Philippiăno 4:1 - Geba Roman New Testament

¹ Mègōnu d́ō, jò thò tòcò, jè b́èlò̄ thĭ kî hmòb́èzî thĭ lò. Thĭ ḿî amèmòthomòtha sô zî̄ jè, kî jè bè̄dobè̄mu thĕbwe je ne d́ŏ thĭ kho thĭ cè̆ lò. B́èlò̄ thĭ jò thò tòcò, ajo ḿî klè d́ŏ thĭ gò̄ sò̆hto òhmeòglo d́ŏ B́ĭcè abu nu.

Philippiăno 4:1 Mawu Ofanana

Mattĕo 10:22

Kîd́ò̆ Ji mi akhoacè̆ bija lŏcăcè gè̄ dè wè̄kò̆ thĭ ńò. Barasă bija htè akhòthad́ò̆ htô̆ agudulă dèbwè gô̄ hlô̆htakò̆.

Zowănnī 8:31

Mègōnu d́ō, Jezŭ d́ògè Jŭdapho ab́ugè Cè tòcò gōjo, “Thĭ ku b́u ma Jè dèjî̄b́è d́ō, thĭ gî̄ ḿî thĕbwe tèpwè Jo bōhmubicè,

Thodŏpho 11:23

B́ĕ ze le kî tcahtîb́ègè Kib́ĭcè adèhôwî lab́è cè tòcò nu, ca thaganāiscô tèpwègè kî ikhoiăgè lōwa tòcò akò òibò̄ dèb́uhme d́ŏ B́ĭcè abu nu.

Thodŏpho 14:22

Zè mèthè̆htage hwă ab́udè tòcò atha, ci ikhoiă lōwa akò òhmeòglo dèb́udènè abu. “Wa gā pahtîb́è dèbadèsè̆ pwĕdimi dukhlŭkî we gē lenī Mò̄kho ahtĭage hnî̆ńò nu,” cò d́ò̆sa lōwa tòcò do.

Thodŏpho 2:42

Alekă bija tòcò òhmeòglogè d́ŏ bōhmubicè tòcò adèthôdèthò̆ abu, kî òplosò̆jī, b́îpha toko, kî thub́uhtathèb́è̆hta jīplogè lōwa.

Rŏma 2:7

Gajă bija amè dèphîdèmè awîaè thèjô̆, kî wāhlè dèdòdèthe, dèd́ŏdèj́a kî dè adi thĭ za ńò dèbwè nu, gī nib́èkò̆ dèòthôḿô̆ lahtŭlablo.

1 Kòrĭn 15:58

Mègōnu d́ō, b́èlò̄ thè̆buthè̆we tòcò, sò̆hto òhmeòglobò̄. Ḿî thĭ thîhè̆ htè thĭ mè Kib́ĭcè adèmè nu di ḿî dè ahnahnă hnahnă ńò d́ō mèthĕbwethîlî̆ thèjô̆bò̄.

1 Kòrĭn 16:13

Sòiwoibò̄ thĭ ne, sò̆hto hmeglobò̄ dèb́u abu, òibò̄ dèkhŭdèhè̆, òibò̄ dèkhodèă.

Galatiăno 5:1

B́ĕ Krĭstu b́ahlô̆ wa nu, Zè dèthaèni ḿî wò kò̄ òhlô̆òla thèjô̆ lò. Òhmeòglobò̄ acab́ô̆ bija aòhlô̆òla akhò̆ nu, kî ibe ḿè bija hna zô thĭ dèbwè̆ be ḿè.

Philippiăno 1:27

Khŏnujo, dè ajwīdomodo dimi ḿî thĭ thathôḿô̆ aklè kè̄ b́è ḿî acab́ô̆ Krĭstu aVanzĕlo adèloba ò akhò̆ nu, cab́ô̆htè je gē lehtî za thĭ ḿîwî, da za ńò ḿîwî, jî gî̄ thîhè̆b́èbò̄ thĭ dèsò̆hto òhmeòglo d́ŏ dèlè̄latha domo lò abu, thĭ kō d́o jīplo lōwa d́ŏ Vanzĕlō adèb́udènè anikhĭ nu.

Philippiăno 1:8

Kib́ĭcè ḿî akhathè̆thî ji nikhĭ htè b́ĕ jò d́ò d́ŏ jè b́èlò̄ thĭ lŏcăcè nu ahèhta d́ŏ Jezŭ Krĭstu thè̆ne atha bu nu.

Philippiăno 2:16

b́ĕ thĭ d́ò̆sa cè tòcò dèthôḿô̆ awîakè̆ nu. Thĭ gè̄ mègōnu kò̄ d́òdo dō, b́ĕ Krĭstu Amuni nu, jò kò̄ òkî dè awîakè̆ d́ŏ dèbè̄htajî i je ne thĭ kho thĭ cè̆, ḿî thĭ mèdè tòcò nu kè d́è̆lî̄ Cè d́ŏ jè dèwuthè̆dèba kî jè dèmè tòcò tè kèhta tèpwè dè ahnahnă ńò nu.

Philippiăno 2:26

Ca thaè tcahtî thĭ gŏ abwè, kî ca tha dò mò ńò d́ŏ thĭ thîhè̆gè cò tò òmô̄òhma ńò akhoacè̆ nu.

Kòlò̆ssia 4:12

Epaphras, htè aḿî thĭ khò̆ thĭ khè aklè̆ kî Krĭstu Jezŭ akhî̆abwè dèbwè, thè̆lekô adèsŏwîsŏmò thĭ lò. Cè Thèb́è̆hta thĭ nikhĭ, d́ŏ dèthosôthasô abu thèjô̆, cab́ô̆htè thĭ gî̄ ḿîbò̄ Krĭstupho tòcò d́ŏ aòhmeòglo dèb́u abu, kî lôkô pĕhtazòhta Kib́ĭcè adèthaèni, d́ŏ dèsòkhĕńelēthèhô̆ abu nu.

1 Thèssalò̆nika 3:13

D́ŏ dèjo abu, ci ki isôhta thĭ kho thĭ ă, thĭ gē pĕhtazòhta kî Spirito Tcahtĭ d́ŏ Pa B́ĭcè ahlò̆mò̄ b́ĕ B́ĭcè Jezŭ lela ploplo kî bija lŏcăcè htè ab́èkja Cè tòcò nu.

2 Thèssalò̆nika 2:15

Gōnu akhoacè̆, thè̆buwe tòcò, sò̆hto hmehmebò̄, phîglobò̄ dèdî̄dèhma htè wè thèhlô̆ thĭ, d́ŏ dèd́ò̆htôla abu kî d́ŏ wè dèhweni thĭ cèborŏ abu tòcò nu.

2 Timò̆theo 2:1

Ḿî ḿî nè, ŏ jo pho, òibò̄ dèkhodèă d́ŏ ahluată htè aò d́ŏ Jezŭ Krĭstu abu nu.

Hebrè̆u 10:23

Wò kò òi hmehmecece d́ò̆è wè dèsascĭi, manè̄ d́ō, bija amè dèaḿăkhai dèbwè ḿî adî̄ahma akhoacè̆ nu.

Hebrè̆u 3:14

Manè̄ d́ō, wi gī nib́èplo zakò̆ Krĭstu akă dèilage d́ŏ dè zabāgloi dèila wa tòcò htô̆ agudulă nu.

Hebrè̆u 4:14

Acab́ô̆ wò òigè Phŭgima ahtakhlŏ d́ŏ Mò̄kho ahtajîgudŭ Jezŭ Krĭstu, htè Kib́ĭcè Apho nu, wè dè lè̄dakè̆ za dèb́u htè wi nib́è htŏ ajo nu ńò.

2 Petru 3:17

Barasă d́ō, thĭ jò thò tòcò, thĭ thîhè̆dòlò htŏ dè ajo akhoacè̆, wolakhalaibò̄ thĭ ne, dî ḿî ma ńò d́ō, thĭ gô̄ lôkô ni bwètitŏ tòcò akă, htèniwĭniwa d́ŏ thĭ dèsò̆htohme abu nu.