Baibulo la pa intaneti

Mattĕo 4:23 - Geba Roman New Testament

²³ Kîd́ò̆ Jezŭ hè Galilĕa thèd́è̆ge abu, Cò d́òŭd́ò̆sa dè d́ŏ lōwa tòcò asinagŏgā abu. Cò d́ò̆htô Mò̄kho Ahtĭage aVanzĕlo kî Zè mèhmage lŏ bija ascwiasè̆ kî adô mô̄ da hma ńò amŏamo arră lò̆ tòcò nu.

Onani mutuwo Koperani

bwerera mmwamba ⬆

Mattĕo 4:23
46 Mawu Ofanana

Mattĕo 11:5

Aghādŭkhi tòcò tcahtîge, akhad́e tòcò hège, akaĺaki tòcò wî tcăhtage, anigu toŏ tòcò thîhè̆htage, athĭ tòcò htaboge, assègnè̆pho tòcò b́è d́ò̆htôlani Vanzĕlō adèthôdèthò̆.

Mattĕo 12:9

Kîd́ò̆ tcabò̄, Zè hètôĺô hwă b́ĕ nu d́ō, Ze lenīgè lōwa asinagŏgā abu.

Mattĕo 13:19

B́ĕ bija dèbwèbwè sòkhĕńe Mò̄kho Ahtĭage alēahwè zi di thîhè̆ ahtabohtab́ă ńò nu, dèkî̆kkè amubwe le, kî phîkè̆ tèpwè dè htè aò bāla za thabu nu; ajo ḿî bija htè anib́è dèkhwĭ aladē klèwōlò dèbwè nu.

Mattĕo 13:54

Zo donīge Co d́ŏ Za phă abu d́ō, Cò d́òŭd́ò̆sagè bija d́ŏ lōwa asinagŏgābu nu; d́ō cè tòcò htèdômô̄dahmă kî la d́è̆hlè lōwa, “Bija ajo dèbwè adèthîhè̆ ò ma, kî mèkèhta ma dècòklî pwĕ gōnu nè̄?

Mattĕo 14:14

B́ĕ Zè hèhta khò̆kho nu, Ca tcahtî bija aboahò kîd́ò̆ d́ŏ Zè dèkhòwèhmòb́è abu, Zè mèhmagegè gajă bija ascwiasè̆ lŏcăcè nu.

Mattĕo 24:14

Kîd́ò̆ Htĭge aVanzĕlo ajo kè̄ b́è d́òŭd́ò̆sakò̆ Lākho thèd́è̆b́è akho, acab́ô̆ bija akhwĭ lŏcăcè anikhĭ thè̆thî nu, kîd́ò̆ b́ĕnu dè akŭdu gō dokò̆.

Mattĕo 3:2

Kîd́ò̆ cò d́ò, “Khahlô̆bò̄ thĭ dèkhòwè, manè̄ kòd́òdo dō, Mò̄kho Ahtĭage b́ôhtî htŏ.”

Mattĕo 9:35

Jezŭ lehtî u kî d́ŏphă lŏcăcè, Cò d́òŭsaŭ dè d́ŏ lōwa asinagŏgā tòcò abu, kî Cò d́ò̆htô Mò̄kho Htĭge aVanzĕlo, kî Zè mèhlè̆mè̄ dèdî̄dèsè̆ amŏamo kî mèhmage bija ada hma ńò ò arră nu.

Mărko 1:14

Zowănnī b́èphòb́ècŏ hwă, Jezŭ legè d́ŏ Galilĕage nu, Cò d́òŭd́ò̆sagè Kib́ĭcè Ahtĭage Vanzĕlō, kî d́ògè,

Mărko 1:21

Kî Ze lenīgè Kapèrnaum U bu. B́ĕ Munisòd́è̆ nu, Za htanīgè Sinagŏgā abu kî d́òŭd́ò̆sagè dè.

Mărko 1:39

Mèhwă Cò d́ò̆htôd́ò̆dèlègè dè d́ŏ lōwa tòcò asinagŏgā abu, htè aò d́ŏ Galilĕage thèd́è̆ge abu kî hmòphlòḿĭgè dèscidèhnè tòcò nu.

Mărko 3:10

Jezŭ mèhmage bija òèòò akhoacè̆ ada hma ńò tòcò thaè tòb́è tèpwè Cè.

Mărko 6:2

B́ĕ Munisòd́è̆ nu, Cò d́òŭd́ò̆sagè dè d́ŏ Sinagŏgā abu nu. Bija òè̆bwè thîhè̆ Zè dèd́ò̆htô d́ō cè tòcò htèdômô̄dahmă kî d́è̆hlègè lōwa, “Zi phînigè dè ajo tòcò d́òlè̄? Kî dèilani Cè dèthîhè̆ ajo ḿî danè̄? Zè mè za dèbòdèba pwe pwe gōjo ḿî Zi nib́è d́òlè̄?

Mărko 6:6

Zè htèdômô̄dahmăgè d́ŏ bija tòcò adèb́u tò ò ńò acè̆ nu. Jezŭ hègè d́ŏ d́ŏwēd́ŏwa tòcò kî thôithò̆igè bija.

Lŭka 10:9

Kî mèhmagebò̄ bija ascwiasè̆ tòcò, d́ò cè, ‘Kib́ĭcè Ahtĭage dohtî htŏ thĭ,’ d́òbò̄ cè d́o.

Lŭka 13:10

B́ĕ Munisòd́è̆ dini nu Jezŭ thôithò̆igè d́ŏ Sinagŏgā abu nu.

Lŭka 16:16

“Htô̆do Zowănnī le nu, Mŏzè Adèhmèla kî Prò̆fèt tòcò ò htŏ; d́ŏ dèd́ò̆htôla Kib́ĭcè Ahtĭage Adèthalōthalai Awîakè̆ akhoacè̆ bija gŏ abwè sanīwî̄nī abu.

Lŭka 20:1

Dinitèthè̆ b́ĕ Jezŭ thôithò̆i bija d́ŏ Zarādo abu, kî d́ò̆htôd́ò̆dèlèi Vanzĕlō akhî nu, Phŭgido tòcò kî Skrĭbāpho tòcò kî athobwethabwe tòcò lehtî Jezŭ kî cò d́ò lōwa,

Lŭka 4:14

Jezŭ ò pĕhtakî Spirito Tcahtĭ aphlŭathere d́ō, Ze geb́agè d́ŏ Galilĕage nu, kî Zi mi hŏhtathèlagè thèd́è̆htĭthèd́è̆ge.

Lŭka 5:17

Dinidèthè̆ Jezŭ sanălăò kî thôithò̆igè bija kîd́ò̆ d́ŏnu pharizè̆pho kî skrĭbāpho tòcò sanălăò, zi ḿî bija aò d́ŏ Galilĕage kî Judĕage ad́ŏaphă tòcò kî Jerŭsalèm u bu tòcò nu. Kîd́ò̆ B́ĭcè acô̆thèlè̆ ògè Zò lò cab́ô̆htè Zè gè̄ mèhmagebò̄ lōwa tòcò nu.

Lŭka 6:17

Jezŭ gelaplo hwă cè tòcò d́ŏ khòlò̆kă Zò sò̆htoògè d́ŏ ad́ô̆kho taklaẃa nu d́ō Zo bōhmubicè tòcò kî bija aboahò aò d́ŏ Judĕage kî Jerŭsalèm u tòcò, kî d́ŏ Tĭro kî Sidŏna,

Lŭka 6:6

B́ĕ Munisòd́è̆ nu, Jezŭ lenīgè d́ŏ Sinagŏgā abu kî thôithò̆igè bija. D́ŏnu bija acudèhtwè dòkhò̆ thĭwi ògè dèbwè.

Lŭka 7:21

B́ĕnu akhî ḿî Jezŭ mèhmage bija ascwiasè̆ kî dèsè̆ amŏamo, dèhnè phîb́è tòcò kî Zè mèhlî̆htage bija agādŭkhî òè̆bwè nu.

Lŭka 7:22

Mègōnu d́ō Cò d́ògè lōwa tòcò, “Ge kî d́ò̆sabò̄ Zowănnī dè htè thĭ thîhè̆b́è kî tcahtîb́ègè tòcò nu. Agādŭkhi tcahtîb́ège, akhad́e tòcò khè̆zage, anigu toŏ tòcò aè̆ phlò̆htage, akaĺaki tòcò plî̆tcăge, athĭ tòcò htaboge, assègnè̆pho tòcò b́è d́òŭd́ò̆sa Vanzĕlō adèthôdèthò̆.

Lŭka 8:1

Tò òjî̄ ńò Jezŭ hèpôd́ŏgè d́ŏ u tòcò kî d́ŏphă tòcò abu, kî Zô thôithò̆idè kî d́òŭd́ò̆sagè bija Kib́ĭcè Ahtĭage aVanzĕlo. Aòkô ca kă ḿî bōhmubicè scigībwè,

Lŭka 9:11

Barasă bija aboahò tòcò thîhè̆kô d́ō, zô lôkôgè lōwa ale. Jezŭ jo cè kî d́ò̆sagè cè tòcò Kib́ĭcè Ahtĭage awîakè̆ kî mèhmagegè bija aòhtĭòda tòcò nu.

Lŭka 9:60

Jezŭ d́òge cè, “Athĭ tòcò ku b́ŭlă d́ò̆è athĭ, barasă nè nu le d́òŭd́ò̆sabò̄ bija Kib́ĭcè Ahtĭage awîakè̆,” Cò d́ò lōwa d́o.

Zowănnī 18:20

Jezŭ d́ògegè cè, “Jô thôithò̆i hlî̆htaphlò̆htagè d́ŏ bija lŏcăcè ahlò̆mò̄ thèjô̆, d́ŏ Sinagŏgā kî Zarādo bu htè Jŭdapho tòcò ladēplo ale lò. Jò d́òhud́òzò dè tò ògè dimĭ ńò.

Zowănnī 6:59

Jezŭ d́ò̆sadè ajo tòcò b́ĕ Cò d́ò̆htôlani bija d́ŏ Kapèrnaum u, Sinagŏgā abu nu.

Zowănnī 7:1

Dè ajo tòcò hwă alekă d́ō, Jezŭ hè dagwālè̄gè d́ŏ Galilĕage bu, manè̄ d́ō, Za da thaè hè d́ŏ Judĕage bu ńò, ḿî d́ŏ Jŭdapho tòcò thaè mèthĭ Cè akhoacè̆ nu.

Thodŏpho 10:38

Kib́ĭcè htôrôgè Jezŭ Nazarè̆thpho kî Spirito Tcahtĭ adèkhodèă cadè̄ nu kî Zè hè dalā b́è dalā, mèhmage bija aladēnī Mod́èlî acukhòbu tòcò cadè̄ nu. Manè̄, Kib́ĭcè òkô ca kă.

Thodŏpho 18:4

Gŏ Munisòd́è̆ ani nu, za hta dòdò̄mòjahtî bija d́ŏ Sinagŏgā kî cwinigè Jŭdapho tòcò kî Grĭspho tòcò d́ŏ dèòplo abu nu.

Thodŏpho 20:25

“D́ŏ thĭ klè̆ nu jè hè d́ò̆htôla htŏ Kib́ĭcè Ahtĭage awîakè̆ nu. Khŏnujo jî thîhè̆ ladîlase htŏ htè thĭ gā da tcahtîb́è bekò̆ ju mūkă dèbwè̆ ńò.

Thodŏpho 28:31

Cò d́òŭd́ò̆sa lōwa tòcò Kib́ĭcè Ahtĭage awîakè̆, dèdî̄dèhma ab́èkja B́ĭcè Jezŭ Krĭstu d́ŏ dèòhlô̆òla apĕhtazòhta abu kî bija amèd́îd́ă cè tòcò tò ògè dèbwè̆ ńò.

Rŏma 10:15

Ab́èthodŏ kò tò ò ma ńò d́ō, ad́ò̆htô ni cè tòcò Kib́ĭcè Alēahwè tò ò tèpwè ńò. Cè Tcahtĭ d́ò, “Bija alei Vanzĕlō dèbwè akhad́ĕthè ḿî amòzî̄gè lò.”

Titsatireni:

Maulalo othandizidwa

Zotsatsa

Zotsatsa