Baibulo la pa intaneti

Thodŏpho 2:38 - Geba Roman New Testament

³⁸ Ḿî Petru d́ò cè tòcò, “Bajalage thĭ ne, kî khabò̄ dèŭsab́ăhtĭ gŏ abwè d́ŏ Jezŭ Krĭstu ami abu nu cab́ô̆htè thĭ gī nib́èbò̄ thĭ dèkhòwè adèb́ăplè, kî thĭ gî̄ phînikò̆ Spirito Tcahtĭ.

Onani mutuwo Koperani

bwerera mmwamba ⬆

Thodŏpho 2:38
43 Mawu Ofanana

Mattĕo 28:19

Mègōnu, le kî mèphî̆hta bijakhwĭpho lŏcăcè Jo bōhmubicè, ŭsab́ăbò̄ cè htĭ d́ŏ Pa kî Pho kî Spirito Tcahtĭ ami abu nu.

Mattĕo 3:2

Kîd́ò̆ cò d́ò, “Khahlô̆bò̄ thĭ dèkhòwè, manè̄ kòd́òdo dō, Mò̄kho Ahtĭage b́ôhtî htŏ.”

Mattĕo 3:6

Kîd́ò̆ cò d́òphlò̆hta zè dèkhòwè kî za kha ŭsab́ăhtî̆ d́ŏ lōwa acukhòbu, d́ŏ Jòrdăno gòllò̄ bu nu.

Mattĕo 4:17

B́ĕnu phlò̆ ahlò̆mò̄ Jezŭ thôithò̆i bija, cò d́ò, “Mèbò̄ dèkhahlô̆, manè̄, Mò̄kho Ahtĭage do htŏ,” cò d́ò bija tòcò d́o.

Mărko 1:15

“Akhîagla b́è htŏ, kî Kib́ĭcè Ahtĭage b́ôhtî htŏ. Bajalage thĭ ne kî b́ubò̄ Vanzĕlō adèthôdèthò̆ dakha.”

Mărko 16:16

Bija ab́u kî anib́è dèŭsab́ăhtĭ tòcò gô̄ hlô̆htakò̆, ḿî atu b́u ńò tòcò keb́èkò̆ dècirra.

Lŭka 24:47

kî dèbajalage ane, kî dèkhòwè adèb́ahlô̆ awîakè̆ nu kè̄ b́è d́ò̆htôib́è d́ŏ Zi mi abu d́ŏ htĭge lŏcăcè ò nu, gohta d́ŏ Jerŭsalèm u bu nu.

Lŭka 3:10

Bija aboahò tòcò d́è̆ Cè, “Wè gè̄ mèb́è danè̄?”

Thodŏpho 10:43

Prò̆fèt lŏcăcè kha htŏ Zi nikhĭ thè̆thî cab́ô̆htè bija ab́u Cè tòcò gī nib́èbò̄ dèkhòwè adèb́ăplè d́ŏ Zi mi aphlŭathere abu nu,” cò d́ò̆sagè lōwa tòcò do.

Thodŏpho 10:48

Mèhwă, ze hmèla bija aku ŭsab́ă cè tòcò htĭ d́ŏ Jezŭ Krĭstu ami abu nu, Hwă d́ō cè tòcò bòi cè akò òkô ca kă munimuthè̆ tòcò adābu.

Thodŏpho 13:38

Jè thè̆buwe lŏcăcè tòcò, ja thaèni thĭ gî̄ thîhè̆ htè d́ŏ Jezŭ ò nu thĭ nib́è dèkhòwè dèb́ăplè, kî bija ab́u Cè tòcò nu hlô̆htab́è d́ŏ dèkhòwè lŏcăcè htè Mŏzè Adèhmèla ti i za ńò domo nu b́è ilagè ab́u Cè gŏ abwè nu.

Thodŏpho 16:15

Alekă cè kî zo pho zi li thèd́è̆gumu khagè dèŭsab́ăhtĭ, mèhwă zô htulahmèlagè wa, “Thĭ gō gomo b́eḿĕ ma jè acab́ô̆ ab́udè dèbwè nu d́ō, le kî òkôbò̄ wa kă,” cò d́ò do. Zo jogè wa htô̆ we lehtîb́è cè lò.

Thodŏpho 17:30

Bija dî thî dè hnî̆ńò nu Kib́ĭcè tcatôĺô za tèpwè dè ajo tòcò, barasă khŏnujo Cò d́ò̆sa htŏ bija gŏ abwè, gŏlālā, htè za gā bajalage ze ne nu.

Thodŏpho 20:21

Ja hnanohnabègè Jŭdapho tòcò kî Grĭspho tòcò agē geb́ahtî Kib́ĭcè kî aku b́u wî B́ĭcè Jezŭ Krĭstu nu.

Thodŏpho 22:16

Mègōnu d́ō, nò dôigè danè̄? Akhîb́è htŏ d́ŏ nu gū ŭsab́ă ne ne htĭ kî ŭsab́ăkè̆ nè dèkhòwèkhòkha d́ŏ dèjohta Zi mi abu nu.’

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Thodŏpho 26:20

Ḿî jò d́ò̆htôd́ò̆dèlègè dòkhò̆, aŭsu ḿî bija aò d́ŏ Damăskus u bu tòcò nu, alekă bija aò d́ŏ Jerŭsalèm u bu kî bija aò d́ŏ Judĕage bu tòcò nu kî d́ŏ bwèthŭkupho tòcò papa, ja hna cè tòcò gā salage atha kî geb́ahtî Kib́ĭcè, d́è̆lî̄hta d́ŏ dèb́ăkhlètha kî dèphîdèmè abu nu.

Thodŏpho 3:19

Mègōnu d́ō bajalage thĭ ne kî d́ab́agebò̄ d́ŏ B́ĭcè aò, cab́ô̆htè thĭ dèkhòwè kè̄ b́è duhtrukè̆bò̄ nu.

Thodŏpho 5:31

Kib́ĭcè lè̄htagè cè Saphrapho kî Amèhlô̆htagedè, aki ila Israè̆lpho tòcò dèjale kî dèkhòwè adèb́ăplè.

Thodŏpho 8:12

Barasă bija tòcò thîhè̆b́è Philĭpo thôithò̆i Kib́ĭcè Ahtĭage kî Jezŭ Krĭstu ami nu d́ō, b́ugè cè kî thè̆mihmumikhŏ khagè dèŭsab́ăhtĭ.

Thodŏpho 8:20

Barasă Petru d́òscĭge cè, “Nò hô̆ gè̄ kè̆ kô ôkôkò̆ na kă, manè̄, no gomo d́ŏ Kib́ĭcè adèila nu nî bwî i kèhta hô̆ akhoacè̆ nu.

Rŏma 6:3

Thĭ thîhè̆ tèpwè htè b́ĕ wa kha dèŭsab́ăhtĭ d́ŏ Jezŭ Krĭstu abu nu, wi nib́è htŏ dèŭsab́ăhtĭ d́ŏ Zè dèthĭ abu nu.

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

Tĭto 3:5

Zè mèhlô̆htage wa lò. Tè b́è d́ŏ wè è̆ kî we ne wè mè dèwî akhoacè̆ ńò, ḿî Zè dèthakhòwèhmòb́è htè amèhlô̆htage wa, kî ŭsab́ă wa d́ŏ Spirito Tcahtĭ abu, Ci ila wa dèòla athè̆ kî dèthôḿô̆ athè̆,

1 Petru 3:21

htè anib́ègè Dèŭsab́ăhtĭ tòcò ahô̆agèlè nu. Khŏnujo Dèŭsab́ăhtĭ mèhlô̆hta htŏ thĭ, tè b́è d́ŏ phehî ahwiahwa aklè̆ ńò, ḿî wa tha athîhè̆ d́è̆ aè htè dè awîab́è ŏlă Kib́ĭcè d́ŏ dèthomòthamò abu nu. Ajo ḿî dèmèhlô̆htage thĭ d́ŏ Jezŭ Krĭstu adèhtaboge dèthĭ aklè̆ nu.

Titsatireni:

Maulalo othandizidwa

Zotsatsa

Zotsatsa