Baibulo la pa intaneti

Thodŏpho 24:14 - Geba Roman New Testament

¹⁴ Jò d́òphlò̆hta ńò hlò̆mò̄ ḿî dè ajo; jè thèb́è̆gè wi phĭ wu phŭ hlemo tòcò Ab́ĭcè d́ŏ dèlôkômèkô Klè anu tòb́ò̆ htè cè tòcò d́ò ḿî akèḿègè nu. Barasă d́ō, ju b́u lŏcăcè tèpwè htè aò hwela d́ŏ Mŏzè Adèhmèla abu, kî Prò̆fèt tòcò hwela dòlògè ô cè abu tòcò nu nu.

Onani mutuwo Koperani

bwerera mmwamba ⬆

Thodŏpho 24:14
44 Mawu Ofanana

Mattĕo 10:32

“Mègōnu d́ō, gajă bija ad́òphlò̆hta Jè bija ahlò̆mò̄ dèbwèbwè nu, Jò kò̄ d́òphlò̆hta lŏ cè d́ŏ Apa aò d́ŏ Mò̄kho dèbwè ahlò̆mò̄ nu nu.

Mattĕo 22:40

Mŏzè kî Prò̆fèt tòcò adèhmèla aglobu ḿî ajo gīhmô̆ lò.”

Mattĕo 7:12

“Mègōnu, dè arră htè thĭ thaèni bija gè mèni thĭ nu, mènibò̄ bija bija. Manè̄, ajo ḿî dèhmèla kî prò̆fèt tòcò adèthôdèthò̆ aglobu lò.

Lŭka 1:70

Co ŏlăphlala htŏ Prò̆fèt Atcahtĭ hlemo tòcò alòmò bu,

Lŭka 16:16

“Htô̆do Zowănnī le nu, Mŏzè Adèhmèla kî Prò̆fèt tòcò ò htŏ; d́ŏ dèd́ò̆htôla Kib́ĭcè Ahtĭage Adèthalōthalai Awîakè̆ akhoacè̆ bija gŏ abwè sanīwî̄nī abu.

Lŭka 16:29

Abraham d́òscĭge cè, ‘Mŏzè kî Prò̆fèt tòcò òkô tèpwè ca kă, zò sòkhĕńe d́ò̆è lōwa tòcò alē,’ cò d́ògè lōwa do.

Lŭka 24:27

Kîd́ò̆ Cò d́òhlĭhtanigè lōwa tòcò Cè Tcahtĭ ahtabohtab́ă, tcahta hlĕ Mŏzè kî Prò̆fèt tòcò hwe dòlògè dè awîakè̆ htè ab́èkja Cè tòcò nu.

Lŭka 24:44

Mèhwă Cò d́ògè lōwa tòcò, “Ajo ḿî dèjî̄b́è htè Jò d́ò̆sa thĭ b́ĕ Jò òkôwe thĭ kă asŏakhè̆ nu, cab́ô̆htè dèhwela Jî wî Jè kè̆ d́ŏ Mŏzè adèhmèla, Prò̆fèt tòcò adèd́òdòlò kî Psălmo abu tòcò ke pĕhtazòhtabò̄ nu,” Cò d́ò lōwa do.

Zowănnī 1:45

Philĭpo tcahtî Nathaniĕlè d́ō, cò d́ò lōwa, “Wa pahtî htŏ Cè, htè Mŏzè d́ŏ zè dèhmèla Acèbu kî prò̆fèt tòcò adèhweladòlò awîakè̆ htè Zŏzè apho Jezŭ, Nazarè̆th upho nu,” cò d́ò̆sa lōwa do.

Thodŏpho 10:43

Prò̆fèt lŏcăcè kha htŏ Zi nikhĭ thè̆thî cab́ô̆htè bija ab́u Cè tòcò gī nib́èbò̄ dèkhòwè adèb́ăplè d́ŏ Zi mi aphlŭathere abu nu,” cò d́ò̆sagè lōwa tòcò do.

Thodŏpho 13:15

B́ĕ dèpha Mŏzè Adèhmèla kî Prò̆fèt Acè tòcò hwăgè nu, Sinagŏgā akhoane tòcò thè̆lenigè cè tòcò dèd́òthîhè̆ gōjo, “Thè̆buwe tòcò, thĭ gā thaè ikhoiă ma bija tòcò d́ō mè d́ò̆è,” cò d́ò lōwa do.

Thodŏpho 15:5

Barasă d́ō, Pharizè̆pho tòcò aklè̆ ab́udè tòcò daradè kî d́ò dîgrî̄nî̄gè htè bwèthŭkupho tòcò mò b́è hô̆rîkî̆ kî mò òi Mŏzè adèhmèla nu.

Thodŏpho 19:23

B́ĕnu dègòthò̆gòrò òhtagè d́ŏ dèb́udènè akhoacè̆ nu dèdè̆.

Thodŏpho 19:9

Barasă tòcò cò ḿî akosanidagè d́ŏ atu b́u dè ńò nu. D́ŏ Bija aboahò thèd́è̆bo ahlò̆mò̄, Cè tòcò d́òkè̆d́òôgè B́ĭcè Aklè nu. Mègōnu d́ō, zo htobā hwă ze ne, zo jo ladēplo zo bōhmubicè tòcò kî d́òb́èsab́è lōwa gŏ ani lò d́ŏ Tĭrannus ahiò̆bu nu.

Thodŏpho 22:14

Mèhwă cò d́ò, ‘Wi phĭ wu phŭ Ab́ĭcè rôhtagè nè agî̄ thîhè̆ Zè dèthaèni, agā tcahtîb́è bija Adî̄ahma Dèbwè, agî̄ thîhè̆ Cè thè̆ne jî̄b́èhtî nè alē nu.

Thodŏpho 24:22

Mègōnu d́ō, Fĕlix htè athîhè̆ thuŭthèègè KLÈ ajo awîakè̆ dèbwè nu, sò̆tab́agè dèhtôdèd́è̆ kî cò d́ò, “Jò kò cirrakò̆ thĭ dèwîdèkè̆ b́ĕ Klĭbodo Lĭcios dole nu,” cò d́ògè lōwa do.

Thodŏpho 24:5

Athĕbwe ḿî bija ajo dèbwè ḿî wi nikhĭ dèwedèkra, ca thakăhta Jŭdapho tòcò akă d́ŏ Lākho thèd́è̆b́è akho kî zî ḿî Nazarè̆thpho tòcò akokhwi.

Thodŏpho 25:8

Ḿî Păulu nu zo htohlô̆gè ze ne gōjo, “Jè dè mègè dèkèḿè ahtad́ĕd́ò Jŭdapho Adèhmèla ḿîwî, Zarādo ḿîwî, kî Caĕsarè ḿîwî dimĭ ńò,” cò d́ò do.

Thodŏpho 26:22

Ḿî d́ŏ Kib́ĭcè adèhôwîhômò akhoacè̆ jò sò̆hto ò hmeteklekò̆ htô̆do khŏdini jo, khathè̆thîkò̆ d́ŏ bija adodo ascisci lŏcăcè ahlò̆mò̄, jò d́ògè dè htè ajāthôthô Prò̆fèt tòcò kî Mŏzè adèd́òdòlò agî̄ phî̆hta;

Thodŏpho 26:27

Ŏ Saphra Agrî̆ppa, nu b́u tèpwè prò̆fèt tòcò nu ā? Jî thîhè̆ tèpwè htè nu b́u cè tòcò nu,” cò dò do.

Thodŏpho 26:4

“Hlĕ ji bĭsèpho nu jî ḿî bija danè̄ nu Jŭdapho aò Jerŭsalèm tòcò thîhè̆ lŏ tèpwè. Cè tòcò thîhè̆ htè aŭsu jò ò d́ŏ ji htĭ je ge, alekă je le ògè d́ŏ Jerŭsalèm u bu nu.

Thodŏpho 26:6

Kî khŏnujo d́ŏ jè dèsascĭi agī nib́è Kib́ĭcè aḿăkhai wi phĭ wu phŭ tòcò akhoacè̆ jè b́èhmŭdurakò̆ gōjo.

Thodŏpho 28:22

Wo gomo ḿî akè è d́okhlŏ ḿî ńò d́ò̆sa wa nî wî nè kè̆ dòkhò̆, manè̄ d́ō, wî thîhè̆ gudŭ ḿî gŏlālā bija tòcò d́ò htakhokăgè bija ajo dopho, htè ab́èkja nè nu,” cè tòcò d́ò lōwa do.

Thodŏpho 28:23

Bija tòcò ja la hwă muni dini, bija aboahò lehtîgè Păulu d́ŏ cò ò sò̆dūsòd́è̆ alle nu. Păulu d́ò̆htôla dè d́ŏ lumuwò do d́ŏ dèkhi nu, cò d́ò̆sagè lōwa tòcò dè awîakè̆, kha thè̆thî Kib́ĭcè Ahtĭage anikhĭ, cwinī cè tòcò d́ŏ Jezŭ Krĭstu aò, phîb́age d́ŏ Mŏzè Adèhmèla kî Prò̆fèt tòcò adèhwela abu nu.

Thodŏpho 3:13

Abraham Ab́ĭcè, Izăko Ab́ĭcè, Jăkòb Ab́ĭcè kî thĭ phĭ thĭ phŭ Ab́ĭcè bè̄dòbè̄thegè Zo Pho Jezŭ nu, thĭ lehô̆lă kî lè̄ ladēdagè d́ŏ Pilăto ahlò̆mò̄ nu. Ca thaè b́ăplèkè̆ lōwa dòkhò̆.

Thodŏpho 5:30

Wi phĭ wu phŭ tòcò Ab́ĭcè b́awè̄htogè Jezŭ, htè thĭ htalaglothĭgè Krusu alò dèbwè nu.

Thodŏpho 7:32

‘Jî ḿî na pa tòcò Ab́ĭcè, Abraham Ab́ĭcè, Izăko Ab́ĭcè, Jăkòb Ab́ĭcè,’ Cò d́ò lōwa do. Mŏzè ganā kî ca ta tcab́ugè lōwa ńò.

Thodŏpho 9:2

kî za da lōwa tòcò agē hwe cè d́ŏ bija aò d́ŏ Damăskus u asinagŏgā abu ò, cab́ô̆htè ca gā pahtî amihmu mikhŏ alôkô B́ĭcè aklè jo tòcò d́ō, co gō cŏ gî̄ gî̄ hwă lōwa, gē geb́aibò̄ cè tòcò d́ŏ Jerŭsalèm u bu nu.

Rŏma 1:9

Manè̄ d́ō, Kib́ĭcè htè ja khazô lŏtholŏtha dèbwè ḿî jè thè̆thî, htè jò d́òŭsaŭ Zo Pho Vanzĕlō nu. Kib́ĭcè thîhè̆ tèpwè htè b́ĕ jè thèb́è̆hta gŏ apla jo gomohtani tèpwè thĭ gŏ abwè lò nu.

Rŏma 3:21

Barasă khŏnujo Kib́ĭcè adèlè̄dî̄lè̄hma htè ab́è mèthîhè̆kô d́ŏ Mŏzè Adèhmèla kî Prò̆fèt tòcò alòmò bu nu, khŏnujo ab́è mèthîhè̆ htŏ d́ŏ Dèhmèla akhlŏ nu.

1 Kòrĭn 11:19

Manè̄ d́ō, thĭ ògè dopho, dopho acè̆ nu, anu ḿî cab́ô̆htè thĭ gî̄ ḿîbò̄ bija amòb́uthai tòcò akhoacè̆ lò.

Galatiăno 5:20

Dèthèb́è̆ dèjòdèja, dèthŭdèkja, dèhtad́ĕd́ò, dèmèhtîmèbo, dèthaklathasè̆, dèthèhtèd́òd́è̆, dèthanido. dèlamulapha, dèda lajī ńò,

2 Timò̆theo 1:3

Ja thîhè̆htage Kib́ĭcè htè jè mè adè d́ŏ dèthohlî̆thatcă abu acab́ô̆ phĭ phŭ tòcò mègè nu dèbwè adèhludètă. Ja thîhè̆htage thèjô̆ Cè b́ĕ jo gomohtani nè d́ŏ jè dèdathèb́è̆ abu thè̆musè̆munè lò.

Tĭto 3:10

Bija amèlamulapha dè tòcò nu igomohtanibò̄ cè tapla kî gīpla, Hwă d́ō, sòkhĕńekô be ḿè cè ḿè.

1 Petru 1:11

Krĭstu aSpirito Tcahtĭ aò d́ŏ cè tòcò abu d́ò̆sadòlò Krĭstu adèssègnè̆bòdò kî dèdòdèthe agē lehtî cè tòcò nu kî cè tòcò b́ăkhlègè ahluată gō dohtî cè akhîagla kî awîakè̆ tòcò nu.

Dèd́è̆lî̄ 19:10

Jo dōhnŏlă ja kha d́ŏ Za khakhò kăhtî kî thèb́è̆gè Cè, ḿî Cò d́ò jè, “Mè ḿè gōnu ḿè! Ji ḿî zôpho mè cab́ô̆ nè kî thè̆buthè̆we htè akhazô Jezŭ kî phîglo dèdî̄dèhma htè Za d́è̆lî̄htagè dèbwè lò. Nè thèb́è̆b́è Kib́ĭcè dòkhò̆!” cò d́ò do. Jezŭ d́è̆lî̄hta dèdî̄dèhma ḿî adèzè̆ kî prò̆fèt adèd́òdòlò tòcò lò.

Titsatireni:

Maulalo othandizidwa

Zotsatsa

Zotsatsa