Biblia Todo Logo
Baibulo la pa intaneti

- Zotsatsa -




Mattĕo 16:27 - Geba Roman New Testament

27 Manè̄ kò̄ d́òdo dō, Bija Apho gē lelakò̆, Cè kî Mò̄khobwèzo tòcò d́ŏ Ca Pa adòathe aklè̆ nu, kî b́ĕnu, Ci kī igekò̆ bija gô̆ abwè acab́ô̆ zè dèphîdèmè tani nu.

Onani mutuwo Koperani




Mattĕo 16:27
45 Mawu Ofanana  

Bija Apho gā hnakò̆ Amò̄khobwèzo tòcò kî zi gî̄ phîkè̆kò̆ dèd́è̆lî̄ klè atè è ńò lŏcăcè, kî bija amè dèkî̆kkèmèhlò̆ lŏcăcè d́ŏ Zi htĭ Ze ge abu nu.


Gōnu akhò̆pha b́ĕ munilēdū nu dè gè mèkò̆ ane gōnu nu. Mò̄khobwèzo tòcò gè̄ hèhta kî phîhtakè̆kò̆ bija akî̆kkè d́ŏ bija adî̄ahma aklè̆ nu.


Kîd́ò̆ Bija Aphokhŏ ahô̆ajò gî̄ lî̄htakò̆ d́ŏ Mò̄kho nu, kî b́ĕnu bijakhwĭpho da thara da thara lŏcăcè gō jo gā hakò̆; kî ca gā tcahtîkò̆ Bija Apho khè̆la Mò̄kho adè̄tob́o akho d́ŏ dèphlŭdèthere kî dèdòdèthe abu nu.


“Kîd́ò̆ b́ĕ Bija Apho ge lela Zò dò Ze the aklè̆, kî Mò̄khobwèzo lŏcăcè gā lakô Ca kă, b́ĕnu Za gā sańăkò̆ Zò dò Ze the ana bu.


Jezŭ d́òge cè, “Ńò d́òb́è tèpwè, barasă Jò d́ò̆sa thĭ ajo, thĭ gā tcahtîb́èkò̆ Bija Apho asańă d́ŏ Kib́ĭcè aphlŭathere acukhò dèhtwè dòkhò̆ kî Za lakò̆ d́ŏ Mò̄kho adè̄tob́o aklè̆ nu.”


Barasă Jezŭ d́ò cè, “Htwimi tòcò abu ò; htŏpho tòcò abi ò; barasă Bija Apho gō bò̄lai ako ale tò ò ńò.”


Jezŭ d́ògè cè, “Ji ḿî Cè hŏ. Thĭ gā tcahtîb́èkò̆ Bija apho asańălăò d́ò̆ Dèkhodèădo acudèhtwè dòkhò̆b́è ò nu kî ala Mò̄kho dè̄tob́o klè̆ dèbwè nu.”


D́ŏ dèlathulakèḿè kî dèkî̆kkèmèhlò̆ akhwĭ athara ahlò̆mò̄ nu athăwāi Jè kî Jè lē Jè hwè dèbwè nu, Bija Apho gā thăwāikò̆ cè b́ĕ Ze lela d́ŏ Ca Pa adòathe abu kî d́ŏ Mò̄khobwèzo Tcahtĭ tòcò aklè̆ nu.”


Anu tapla Bija Apho kò d́ò hwă dè̄tob́o d́ŏ dèdòdothedo kî dècô̆dothèlè̆htô̆ abu nu.


Khŏnujo phlò̆ ahlò̆mò̄ nu, Bija Apho dèbwè nu Za gā sańălakò̆ d́ŏ B́ĭcè Dèdòdothedo acudèhtwè dòkhò̆b́è nu,” Cò d́ò lōwa do.


Gajă bija athăwāi Jè kî Jè dèjî̄b́è tòcò dèbwèbwè nu, Bija Apho gā thăwāikò̆ cè b́ĕ Ze lenī Zò dò Ze the abu, kî Ca Pa adòathe abu kî Mò̄khobwèzo atcahtĭ adòathe abu akhè̆ nu.


Jezŭ d́òscĭge cè, “B́eḿĕ Jè dèthaèni ḿî cò kò òsô̆wô̄b́è htô̆ Ja la nu d́ō, ab́èkja d́ò̆ nè danè̄? Ḿî nè nu, lôkôbò̄ Je le,” Cò d́ò lōwa do.


Jezŭ adèjî̄b́è dôhmô̆ jo phî̆htagè athè̆buthè̆we tòcò aklè̆ dèdòdò̄maja kî dègomo htè bōhmubicè ajo dèbwè gī di thĭ b́è taplă ńò nu. Ahnèhnè ḿî ci di thĭ b́è ńò Jezŭ tò d́ògè do ńò. Ḿî “B́eḿĕ jè dèthaèni ḿî cò kò òsô̆wô̄b́è htô̆ Ja la nu d́ō, ab́èkja d́ò̆ nè danè̄?” Cò d́ò tèpwè do lò.


“Ŏ bija Galilĕapho tòcò, thĭ tcahta ma d́ŏ Mò̄kholè̄ nu nè? Jezŭ htè ab́èzāhta thĭwī thĭ d́ŏ Mò̄kho dèbwè jo gā lakò̆ tapla be mè acab́ô̆ Ze gehtagè jo nu,” Cò d́ò lōwa tòcò do.


Mègōnu d́ō, wa dèbwè dèbwè ladū kè d́è̆lî̄htab́èkò̆ ane d́ŏ Kib́ĭcè ahlò̆mò̄ nu.


Ci ki igekò̆ bija dèbwè dèbwè ladū acab́ô̆ zè dèphîdèmè tani nu.


Barasă d́ō, bija dèbwè kî dèbwè kè̄ b́è mèhtaboge kî aweakŭ ab́èabò; aŭsugudŭ, Krĭstu, anu hwă alekă, b́ĕ Zè dèlela akhî nu, bija htè ab́èkja Cè tòcò gā htabogekò̆.


barasă zî gî̄ ḿî da ahiphă nè nu agî̄ hlî̆htaphlò̆htakò̆ d́ŏ muni dini nu. D́ŏnu dini gō gohtaikò̆ kî hmî, kî hmî gî̄ dî̄tcakò̆ bija dèbwè dèbwè ladū adèmè.


Dèadèò̆ nu adeleiza wa d́ŏ Kib́ĭcè ò ńò hŏ. Wa ka ta a ma cè ńò d́ō, wu du su da pa tèpwè dè dimĭ ńò. Wa ka aḿî ḿî ado khlŏhtamame tèpwè ńò ńò.


Manè̄, wa gŏ abwè awîakè̆ athĕbwe nu gî̄ hlî̆htaphlò̆htakò̆ d́ŏ Krĭstu ahlò̆mò̄, b́ĕ Zè dècirra alle nu, kî wa dèbwè dèbwè ladū gî̄ ḿî b́èkò̆ acab́ô̆ ca tani adĕ, d́ŏ zè dèphîdèmè awî kî adî wî ńò, d́ŏ we neb́î̆cè adèòthôḿô̆ abu nu.


Thĭ thîhè̆ tèpwè htè Kib́ĭcè kī isôihlè̆ wa gŏ abwè, dèmèpho ḿîwî, bwèòhlô̆ ḿîwî, d́ŏ wè dèphîdèmè awîaè acè̆ nu.


Bija htè amè dèkèḿè tòcò nu, gī nib́è dè asôahlè̆ acab́ô̆ zè mègè adĕ nu, manè̄, Kib́ĭcè acirradè dèbwè da tcadotcascidè ńò acè̆ nu.


kî thĭ dôi Zo Pho ò d́ŏ Mò̄kho adèlela, Zo Pho Jezŭ htè Zè mèhtaboge d́ŏ dèthĭ kî amèhlô̆htage wa d́ŏ B́ĭcè adèthèhtè abu htè agā lab́è nu.


Dèkèwo alē gè̄ thèhta sôtèklè, Mò̄kho adogudŭ dèbwè alē kî Kib́ĭcè akhaja alē gè̄ thèhta kî B́ĭcè thè̆ne gē lela d́ŏ Mò̄kho lò. Bija htè athĭgè d́ŏ dèb́u Krĭstu abu tòcò gā htaboge ŭsugudŭkò̆.


Mègōnu d́ō, thè̆buthè̆we tòcò, khòthad́ò̆bò̄ htô̆do B́ĭcè gō doge nu. Tcabò̄ bija amèkhlòlè dèbwè òsô̆wô̄i alākho aphò̆athè alīdobwîthè̆ cadè̄ nu. Zò khòthad́ò̆ òsô̆wô̄i hwèhtĭ d́ŏ thèd́è̆zunila adābu nu.


Thĭ gè̄ lè̄ ma Cè, Pa, htè ada tca bija amūkă ńò, ḿî acirra bija gŏ abwè acab́ô̆ zè dèphîdèmè atherĕ lò dèbwè nu d́ō, thĭ gī thidĭi b́èkò̆ thĭ òjîwe thĭ hi thĭ phă asŏakhè̆ nu.


Kîd́ò̆ khŏnujo, pholi tòcò, òbò̄ Zu bu cab́ô̆htè b́ĕ Cè d́è̆lî̄hta Ze ne akhî nu, wa tha gū khŭhta kî we gè̄ dè sèò̆hubò̄ d́ŏ Zò hlò̆mò̄ d́ŏ dèthăwā aklè̆ ńò nu.


Ĕnòk, htè Adam hwă patriăka thăthô dèbwè nu, cò d́ò̆sadòlò òjî̄òkjagè ab́èkja cè tòcò awîakè̆ acab́ô̆ gōjo, “B́ĭcè gā la ploplo kî Zò Mò̄khobwèzo Tcahtĭ ahtò kî ahtò,


Tcabò̄, Zî ḿî agē lelakò̆ d́ŏ dè̄tob́o akho dèbwè nu; bija gŏ abwè gā tcahtîkò̆ Cè; d́ŏ aphlŏphlò̆ Ca tha tòcò nu papa, kîd́ò̆ bijakhwĭpho gŏ akhwĭ athara gō jo gā haikò̆ Cè. Ajo ḿî dè adî̄ahma lò, Amèn.


kî ja gā tcakò̆ zo pho zi li tòcò thĭ hlè̆mè̄ cab́ô̆htè dèòplo tòcò gî̄ thîhè̆bò̄ d́ŏ aḿî jè htè ab́adèkhlè bija athoatha kî aila thĭ dèbwè dèbwè ladū acab́ô̆ thĭ dèphîdèmè tani adĕ nu.


Ja tcahtî athĭ tòcò, adodo ascisci, sò̆hto ò d́ŏ Za na ahlò̆mò̄ b́ĕ Dèò acè ò ab́ăhta akhî nu, kî Cè alewe tòcò htè aòi cè tòcò adèphîdèmè awî kî akî̆kkè zè mènigè b́ĕ cò òwe d́ŏ Lākho akho nu.


Titsatireni:

Zotsatsa


Zotsatsa