Baibulo la pa intaneti

Rŏma 12:1 - Geba Roman New Testament

¹ Jè thè̆buwe tòcò, ja damò thĭ gā hmăibò̄ Kib́ĭcè adèkhòwèhmòb́è acab́ô̆ bwè atani dègomo ò tòcò nu, d́ŏ dèihta thĭ neb́î̆cè acab́ô̆ dèhlu tcahtĭ ab́ètha Kib́ĭcè tòcò nu.

Onani mutuwo Koperani

bwerera mmwamba ⬆

Rŏma 12:1
49 Mawu Ofanana

Lŭka 7:47

Mègōnu d́ō Jò d́ò̆sa nè, zè dèkhòwè òèòò nòthò̆ hnò̆nu, d́ŏ zè dèb́èlò̄ do akhoacè̆ zè dèkhòwè tòcò b́è b́ahlô̆ lŏ htŏ,” cò d́ò̆sagè lōwa d́o.

Rŏma 12:2

Dòniphînibò̄ ḿè bija Lākhopho aò khwè̆b́a thĭ tòcò adèphîdèmè ḿè. Ḿî b́ăkhlèbò̄ thĭ dègemeelô d́ŏ dègomogamā athè̆ abu nu. Ajo ḿî klèthòò̆ ad́è̆lî̄ wa Kib́ĭcè adèthaèni kî amèthîhè̆ wa dèzwî̄dèè htè Kib́ĭcè thaèni kî dè apĕhtazòhta amò mè tòcò nu.

Rŏma 15:16

Zè lēhtagè jè Jezŭ Krĭstu aphŭgi kî jè gè̄ mèib́è ju phŭgi adèphîdèmè d́ŏ dèlle ilani bwèthŭkupho tòcò Kib́ĭcè Adèthalōthalai Awîakè̆ kî amèphî̆hta cè tòcò dèhluhtai amò phîni d́ŏ ab́è mètcahtĭ htŏ kî Spirito Tcahtĭ tòcò nu.

Rŏma 15:30

Barasă ja damò thĭ, ŏ thè̆buwe tòcò, d́ŏ B́ĭcè Jezŭ Krĭstu kî Spirito Tcahtĭ adèb́ahlô̆ abu, mèzobò̄ jè d́ŏ dèb́èhjŏ aklè̆ d́ŏ dèthèb́è̆hta ji nikhĭ d́ŏ Kib́ĭcè ahlò̆mò̄ nu.

Rŏma 2:4

Ḿî nè mèkè̆mèôgè Zè dèzwî̄dèè tòcò kî Zè dèkhòthad́ò̆wî̄thazô tòcò nu ā? Ḿî nî dî thîhè̆gè Kib́ĭcè adèkhòthad́ò̆ nè cab́ô̆htè na gā salabò̄ na tha nu ńò ā?

Rŏma 6:13

Thĭ neb́î̆cè gî̄ dî ḿîb́è dèrî̄dècŭ ad́oaphja za dèkhòwè ńò. Ḿî thĭ ki ihtab́è thĭ neb́î̆cè Kib́ĭcè, kî gomobò̄ thĭ ne athĭ hwă anib́ègè dèòthôḿô̆ tòcò nu. Thĭgè mèb́è thĭ ne thèd́è̆klô̆ ad́oaphja dè d́ŏ Kib́ĭcè ò dòkhò̆ nu.

Rŏma 6:16

Thĭ thîhè̆ tèpwè htè b́ĕ thĭ ŏlăphlalakô agā khazô bija dèbwèbwè d́ō, thĭ phî̆htagè zô zô zè bwè nu, kî taplakhă lò thĭ gî̄ ḿî ma dèkhòwè azôabwè d́ō, agē leihŭ thĭ d́ŏ dèthĭklè̆ nu, ḿî taplakhă lò thĭ dî ḿî za dèsòkhĕńelēthèhô̆ htè aleihŭ wa d́ŏ Kib́ĭcè dèdî̄dèhma azô ńò.

Rŏma 6:19

(Thĭ gî̄ thîhè̆htôbò̄ anikhĭ, jò d́ò dèjî̄b́è aphlò̆ thĭ nigu nu.) Jò d́ò̆sa thĭ hlĕ athè̆lè̄kho nu, thĭ mèigè thĭ neb́î̆cè dèkî̆kkèmèhlò̆ kî dèkorokhara azôabwè, ḿî khŏnujo, mèibò̄ cè dèdî̄dèhma azôabwè pĕhtazòhta d́ŏ dèwîdètcă anikhĭ dòkhò̆.

Rŏma 9:23

D́ŏ bija lewe htè Ca thaè d́è̆lî̄ Zè dèkhòwèhmòb́è, Ca thaè d́è̆lî̄ Cô dò Cè the, bija htè Ca pradòlò hlĕ hlekadè̄ nu tòcò akhoacè̆ Zò khòthad́ò̆gè lōwa.

1 Kòrĭn 1:10

D́ŏ B́ĭcè Jezŭ Krĭstu ami abu, thè̆buthè̆we tòcò, Ja damò thĭ agā pragebò̄ thĭ dèthaèni da la lōwa ńò acè̆ nu, kî òibò̄ ḿè dèlamulapha d́ŏ thĭ kho thĭ klè̆ ḿè. Òi pĕhtazòhtabò̄ dèjīdèd́wă d́ŏ dè tholajīthalad́wă, kî thôrô̆ kî thĭ gā darahlè lōwa nu, thĭ kò òplosò̆jībò̄ lōwa d́ŏ dèb́udènè kî dèphîdèmè abu nu.

2 Kòrĭn 10:1

Ajo ḿî jè, Păulu, thè̆ne adèd́òthîhè̆; d́ŏ Krĭstu adèthob́îthajū kî adèkhòthad́ò̆ abu nu. Jè, bija htè abè̄b́ôla ane b́ĕ thĭ hlò̆mò̄, kî akhŭahè̆ b́ĕ cò òjîkî thĭ dèbwè nu thaè damò thĭ,

2 Kòrĭn 4:1

D́ŏ Kib́ĭcè adèkhòwèhmòb́è abu wè b́è ilanigè dèŭitcai adèmè ajo nu d́ō, d́ŏ wa dòkhò̆b́è nu dèkhodèă jòla tò ò tèpwè ńò.

2 Kòrĭn 4:16

Mègōnu d́ŏ wa dòkhò̆b́è dèthoscilathazela tò ò dimĭ ńò, ḿîwe neb́î̆cè tôklô̆ jo gō thŏ gī i nòthò̆ hnò̆nu, wô ôlāthabu ḿî ab́è mèthè̆htage dini hwă dini lò.

2 Kòrĭn 5:20

Wa damò thĭ d́ŏ Krĭstu ablô, ibò̄ Kib́ĭcè b́ăkhlège thĭ cab́ô̆htè thĭ tè b́è be Ce d́ĕd́ò ńò, ḿîbò̄ Cò thò Zò khò̆.

2 Kòrĭn 6:1

Acab́ô̆ Kib́ĭcè adèmèpho tòcò akhò̆, wa damò thĭ akā ta tcatôĺôbò̄ Zu hlu za tă thĭ nib́è tòcò ńò nu.

Ephè̆sus 4:1

Jè, htè aladēnī dèkî̆dî̄ bu d́ŏ amè B́ĭcè adèmè akhoacè̆ dèbwè jo, ikhoiă thĭ cab́ô̆htè thĭ gè̄ mèhtajî thĭ dèòthôḿô̆ adò, cab́ô̆ Kib́ĭcè bè̄la akhò̆ b́ĕ Zo jo thĭ akhî nu.

Ephè̆sus 5:10

Wuthè̆dèba mèbò̄ dèmè htè ab́è Kib́ĭcè atha.

Philippiăno 1:20

Jè dèthaganāi kî jè dèmulè̄sascĭ adogudŭ ḿî jè gè̄ dè bè̄ladēda b́èbò̄ dèphîdèmè alab́è jè dimĭ ńò, ḿî gŏ asŏakhè̆ nu, lasăd́è̆è khŏnujo, tha adèkhŭdèhè̆ gē pĕhtazòhtabò̄ ju bu, thĭ ḿîwî, thôḿô̆ ḿîwî, Krĭstu kè̄ b́è dèmèhĭmèhtè̆ d́ŏ je neb́î̆cè thèd́è̆bwè nu.

Philippiăno 2:17

B́ètèb́èńò ja thathôḿô̆ athwi gò̄ hlòlab́è acab́ô̆ dèhluhtai d́ŏ thĭ dèb́udènè d́è̆ thĭ è̆ adèhluhta d́ŏ Kib́ĭcè ò nu. Dè gè̄ mè ane gōnu d́ō, ja thaganāi kî je gē bela tèpwè jè dèthaganāi ajo ploplo kî thĭ gŏ abwè nu.

Philippiăno 4:18

Mègōnu d́ō, ajo ḿî cèkăklè htè ji nib́è thĭ dèila jè lŏcăcè anikhĭ, kîd́ò̆ aḿîgè dè aòè d́olĭ kî jo lobagè tòcò nu. Khŏnujo, ji nib́ègè dèlŏcăcè, d́ŏ Epaphròdĭtus le thè̆ ni jè thĭ dèi tòcò akhoacè̆, dè aloba ji nikhĭ tòcò ò pĕhtazòhta htŏ tèpwè. Dè ajo tòcò mè acab́ô̆ dèhluhnŭẃi d́ŏ ab́èhluhtai Kib́ĭcè ò, htè ab́ètha Cè kî amèmòtha Cè nu.

1 Thèssalò̆nika 4:1

Ŏ thè̆buwe tòcò, alekăgudŭ ḿî thĭ mèhlô̆mènigè dè d́ŏ wò ò htè dèòthôḿô̆ ab́è Kib́ĭcè atha ḿî danè̄ nu. Thĭ ò thôḿô̆kô acab́ô̆ gōnu akhò̆ lò. Khŏnujo, wa damòb́è thĕbwethîlî̆ thĭ d́ŏ B́ĭcè Jezŭ ami abu thĭ kò ò thôḿô̆ è d́olĭkî anu lò.

1 Thèssalò̆nika 4:10

Hnèhnè dòkhò̆, thĭ mè tèpwè gōjo d́ŏ thĭ thè̆buwe aò Macedŏniage tòcò aklè̆ thèd́è̆htĭge d́o htŏ. Nòthò̆ hnò̆nu, wa damòwed́ò̆ thĭ agè̄ mè d́olĭ we ajo nu.

1 Thèssalò̆nika 5:12

Thè̆buthè̆we tòcò, wa damò thĭ ako d́ŏb́èjab́èbò̄ bija htè amèdè thĭ kho thĭ klè̆, ahtôimāi thĭ, kî athèhlô̆ thĭ cab́ô̆htè thĭ kò òibò̄ Krĭstupho adèòthôḿô̆ tòcò nu.

1 Timò̆theo 2:3

Ajo ḿî dè aè kî dèamèthalōthala Kib́ĭcè Amèhlô̆htage wa,

1 Timò̆theo 5:4

Barasă ahmugèmè dèbwè ḿî òkî apho ḿîwî, ali ḿîwî nu, cè tòcò kè̄ b́è mèhlô̆ihŭ ŭsu ahiphophăpho dèthub́uthèb́è̆ anuad́ò̆, kî dèthîhè̆htage phĭ phŭ mo pa tòcò ahluată, kî igetcage cè tòcò nu. Ajo ḿî dè ab́è Kib́ĭcè atha lò.

Philemòn 1:10

Mègōnu d́ō, ja damò nè d́ŏ Ònecĭmo anikhĭ, htè aḿî jo pho d́ŏ Krĭstu abu htè jo b́oiphoge cè kî jè kèhtagè ca pa ab́èkja thotha b́ĕ jî ḿîwe dèkî̆dî̄pho asŏakhè̆ nu.

Philemòn 1:9

Barasă d́ŏ dèb́èlò̄gè nè abu, jè Păulu, jî gî̄ ḿî nòthò̆ Jezŭ Krĭstu abwèblô d́ŏ aladēnī dèkî̆dî̄ abu dèbwè hnò̆nu, ja damò tèpwègè nè.

Hebrè̆u 13:22

Ja damò thĭ, akhò̆ tòcò, agò̄ khòthad́ò̆ sòkhĕńe jè dèikhoiă acè htè je hwègè tè b́è jo di ḿî tèpwè ahtô̆ zî̆ ńò.

1 Petru 2:20

B́eḿĕ thĭ kè b́èmūb́èhta ab́èklè d́ŏ thĭ dèkèḿè ò acè̆ d́ō, amò kòihtăi thĭ kò ò d́ò̆ danè̄? Thĭ mè pĕhtazòhta nòthò̆ thĭ dèmè ḿî thĭ b́èmūb́èhta nu Kib́ĭcè gô̄ hôwîkò̆ thĭ d́ŏ dèjo akhoacè̆ nu.

1 Petru 2:5

Le òb́ôhtîbò̄ Cè, cab́ô̆htè thĭ ḿî ḿî thĭ gā pakô dèphŭgi tcahtĭ ahluhtai thotha adèhluhta htè Jezŭ Krĭstu hluhtai B́ĭcè kî ab́èthob́ètha zî̄ Cè dèdè̆ nu htè amèphî̆hta thĭ thotha hiphă anikhĭ lo aòthôḿô̆ tòcò nu.

Titsatireni:

Maulalo othandizidwa

Zotsatsa

Zotsatsa