Baibulo la pa intaneti

Thodŏpho 2:22 - Geba Roman New Testament

²² “Ŏ jò khò̆ Israè̆lpho tòcò! Sòkhĕńebò̄ dèjî̄b́è ajo tòcò jo. Dèd́è̆lî̄hta ni thuŭthèè thĭ d́ŏ Jezŭ, Nazarè̆thpho b́è ila dècô̆thèlè̆ agè̄ d́è̆lî̄hta Kib́ĭcè mègè dècòklîcòhjè̆, dèbòdèba lŏcăcè tòcò nu. Thĭ thè̆ne thîhè̆gè, manè̄ aphî̆htagè d́ŏ thĭ kho thĭ klè̆ acè̆ nu.

Onani mutuwo Koperani

bwerera mmwamba ⬆

Thodŏpho 2:22
42 Mawu Ofanana

Mattĕo 12:28

Barasă agî̄ ḿî ma Ja hna hèhta dèhnè tòcò kî Kib́ĭcè Aspirito acô̆thèlè̆ d́ō, agī ḿî tèpwè Kib́ĭcè Ahtĭage dohtî htŏ thĭ.

Mattĕo 2:23

Kîd́ò̆ zo doge d́ō, ze le ògè d́ŏ u ami ḿî Nazarè̆th tu u nu, acab́ô̆ prò̆fèt tòcò adèd́òdòlò htè, “Bija gō jokò̆ cè Nazarè̆thpho,” gē pĕhtabò̄ nu.

Mattĕo 9:8

Bija aboahò kèhtî dè ajo d́ō, zi scisăgè, kî htăigè Kib́ĭcè adòathe, htè aila bija dècô̆dèthèlè̆ ado pwĕ gōnu dèbwè nu.

Lŭka 11:20

B́eḿĕ Ja gā hna hèhta dèscidèhnè kî Kib́ĭcè acukońŏ d́ō, Kib́ĭcè Ahtĭage dohtî htŏ thĭ dòkhò̆.

Lŭka 18:37

Kî bija d́ò̆sa cè, “Jezŭ Nazarè̆thpho lekô klè,” nu.

Lŭka 24:18

Cè gībwè aklè̆ ami ḿî Kleŏpha dèbwè nu d́ògegè Cè, “Munimuthè̆ ajo adābu, dè aphî̆hta kăkòlò̆gè d́ŏ Jerŭsalèm u abu cadè̄ nu, nî ḿî tî̆tèḿè̆ d́ō nî dî thîhè̆kô bija kă ńò khò̆ ā?”

Zowănnī 1:45

Philĭpo tcahtî Nathaniĕlè d́ō, cò d́ò lōwa, “Wa pahtî htŏ Cè, htè Mŏzè d́ŏ zè dèhmèla Acèbu kî prò̆fèt tòcò adèhweladòlò awîakè̆ htè Zŏzè apho Jezŭ, Nazarè̆th upho nu,” cò d́ò̆sa lōwa do.

Zowănnī 10:37

Jè gè̄ dè mè ma dèmè htè Ja Pa thaèni Jè mè tòcò ńò d́ō, b́u ḿè Jè ḿè.

Zowănnī 11:47

Mègōnu d́ō, Phŭgido tòcò kî Pharizè̆pho tòcò ladēplo lōwa kî d́ògè, “Wè gè̄ mèb́ègè danè̄? Bija ajo dèbwè mègè dècòklîcòhjè̆ pwĕdimi!

Zowănnī 12:17

Bija aboahò htè hlĕ aòkô Ca kă htè b́ĕ Zo johta Lazarŭ d́ŏ lūkhobu kî b́awè̄htoge lōwa d́ŏ dèthĭklè̆ akhî nu tòcò khagè Zi nikhĭ thè̆thî.

Zowănnī 15:24

Jè gè̄ dè mè ma dèmè htè bija dèbwè̆ dè mè hnî̆ńò d́ŏ cè tòcò ahlò̆mò̄ ńò d́ō, zè dèkhòwè kò tò ò tèpwè ńò. Barasă khŏnujo cè tòcò tcahtî htŏ Jè dèmè, kî dè wè̄ dè sè̆ Jè kî Apa ńò.

Zowănnī 19:19

Pilăto hwelagè cèd́ŭ akè b́è b́è̆wè̄ d́ŏ Co kokho Krusu alò nu, ze hwela “Jezŭ Nazarè̆thpho, Jŭda Asaphra”

Zowănnī 3:2

Ze lehtî thă Jezŭ kî d́ò lōwa, “Rabbi, wî thîhè̆ tèpwè Nî ḿî Sara aò d́ŏ B́ĭcè ò kî legè nu, kî Kib́ĭcè kò tò òkô ma bija kă ńò d́ō, zè dè mèkèhta dèbòdèba acab́ô̆ Nè mègè nu dèbwè̆ ńò,” cò d́ò lōwa do.

Zowănnī 4:48

Mègōnu d́ō, Jezŭ d́ò cè, “Thĭ da tcahtî dèhô̆gèlè ńò kî dècòklîcòhjè̆ ńò nu thĭ tu b́u dè ńò,” Cò d́ò lōwa do.

Zowănnī 5:36

Jè dèkhathè̆thî ḿî ado d́olĭ Zowănnī è̆. Manè̄ dèphîdèmè htè Ja Pa hna mè jè tòcò ḿî thè̆thî htè Ja Pa thodŏlegè jè nu.

Zowănnī 6:14

Bija tòcò tcahtî Jezŭ mè dèbòdèba ajo d́ō, cò d́ò, “Ajo ḿî hnèhnè prò̆fèt agē lelab́è d́ŏ Lākho dèbwè nu hŏ!” cò d́ògè tòcò do.

Zowănnī 6:27

Wuthè̆dèbabò̄ ḿè dèa htè akè̆aô za tòcò anikhĭ ḿè, ḿî dèa htè aò lahtŭlablo anikhĭ dòkhò̆. Ajo ḿî dèa htè Bija Apho kî i thĭ dèdè̆ nu, manè̄ d́ō, Apa B́ĭcè thè̆ne dò dèzwî̄la d́ŏ Zò lò nu,” Cò d́ò lōwa tòcò do.

Zowănnī 7:31

Mè nòthò̆ dō hnò̆nu, bija òè̆bwè b́ugè Cè kî cè tòcò d́ò dèjwè, “B́ĕ Mèssĭah gā la nu zè gè̄ mèbò̄ dècòklîcòhjè̆ d́olĭ kî ajo dèbwè nu ā?” cò d́ò do.

Zowănnī 9:33

Bija ajo dèbwè kò tò ò ma d́ŏ Kib́ĭcè ò ńò nu, Zè dè mè za è da dimĭ ńò,” cò d́ò lōwa tòcò do.

Thodŏpho 13:16

Păulu wè̄hto, tad́ăhta hwă acukhò bija kò òzòlò anikhĭ d́ō, zi jî̄b́èhtagè gōjo: “Israè̆lpho ascisăni Kib́ĭcè alle tòcò, sòkhĕńebò̄!

Thodŏpho 14:27

B́ĕ zo doge nu, zo jo ladēplogè Dèòplo kî d́ò̆salagè htè Kib́ĭcè mènigè cè tòcò danè̄ kî b́ăhtanigè bwèthŭkupho tòcò dèb́u akhaglè̄ cadè̄ nu.

Thodŏpho 2:19

Jè kè d́è̆lî̄hta dè acòklîcòhjè̆ d́ŏ Mò̄kho nu, kî dè ahô̆agèlè d́ŏ Lākho nu, dèthwi kî hmî, htĭkhu kî hmîkhu aklè̆ nu.

Thodŏpho 2:43

Bija tòcò scisăj́ab́è zî̄ bōhmubicè tòcò, òè̆bwè htèdômô̄dahmă d́ŏ bōhmubicè tòcò mè dècòklîcòhjè̆ kî dèbòdèba d́ŏ Jerŭsalèm u bu akhoacè̆ lò.

Thodŏpho 21:28

Zè kèwohta, cò d́ò, “Le mèzobò̄! Israè̆lpho tòcò! Bija ajo dèbwè ḿî ahè d́ò̆htôlani bija gŏ abwè kî gŏlālā ahtad́ĕd́ò Israè̆lpho, Mŏzè Adèhmèla, kî wa Zarādo ajo nu. Khŏnujo ze le joi bwèthŭkupho tòcò d́ŏ Zarādo abu nu, kî mè cîpôgè dèlletcahtĭ ajo nu,” cò d́ò do.

Thodŏpho 22:8

Jò d́òscĭge Cè, ‘Nî ḿî bò̄bwè, Ŏ B́ĭcè?’ jè d́è̆gè cè do kî Cò d́òge jè, ‘Jî ḿî Jezŭ Nazarè̆thpho htè nò lô mèssègnè̆ dèbwè nu,’ Cò d́òge jè do.

Thodŏpho 24:5

Athĕbwe ḿî bija ajo dèbwè ḿî wi nikhĭ dèwedèkra, ca thakăhta Jŭdapho tòcò akă d́ŏ Lākho thèd́è̆b́è akho kî zî ḿî Nazarè̆thpho tòcò akokhwi.

Thodŏpho 26:26

Saphra Agrî̆ppa! Nî thîhè̆ tèpwè dè ajo tòcò jo, kî jî jî̄b́èhtî nè d́ŏ dèhlî̆dèṕla abu, adî ḿî pwè ni nikhĭ ahnahnă dî ḿî ńò, manè̄ d́ō, dè ajo tòcò dî phî̆htagè d́ŏ dèhudèzò aklè̆ dimĭ ńò.

Thodŏpho 26:9

“Jè thè̆ne gomogè htè jè dèmè ḿî agā htad́ĕd́ò Jezŭ Nazarè̆thpho ami.

Thodŏpho 3:12

B́ĕ Petru tcahtî dè ajo d́ō, cò d́ògè bija tòcò, “Ŏ Israè̆lpho tòcò, thĭ htèdômô̄dahmă manè̄? Thĭ tca dîgrî̄nî̄ ma wa mè cab́ô̆ wo kho wa ă kî wè dèwîdètcahtĭ akhoacè̆ wè mè bija ajo dèbwè khè̆thîge nu nè?

Thodŏpho 3:6

Barasă Petru d́ò cè, “Jô hô̆ jè htè̆ tò ò ńò, aòni jè atherĕ jî̄ i tèpwè nè. D́ŏ Nazarè̆thpho Jezŭ Krĭstu ami abu, wè̄hto, khè̆lebò̄,” cò d́ò lōwa do.

Thodŏpho 4:10

thĭ lŏcăcè kî Israè̆lpho lŏcăcè thîhè̆bò̄ zè dèhmage ajo nu ḿî d́ŏ Jezŭ Krĭstu, Nazarè̆thpho ami abu, Cè htè thĭ htalaglothĭgè dèbwè nu, htè d́ŏ Kib́ĭcè b́awè̄htoge htŏ Cè dèthĭ aklè̆ dèbwè ami abu bija ajo dèbwè sò̆hto ò thĭ hlò̆mò̄ jo nu òhma thoŏthèè tèpwè jo.

Thodŏpho 5:35

Mèhwă cò d́ògè bija tòcò, “Ŏ Israè̆lpho amikhŏ tòcò, thidĭibò̄ d́ŏ thĭ gè̄ mè bija ajo tòcò danè̄ nu.

Thodŏpho 6:14

Manè̄, wî thîhè̆b́ègè cò d́ò Jezŭ Nazarè̆thpho gè̄ mèkè̆kò̆ Alleaklè jo kî anuad́ò̆ Mŏzè ilani wa tòcò nu,” cò d́ò do.

2 Kòrĭn 12:12

Jè d́è̆lî̄hta htŏ thĭ hlò̆mò̄ htè jî ḿî Thodŏpho adî̄ahma dèbwè d́ŏ dècòklî kî dèbòdèba amŏamo d́ŏ dèthozôthazô abu htŏ.

Hebrè̆u 2:4

Kib́ĭcè mèhmemèglogè cè tòcò adèthô̆htô d́ŏ dè agèlè, dècòklîcòhjè̆ kî dèbòdèba amŏamo abu, kî d́ŏ Spirito Tcahtĭ adèila abu nu.

Titsatireni:

Maulalo othandizidwa

Zotsatsa

Zotsatsa