̆ d́ŏ Zè dèhlî̆ amòama dèbwè abu nu.

1 Zowănnī 1:9

ḿî wò kò d́òphlò̆hta ma wè dèkhòwè d́ō, Kib́ĭcè htè ahmeaglo kî adî̄ahma dèbwè ka b́ăplè wè dèkhòwè kî ku ŭsab́ăkò̆ wa d́ŏ dèkèḿè lŏcăcè aklè̆.

1 Zowănnī 2:12

Je hweni thĭ jo pho ji li tòcò, htè thĭ dèkhòwè b́ahlô̆ htŏ d́ŏ Krĭstu ami abu nu;

1 Zowănnī 3:8

Bija amè dèkhòwè dèbwè ḿî dèscidèhnè apho, manè̄ d́ō, dèscidèhnè mègè dèkhòwè hlĕ akăhtî nu. Dè ajo akhoacè̆ Kib́ĭcè Apho b́è d́è̆lî̄htakò̆ cab́ô̆htè Zè gè̄ mèkè̆bò̄ Mod́èlî adèmè nu.

1 Zowănnī 5:19

Wi thîhè̆ tèpwè Lākho thèd́è̆b́è ò nòthò̆ Akî̆kkè Dèbwè adèŭi akălè̄ hnò̆nu, wî ḿî ab́èkja Kib́ĭcè lò.

Jŭda 1:1

Jŭdas, Jezŭ Krĭstu azôpho kî Zăkomo apîkò̆, hnŭsè thĭ htè ab́èjo tòcò, thĭ htè Kib́ĭcè Pa b́èlò̄ kî Jezŭ Krĭstu adèwoikhai tòcò.

Dèd́è̆lî̄ 21:27

Dè adu rŭ ńò dimĭ gē de lenīb́èkò̆ abu ńò, kî bija htè amèdè amòcîpô kî adîdî̄dahma ńò tòcò de lenīb́èkò̆ dèbwè̆ ńò ńò. Ḿî bija htè ami b́è sela d́ŏ Thŏpho adèthôḿô̆ acèbu tòcò lò.

Titsatireni:

Maulalo othandizidwa

Zotsatsa

Zotsatsa