Baibulo la pa intaneti

Mărko 8:38 - Geba Roman New Testament

³⁸ D́ŏ dèlathulakèḿè kî dèkî̆kkèmèhlò̆ akhwĭ athara ahlò̆mò̄ nu athăwāi Jè kî Jè lē Jè hwè dèbwè nu, Bija Apho gā thăwāikò̆ cè b́ĕ Ze lela d́ŏ Ca Pa adòathe abu kî d́ŏ Mò̄khobwèzo Tcahtĭ tòcò aklè̆ nu.”

Onani mutuwo Koperani

bwerera mmwamba ⬆

Mărko 8:38
44 Mawu Ofanana

Mattĕo 12:39

Cò d́òge lōwa tòcò, “Bija akî̆kkè kî ab́icèklèhtò tò ò ńò dôzô da dèbòdèba dèdè̆. Ḿî Prò̆fèt Zŏnah adèbòdèba gā hwă, dè kè tè d́è̆lî̄kò̆ cè dèbòdèba alewe dimĭ ńò.

Mattĕo 13:41

Bija Apho gā hnakò̆ Amò̄khobwèzo tòcò kî zi gî̄ phîkè̆kò̆ dèd́è̆lî̄ klè atè è ńò lŏcăcè, kî bija amè dèkî̆kkèmèhlò̆ lŏcăcè d́ŏ Zi htĭ Ze ge abu nu.

Mattĕo 16:27

Manè̄ kò̄ d́òdo dō, Bija Apho gē lelakò̆, Cè kî Mò̄khobwèzo tòcò d́ŏ Ca Pa adòathe aklè̆ nu, kî b́ĕnu, Ci kī igekò̆ bija gô̆ abwè acab́ô̆ zè dèphîdèmè tani nu.

Mattĕo 16:28

Jò d́ò̆sa thĭ adî̄ahma, bija asò̆hto ò b́ĕjo tòcò cò aklè̆ gi di thĭ hnî̆ńò, zā tcahtîkò̆ Bija Apho gā lakò̆ acab́ô̆ Saphra nu.”

Mattĕo 16:4

Bija akî̆kkè kî alathulakèḿè dôzô da dècòklî, kîd́ò̆ dèhlè̆kî Prò̆fèt Zŏnah adècòklî ńò nu, dè gè̄ ti ikò̆ cè dècòklî alewe dimĭ ńò.” Kîd́ò̆ Zè lè̄ kè̆ hwă lōwa tòcò Zè hègè.

Mattĕo 24:30

Kîd́ò̆ Bija Aphokhŏ ahô̆ajò gî̄ lî̄htakò̆ d́ŏ Mò̄kho nu, kî b́ĕnu bijakhwĭpho da thara da thara lŏcăcè gō jo gā hakò̆; kî ca gā tcahtîkò̆ Bija Apho khè̆la Mò̄kho adè̄tob́o akho d́ŏ dèphlŭdèthere kî dèdòdèthe abu nu.

Mattĕo 25:31

“Kîd́ò̆ b́ĕ Bija Apho ge lela Zò dò Ze the aklè̆, kî Mò̄khobwèzo lŏcăcè gā lakô Ca kă, b́ĕnu Za gā sańăkò̆ Zò dò Ze the ana bu.

Mattĕo 26:64

Jezŭ d́òge cè, “Ńò d́òb́è tèpwè, barasă Jò d́ò̆sa thĭ ajo, thĭ gā tcahtîb́èkò̆ Bija Apho asańă d́ŏ Kib́ĭcè aphlŭathere acukhò dèhtwè dòkhò̆ kî Za lakò̆ d́ŏ Mò̄kho adè̄tob́o aklè̆ nu.”

Mattĕo 8:20

Barasă Jezŭ d́ò cè, “Htwimi tòcò abu ò; htŏpho tòcò abi ò; barasă Bija Apho gō bò̄lai ako ale tò ò ńò.”

Mărko 13:26

“B́ĕnu bija Lākhopho tòcò gā tcahtîkò̆ Bija Apho dèbwè la d́ŏ dè̄tob́o aklè, dèphlŭdèthere kî dèdòdèthe abu.

Mărko 14:62

Jezŭ d́ògè cè, “Ji ḿî Cè hŏ. Thĭ gā tcahtîb́èkò̆ Bija apho asańălăò d́ò̆ Dèkhodèădo acudèhtwè dòkhò̆b́è ò nu kî ala Mò̄kho dè̄tob́o klè̆ dèbwè nu.”

Mărko 8:37

Ḿî̆dîḿî ńò bija dèbwè nu, ca b́ăkhlèi kèhta za tha kî danè̄?

Lŭka 19:26

‘Jò d́ò̆sa thĭ, htè aè̆ ò dèbwè nu, kèb́è i d́okhlŏkò̆, barasă aè̆ tò ò ńò dèbwè nu, aòni cè tîkî lò hnò̆nu, kè̄ b́è phîkè̆ thĭwīkò̆ cè.

Lŭka 9:26

Gajă bija athăwāi Jè kî Jè dèjî̄b́è tòcò dèbwèbwè nu, Bija Apho gā thăwāikò̆ cè b́ĕ Ze lenī Zò dò Ze the abu, kî Ca Pa adòathe abu kî Mò̄khobwèzo atcahtĭ adòathe abu akhè̆ nu.

Zowănnī 1:14

Dèjî̄b́è phî̆htagè bija, pĕhtakîgè ahluată, dèdî̄dèhma, kî Cò ògè wè klè̆. Kî wa tcahtîb́ègè Zò dò Ze the. B́ĭcè Pho dèbwè lò adòathe htè aò d́ŏ B́ĭcè Pa ò dèdè̆ nu.

Zowănnī 1:51

Kîd́ò̆ Cò d́òwe lōwa, “Jò d́ò̆sa thĭ adî̄ahma, thĭ gā tcahtîkò̆ Mò̄kho ò tab́ă kî B́ĭcè Amò̄khobwèzo tòcò gā htahtalalakò̆ d́ŏ Bija Apho akho nu,” Cò d́ò̆sagè lōwa tòcò do.

Zowănnī 12:34

Bija aboahò tòcò d́òscĭgè, “Krĭstu ò thôḿô̆ lahtŭlablo lò, dèhwela ò do. Mègōnu d́ō, Bija Apho kè̄ b́è zāhtajî, ńò d́ò za ma do nè? Bija Apho ḿî bò̄bwè?” cè tòcò dè̆gè lōwa do.

Zowănnī 5:27

kî aphlŭathere agī cirradè, manè̄ d́ō, Zî ḿî Bija Apho akhoacè̆ nu.

Thodŏpho 10:22

Kî cè tòcò d́ò, “Klĭpho dègèjè akho Kòrnè̆lio thè̆le wa d́ŏ ńò ò lò. Zi ḿî bija adî̄ahma, ascisăni Kib́ĭcè ale kî Jŭdapho thèd́è̆khwĭ d́ŏb́èj́ab́è dèbwè nu. Mò̄khobwèzo Tcahtĭ dèbwè adèd́ò̆sa acè̆ jo nè agē le d́ŏ zi hi nu kî agò̄ sòkhĕńe nè dèjî̄b́è nu,” cò d́ò̆sa lōwa do.

Thodŏpho 5:41

Thodŏpho tòcò hèladē hwă acirradè tòcò ahlò̆mò̄, ca thalōthalaigè d́ŏ agā khab́è dèmèjūlakăkè d́ŏ Jezŭ ami anikhĭ nu.

Rŏma 1:16

Ja da thăwāi tèpwè Vanzĕlō ńò; zî ḿî Kib́ĭcè acô̆thèlè̆ amèhlô̆htage lŏ bija adèb́u ò tòcò nu. Jŭdapho tòcò ḿî aŭsu kî Grĭspho tòcò papa.

Galatiăno 6:14

Ḿî jè nu, jî phîdophîmu ḿî wî B́ĭcè Jezŭ Krĭstu aKrusu; htè d́ŏ Zu Krusu akhoacè̆ Lākho tèb́è b́è htalaglo ji nikhĭ, kî jè b́è htalaglo Lākho anikhĭ nu.

1 Thèssalò̆nika 2:19

Thĭ gomo d́ŏ wè bè̄htahtô̆i we ne kî danè̄? Ḿî tèpwè thĭ lò. Thĭ ḿî wè dèmèbè agèlè htè wè bè̄htahtô̆i we ne thĭ khothĭ cè̆ adogudŭ ḿî b́ĕ B́ĭcè Jezŭ gē lelakò̆ d́ŏ Zò hlò̆mò̄ nu.

1 Thèssalò̆nika 3:13

D́ŏ dèjo abu, ci ki isôhta thĭ kho thĭ ă, thĭ gē pĕhtazòhta kî Spirito Tcahtĭ d́ŏ Pa B́ĭcè ahlò̆mò̄ b́ĕ B́ĭcè Jezŭ lela ploplo kî bija lŏcăcè htè ab́èkja Cè tòcò nu.

2 Timò̆theo 1:12

gōnu akhoacè̆ ja khab́èkò̆ dè ajo tòcò lò. Barasă d́ō, ada thăwā tèpwè jè ńò. Manè̄ kò̄ d́òdo dō, bija htè ju b́u b́è dèbwè ḿî bò̄bwè kî dè ab́èila ju cukhò bu nu Zè gè lè̄dîhtî̆ ni jè htô̆do d́ŏ muni dini nu jî thîhè̆ lò.

2 Timò̆theo 1:16

B́ĭcè adèthakhòwè kè b́èbò̄ Onecĭphrus ahiphophăpho tîkî. Manè̄ d́ō, zè mèmòhtage jè òè̆pla lò. Ca da thăwā nikhĭ jè d́ŏ jò òb́è dèkî̆dî̄ abu akhoacè̆ ńò.

2 Timò̆theo 1:8

Mègōnu d́ō, thăwā khabò̄ ḿè ne ne thè̆thî d́ŏ wî B́ĭcè anikhĭ ḿè, kî thăwā nikhĭbò̄ ḿè jè, htè ab́è dèd́owè̄glo d́ŏ Krĭstu acè̆ dèbwè anikhĭ ḿè ḿè. Ḿî ḿî, acab́ô̆ Kib́ĭcè i nè dèkhodèă akhò̆ nu, Khajīplobò̄ jè dèssègnè̆bòdò d́ŏ Vanzĕlō awîakè̆ anikhĭ nu.

Hebrè̆u 11:16

Ḿî cè tòcò thaèni htĭge aè khlŏlĭ, amò khlŏlĭ ajo, htè aḿî Mò̄kho htĭge nu. Kib́ĭcè mèhtani cè u, d́ŏ akhoacè̆, Cè b́è jo lōwa cî B́ĭcè nu, Ca ta thăwāi tèpwè ńò.

Hebrè̆u 11:26

Zo gomo htè bwè ab́èrô tòcò adèb́èmèjomèhnă Krĭstu anikhĭ ḿî alīdobwîthè̆ d́olĭ kî Izî̆tge aŭcalèkhjă tòcò nu, manè̄ d́ō, ca tca dîgrînî d́ŏ dèsôdèhlè̆ tòcò akhoacè̆ nu.

Hebrè̆u 13:13

Mègōnu d́ō, we gē lekô d́ò̆è Ca kă d́ŏ d́ŏzò̆ agā khab́èplo Cè dèthăwā.

Zăkomo 4:4

Ŏ bija adîdî̄dahma ńò tòcò! Thĭ dî thîhè̆ htè thĭ gî̄ ḿî ma Lākho akhò̆athò d́ō, thĭ gî̄ ḿî tèpwè Kib́ĭcè athè̆d́ĕd́ò nu ńò ā? Thĭ ka thaè phî̆hta ma Lākho akhò̆athò d́ō, thĭgè kèhta tèpwè Kib́ĭcè athè̆d́ĕd́ò lò.

1 Zowănnī 2:23

Bija htè ajab́i B́ĭcè Pho nu za jab́i B́ĭcè Pa; kî bija htè aphîni B́ĭcè Pho tòcò cî ḿî aphîni B́ĭcè Pa papa.

1 Zowănnī 2:28

Kîd́ò̆ khŏnujo, pholi tòcò, òbò̄ Zu bu cab́ô̆htè b́ĕ Cè d́è̆lî̄hta Ze ne akhî nu, wa tha gū khŭhta kî we gè̄ dè sèò̆hubò̄ d́ŏ Zò hlò̆mò̄ d́ŏ dèthăwā aklè̆ ńò nu.

Dèd́è̆lî̄ 14:10

cè tòcò thè̆ne kò ò̆ ma Kib́ĭcè athobiscihtĭ d́ō, cò kò ò̆b́èkò̆ Kib́ĭcè adèthèhtè athobiscihtĭ htè Zò hlònīgè d́ŏ dèthadohta apală abu nu! Kî gajă bija amèdè ajo tòcò nu, gā khab́èkò̆ dèssègnè̆bòdò d́ŏ hmîŭ kî losôb́ô̆ d́ŏ Mò̄khobwèzo Tcahtĭ kî Thŏpho ahlò̆mò̄ nu.

Titsatireni:

Maulalo othandizidwa

Zotsatsa

Zotsatsa