14 Bija atcai htò dalā cwèle d́ŏ u bu kî d́ò̆sakôgè bija aò d́ŏwēd́ŏwă tòcò d́ō, ruru bija le tcagè dè mè ane tòcò nu.
“Dè atcahtĭ nu i ḿè htwi tòcò ḿè; kîd́ò̆ hwĕladē ḿè lo mòrra htò ahlò̆mò̄ ḿè; mè tèb́è ńò agî̄ jîhta khè̆hta hwă akho, akā b́adebe ane kî ake e lahlèlab́a thĭ d́òbĕ.
Atcai htò tòcò sè gegè kîd́ò̆ zo donī u bu d́ō, cò d́ò̆sa lŏ dèphî̆htagè tòcò nu kî bija ahnèò dèbwè nu awîakè̆kè̆.
Jezŭ hna lenī danā tèpwè cè tòcò. Mègōnu d́ō dèhnè acîpô tòcò hèhta hwă lenīgè htò abu. Mègōnu d́ō htòhò aò ad́ŏ gīhtò nu cwè ladēkô khò̆tăplajātîlî̆ kî ladēnī pèllèbu, laothĭlōgè.
B́ĕ cè tòcò dolehtî Jezŭ kî tcahtîgè bija htè dèhnè legiŏnè mèjo dèbwè sanălăò thăbrācwi, kô̆thò tèpwègè d́ō cè tòcò scisăgè.
Atcaî htò tòcò tcahtî dèphî̆hta gōnu d́ō, cè tòcò cwèle d́ŏ u bu kî d́ŏlaphăbŭ kî d́ò̆sagè bija.