Baibulo la pa intaneti

Mattĕo 7:21 - Geba Roman New Testament

²¹ “Bija ajo Jè B́ĭcè, B́ĭcè tòcò nu, tè b́è ze gē lenīb́è Mò̄kho Ahtĭage bu gô̆ abwè ńò; agē lenīb́è Mò̄kho Ahtĭage ḿî bija htè amè Ja Pa aò Mò̄kho dèbwè adèthaèni tòcò nu lò.

Onani mutuwo Koperani

bwerera mmwamba ⬆

Mattĕo 7:21
49 Mawu Ofanana

Mattĕo 12:50

Manè̄ kò̄ d́òdo dō, gajă bija amè Ja Pa aò Mò̄kho dèbwè adèthaèni tòcò nu, zi ḿî lŏ Ju bu Jè cè kî Jo mo lò,” Cò d́ògè d́o.

Mattĕo 16:17

Kîd́ò̆ Jezŭ d́òge cè, “Nè b́è dèhôwî Simŏnè Zŏnah apho, manè̄ kòd́òdo dō, ad́ò̆sa nè tî ḿî nî hî ni thwi ńò, ḿî Ja Pa aò Mò̄kho dèbwè nu.

Mattĕo 18:10

“Sòibò̄ thĭ ne cab́ô̆htè thĭ gè̄ dèhtèkè̆ abĭsèpho ajo tòcò aklè̆ dèbwèbwè ńò nu, manè̄, Jò d́ò̆sa thĭ, d́ŏ Mò̄kho nu zè Mò̄khobwèzo tòcò tcawè̄htî thèj́ô̆ Ja Pa aò Mò̄kho dèbwè amūkă.

Mattĕo 18:19

“Jò d́ò̆sa thĭ tapla be, htè thĭ klè̆ gībwè, thŏbwè atha ka d́wă hwă lōwa, za gā dadè dimimi d́ŏ Lākho akho jo d́ō, Ja Pa aò Mò̄kho dèbwè ki ila tèpwè cè.

Mattĕo 18:3

Kî cò d́ò, “Jò d́ò thĭ adî̄ahma, Thĭ gā ta b́ăkhlè thĭ tha ńò, thĭ gi dî phî̆hta acab́ô̆ abĭsèpho tòcò nu ńò d́ō, thĭ de lenīb́è Mò̄kho Ahtĭage abu ńò.

Mattĕo 18:35

“Acab́ô̆ gōnu, thĭ gô̆ abwè gā ta b́ăplè lŏtholŏtha athè̆buwe ńò d́ō, Apa aò Mò̄kho dèbwè gè̄ mèkò̆ thĭ gōnu lò lò.”

Mattĕo 19:24

Kîd́ò̆ Jò d́ò̆sa thĭ tapla be; gòlaŭ gē lenī hnăd́è akazè̆ abu d́ō agō hjŏ lĭ bija ajèdā dèbwè gē lenī Mò̄kho Ahtĭage bu dòkhò̆.”

Mattĕo 25:10

Ḿî b́ĕ ze lebwî thebĕ nu, amikhŏ aphîcu dèbwè dogè, kî aòdòlò tòcò lenīkôgè ca kă dèphîcu apwè̆ kî khaglè̄ glè̄b́igè.

Mattĕo 25:21

Cî B́ĭcè d́ò cè, ‘B́èzî̄b́èzô̄, zôpho aè kî adî̄ahma, nî dî̄ na hmagè dè tîkîpho tòcò akho d́ō, jè lè̄lakò̆ nè dè òèòò akho. Lenībò̄ ni B́ĭcè adèthaganāi abu.’

Mattĕo 26:39

Ze le ahlò̆mò̄ tîkî be kî Zò gò̄la thèb́è̆htagè, “Ŏ Apa, agî̄ phî̆hta za b́eḿĕ d́ō, phală ajo gē letôlô d́ò̆è Jè. Barasă tè b́è tèpwè Jè dè thaèni ńò, ḿîgè Nè dè thaèni ò adĕ lò.”

Mattĕo 26:42

Ze geb́a tapla be kî Cè thèb́è̆htagè, “Ŏ Apa, b́eḿĕ Jo kò ò̆b́è gāgă Phală ajo nu d́ō, dè gî̄ ḿî d́ò̆è htĕ ab́è Na tha nu lò.”

Mărko 3:35

Gajă bija amèkô Kib́ĭcè adèthaèni akă dèbwè nu, zi ḿî tèpwè Jè thè̆buwe kî Jo Mo lò.”

Mărko 9:47

Na gādŭ gī ḿî b́eḿĕ dè aphî̆hta ni nikhĭ dèkhòwè d́ō, cîẃî̆phlòhtakè̆ kî hwĕphlòḿĭ cè. Ne lenī Mò̄kho Htĭge kî na gādŭ ò dòkhò̆ lò nu aè d́olĭkî na la Larrā kî na gādŭ gīphlo lōlō nu,

Lŭka 11:28

Barasă Jezŭ d́òge cè, “Ab́èhôwî d́okhlŏ ḿî bija asòkhĕńe Kib́ĭcè alēahwè kî aòi cè tòcò nu dòkhò̆,” Cò d́ò̆sagegè lōwa d́o.

Lŭka 13:25

Ḿî hib́icè gē lenī hwă hibu kî zè gè̄ glè̄b́i hwă khaglè̄ tapla, thĭ gò̄ sò̆hto ò hwă d́ŏ akhlŏ, tòklò khaglè̄ kî d́ò, ‘Ŏ B́ĭcè, b́ăhtanibò̄ wa khaglè̄!’ Kî cò kò d́òscĭgekò̆ thĭ, ‘Thĭ ò d́òlè̄ nu ji di thîhè̆ mè ńò!’

Lŭka 18:25

Gòlaŭ tod́ŏ gē lenī hnăd́è akazè̆ bu hnò̆nu agō hjŏ d́olĭ we bija aniò̆jòa dèbwè gē lenī Kib́ĭcè Ahtĭage bu dòkhò̆,” Cò d́ò do.

Lŭka 6:46

“Thĭ jo hwă Jè, ‘B́ĭcè, B́ĭcè,’ d́ō thĭ dè mèkô ma Jè dèhtulahmèla akă ńò nè?

Zowănnī 14:7

Cò dò lōwa tòcò, “Khŏnujo thĭ thîhè̆ htŏ Jè, kî thĭ gî̄ thîhè̆ tèpwè Apa, kî khŏnujo phlò̆ ahlò̆mò̄ thĭ thîhè̆ htŏ tèpwè Cè, kî tcahtî htŏ tèpwè Cè.”

Zowănnī 15:23

Bija adèwè̄dèsè̆ Jè ńò dèbwè nu, dè wè̄ dè sè̆ Ja Pa ńò ńò.

Zowănnī 3:5

Jezŭ d́òscĭge cè, “Jò d́ò̆sa nè adî̄ahma, bija dèbwè kò tò òlathè̆ d́ŏ htĭ kî Spirito Tcahtĭ ńò d́ō, ze dè lenīb́è Kib́ĭcè Ahtĭage abu ńò.

Zowănnī 5:17

Jezŭ d́ò cè tòcò, “Ja Pa mèwe dè htô̆ khŏnujo, kî Jè mè dè dè,” Cò d́ò lōwa do.

Zowănnī 6:40

Manè̄ d́ō, ajo ḿî Ja Pa athodŏle Jè dèbwè adèthaèni htè gajă bija atcahtî Apho dèbwè kî ab́u Cè tòcò nu, gī nib́è dèò alahtŭlablo. Kî muni agudulă dini ja ka b́awè̄htoge cè,” Cò d́ò lōwa do.

Zowănnī 7:17

Bija dèbwè gā thaè mèkô Zè dè thaèni d́ō, ‘Zî gî̄ thîhè̆ tèpwè aò d́ŏ B́ĭcè ò ā?’ ḿî ‘Jò d́ò dò̆ jo lo ja la ā?’ nu.

Thodŏpho 14:22

Zè mèthè̆htage hwă ab́udè tòcò atha, ci ikhoiă lōwa akò òhmeòglo dèb́udènè abu. “Wa gā pahtîb́è dèbadèsè̆ pwĕdimi dukhlŭkî we gē lenī Mò̄kho ahtĭage hnî̆ńò nu,” cò d́ò̆sa lōwa tòcò do.

Rŏma 12:2

Dòniphînibò̄ ḿè bija Lākhopho aò khwè̆b́a thĭ tòcò adèphîdèmè ḿè. Ḿî b́ăkhlèbò̄ thĭ dègemeelô d́ŏ dègomogamā athè̆ abu nu. Ajo ḿî klèthòò̆ ad́è̆lî̄ wa Kib́ĭcè adèthaèni kî amèthîhè̆ wa dèzwî̄dèè htè Kib́ĭcè thaèni kî dè apĕhtazòhta amò mè tòcò nu.

Rŏma 2:13

Tè b́è d́ŏ dèsòkhĕńe Dèhmèla acè̆ ńò, ḿî dèòi Dèhmèla gè̄ mèwîmètcă bija d́ŏ Kib́ĭcè ahlò̆mò̄ nu.

Ephè̆sus 6:6

Mèbò̄ ḿè pwe Za ka tcahtî kî b́èthob́ètha anikhĭ lò ḿè, ḿî mèlŏtholŏthabò̄ dè htè ab́ètha Kib́ĭcè kî acab́ô̆ Krĭstu adèmèpho akhò̆ nu.

Kòlò̆ssia 4:12

Epaphras, htè aḿî thĭ khò̆ thĭ khè aklè̆ kî Krĭstu Jezŭ akhî̆abwè dèbwè, thè̆lekô adèsŏwîsŏmò thĭ lò. Cè Thèb́è̆hta thĭ nikhĭ, d́ŏ dèthosôthasô abu thèjô̆, cab́ô̆htè thĭ gî̄ ḿîbò̄ Krĭstupho tòcò d́ŏ aòhmeòglo dèb́u abu, kî lôkô pĕhtazòhta Kib́ĭcè adèthaèni, d́ŏ dèsòkhĕńelēthèhô̆ abu nu.

1 Thèssalò̆nika 4:3

Kib́ĭcè thaèni thĭ kò̄ ò thôḿô̆ òwîòtcă kî sèkô̆nibò̄ amihmu mikhŏ dèlakèmè nu.

1 Thèssalò̆nika 5:18

D́ŏ dèlŏcăcè abu nu, thîhè̆htagebò̄ Kib́ĭcè ahluată. Ajo ḿî Kib́ĭcè adèthaèni d́ŏ ab́èkja Jezŭ Krĭstu tòcò aò nu.

Tĭto 1:16

Cò d́ò d́ŏ Zî thîhè̆ Kib́ĭcè, barasă zè dèmè de lethô̆lô̄ tèpwè ńò. Cè tòcò ḿî bija amò thasè̆, ate d́ĕb́ad́ab́a dè ńò, adèmè awîaè tò ò dimĭ ńò tòcò nu.

Hebrè̆u 4:6

Bija htè athîhè̆ ŭsu Vanzĕlō tòcò nu de lenīb́è dèsò̆dūsòd́è̆ alle ńò, manè̄, cu tu b́u ńò akhoacè̆ lò. Ḿî bija alewe tòcò cò nib́è tèpwè akhwè d́ŏ agē lenīb́è d́ŏ dèsò̆dūsòd́è̆ alle nu.

Zăkomo 1:22

Hlòplèbò̄ ḿè thĭ ne d́ŏ thĭ dèsòkhĕńe abu lò ḿè, ḿî mèkôbò̄ akă dòkhò̆.

1 Petru 2:15

Kib́ĭcè gā hwă thĭ dî ḿî bija azôabwè dèbwè̆ ńò. Mègōnu d́ō, òbò̄ acab́ô̆ bija ahlô̆ala tòcò nu,

1 Petru 4:2

D́ŏ Cò òkî phehî athŭtherĕ, Zè dèò dî ḿîgè bija athwiahtĭ adèò ńò, ḿî Cò ògè acab́ô̆ Kib́ĭcè adèthaèni nu lò.

Dèd́è̆lî̄ 2:27

htè ja Pa ilanigè jè agā tcaiŭi cè tòcò kî hnèmūhtala kî agē deprî cè tòcò acab́ô̆ goboloha nu.

Dèd́è̆lî̄ 22:14

Ab́èhôwî ḿî bija htè ascî̆bô̄ b́ă ascid́ŏdò̄dô cab́ô̆htè ca ka ab́èbò̄ dèòthôḿô̆ athothè kî agē lenīkôb́è khaglè̄ alenī d́ŏ u abu tòcò nu.

Dèd́è̆lî̄ 3:5

Bija anoabè dèd́o tòcò nu kò thòb́èkô̆ scid́ŏ b́ôthă acab́ô̆ ajo tòcò nu; jô gô̄ dô htô̆b́ăkè̆kò̆ cè tòcò ami d́ŏ dèthôḿô̆ acèbu ńò, ḿî je gē selakò̆ zi mi d́ŏ ja Pa ahlò̆mò̄ kî Zè Mò̄khobwèzo tòcò ahlò̆mò̄ nu.

Titsatireni:

Maulalo othandizidwa

Zotsatsa

Zotsatsa