Baibulo la pa intaneti

Mărko 14:18 - Geba Roman New Testament

¹⁸ Cè tòcò sańă khwè̆b́a cud́èkho kî b́ĕ ca a thebĕ dèa akhî nu, Jezŭ d́ògè, “Jò d́ò thĭ adî̄ahma, d́ŏ thĭ a ajīò̆jī Jè aklè̆ dèbwè nu gô̄ hô̆lăkò̆ Jè.”

Onani mutuwo Koperani

bwerera mmwamba ⬆

Mărko 14:18
36 Mawu Ofanana

Mattĕo 26:21

B́ĕ Ca a phătha akhî nu, Jezŭ d́ògè cè tòcò, “Jò d́ò̆sa thĭ adî̄ahma, d́ŏ thĭ klè̆ nu, agô̄ hô̆lă Jè ò dèbwè.”

Mattĕo 5:18

Jò d́ò̆sa thĭ adî̄ahma, Mò̄kho kî lākho gè̄ hèwî̄hèkè̆ nòthò̆, dèhmèla gē de pĕhta lŏ hnî̆ńò athŭtherĕ, cèd́ŭ htî dimi dophlo ḿîwî, ane dene ḿîwî gè̄ dèhèwî̄hèkè̆ b́è ńò.

Mattĕo 6:16

“Kîd́ò̆ b́ĕ nu d́u dèadèò̆ nu, tcalathôj́ô mè acab́ô̆ bija atòpòkho tòcò mè nu ḿè; manè̄ kò̄ d́òdo dō, zè mè thĭwi zu mūkă bu cab́ô̆htè bija gā tcahtî cu d́u dèadèò̆ nu. Jò d́ò̆sa thĕbwe thĭ, zi nib́è htŏ zô sô zè hlè̆.

Mattĕo 6:2

“Mègōnu d́ō b́ĕ ni igetcage bija nu, u ḿè khaja bija hlò̆mò̄ acab́ô̆ bija awî tòpòkho mè d́ŏ sinagŏgā kî klèdisci abu, cab́ô̆htè bija ko d́ŏ ka j́a cè nu ḿè; jò d́ò thĭ adî̄ahma, zi nib́è htŏ zô sô zè hlè̆.

Mattĕo 6:5

“Kîd́ò̆ b́ĕ thĭ thèb́è̆hta nu, mè ḿè acab́ô̆ bija awî tòpòkho, htè ab́èlò̄ sò̆hto thèb́è̆ d́ŏ sinagŏgā kî klèdisci abu, cab́ô̆htè bija gā tcahti cè tòcò nu ḿè; jò d́ò thĭ adî̄ahma, zi nib́è htŏ zô sô zè hlè̆.

Mărko 10:15

Jò d́ò̆sa thĭ adî̄ahma, bija gî̄ dî phî ma Mò̄kho Ahtĭage acab́ô̆ abĭsèpho ńò nu, de lenīb́è abu ńò.”

Mărko 10:29

Jezŭ d́òge cè, “Jò d́ò̆sa thĭ adî̄ahma, bija htè ab́è̆lădakè̆ ahiaphă, ḿî̆dîḿî ńò athè̆buwe, amo apa, aphoali, alākhodoklè̆ d́ŏ Jo kho Jè cè̆ kî Vanzĕlō akhoacè̆ dèbwè nu,

Mărko 14:17

B́ĕ dèkhilagè nu, Jezŭ kî bōhmubicè scigībwè dolegè.

Mărko 14:19

D́ŏ dèothootha abu, d́è̆tcagè cè dèbwè hwă dèbwè, “Ḿî Na thaè d́ò jè ā?”

Mărko 14:25

Jò d́ò̆sa thĭ adî̄ahma, Jò kò̄ tò ò̆ pĭpi bekò̆ thobiscihtĭ ńò, htô̆do aniathè̆ kèb́è khaĺè Jò kò ò̆kò̆ d́ŏ Kib́ĭcè Ahtĭage bu nu.

Mărko 14:9

Jò d́ò̆sa thĭ dèdî̄dèhma, b́ĕ bija kò d́ò̆htôlani Vanzĕlō adèd́ò̆sa awîaè awîakè̆ d́ŏ lākho thèd́è̆b́è d́ŏ d́òlè̄ hwahwă nu, bija kò d́ò̆saikôkò̆ amihmu dèbwè jo adèmè aè ajo d́ŏ dègomohtani cè abu nu.”

Mărko 3:28

“Jò dò̆sa thĭ adî̄ahma, bija tòcò adèkhòwè kî ze dèjî̄b́è htad́ĕd́ò Kib́ĭcè kè̄ b́è dèb́ahlô̆ lŏ tèpwè.

Mărko 6:11

Bija gō do jo thĭ ńò, dò sòkhĕńe thĭ lē ńò d́ō, hèphlòḿĭ kî blab́ă haphĭhmu d́ŏ thĭ khakhò lò mè cab́ô̆ dèkhathè̆thî ahtad́ĕd́ò cè tòcò nu.”

Mărko 8:12

Cè thèhògè d́ŏ Ca thabu kî d́ò, “Thĭ ajo durū da ma dègèlè còklî nè? Jò d́ò̆sa thĭ adî̄ahma, dè gè̄ tè d́è̆lî̄ b́èkò̆ bija ajo durū dègèlè acòklî dimĭ ńò.”

Mărko 9:1

Cò d́òwe lōwa tòcò, “Jò d́ò̆sa thĭ adî̄ahma, d́ŏ asò̆hto ò b́ĕjo tòcò aklè̆ nu, tòcò cò gi dî dî̄tcab́èkò̆ dèthĭ ńò htô̆ za gā tcahtîb́è Kib́ĭcè Ahtĭage d́ŏ zè dèlela dèdòdèthe aklè̆ nu.”

Mărko 9:41

Bija dèbwèbwè ki iò̆ thĭ htĭ d́ŏ Ji mi abu nu, d́ŏ thĭ ḿî bija ab́èkja Krĭstu acè̆ nu d́ō, Jò d́ò̆sa thĭ adî̄ahma, zi di nib́è zô sô zè hlè̆ ńò tò ò ńò.

Lŭka 11:51

gohta b́ĕ Abĕlè̄ athwi htô̆ dola Zakarĭa htè athĭlăgè dèthèb́è̆kho kî Zarādo aplè dèbwè athwi nu. Ab́èhŏ! Jò d́ò̆sa thĭ bija ajo dikhwĭ kè̄ b́è daplekò̆.

Lŭka 22:21

“Tcabò̄, ahô̆lă Jè dèbwè òkôwe Ja kă b́ĕ cud́èkho nu.

Lŭka 4:24

Jezŭ d́òwe, “Jò d́ò̆sa thĭ adî̄ahma, htè Prò̆fèt di nib́è amūkă d́ŏ ad́ŏaphă bu dèbwè̆ ńò.

Zowănnī 1:51

Kîd́ò̆ Cò d́òwe lōwa, “Jò d́ò̆sa thĭ adî̄ahma, thĭ gā tcahtîkò̆ Mò̄kho ò tab́ă kî B́ĭcè Amò̄khobwèzo tòcò gā htahtalalakò̆ d́ŏ Bija Apho akho nu,” Cò d́ò̆sagè lōwa tòcò do.

Zowănnī 13:18

“Jò tò d́ò thĭ gŏ abwè ńò; Jî thîhè̆ tèpwè htè jô rôhlè tòcò nu; ḿî cab́ô̆htè Cè Tcahtĭ gē pĕhtabò̄ nu, acab́ô̆ ad́ò, ‘Bija a a plo jè dèbwè ḿî bija ahtad́ĕd́ò jè’ dôhmô̆ nu.

Zowănnī 13:21

B́ĕ Jezŭ d́ò hwă dè ajo tòcò nu, Co othoothagè kî Cò d́ò hlî̆htaphlò̆htagè, “Jò d́ò̆sa thĭ adî̄ahma, d́ŏ thĭ klè̆ nu dèbwè gô̄ hô̆lăkò̆ Jè,” Cò d́ò lōwa tòcò do.

Zowănnī 13:22

Bōhmubicè tòcò tcawè̄ hwă lōwa dèbwè hwă dèbwè kî htèniwĭniwagè htè Ca tha d́ò bò̄bwè nu.

Zowănnī 13:38

Jezŭ d́òscĭge Cè, “Ni ki ilaphlòḿĭ na tha ji nikhĭ ā? Jò d́ò̆sa nè adî̄ahma, dukhlŭkî scî̆phè̆ ôhta hnî̆ńò nu, na gā jab́ikò̆ Jè thŏpla htè nî dî thîhè̆ Jè ńò nu.

Zowănnī 21:18

Kî Jò d́ò̆sa nè d́ŏ dèdî̄dèhma abu nu, hlè̆ na thaze we nu, no cŏglo na jadē kî hèlehège acab́ô̆ na tha alō nu. Barasă d́ŏ na thabwelagè tapla nu, na kā tad́ăhtakò̆ nu cukhò, kî bija alewe dèbwè gō cŏglo hmetekle hwă nè kî gè̄ hèikò̆ nè d́ŏ ale na da thaè le ńò nu,” Cò d́ò lōwa do.

Zowănnī 3:11

Jò d́ò̆sa nè adî̄ahma, wî jî̄b́è dè d́ŏ wî thîhè̆ tòcò lò. Kî wa kha thè̆thî dè d́ŏ wè kèhtîgè tòcò nu, ḿî wè dèkhathè̆thî nu thĭ dî phînigè ńò.

Zowănnī 3:3

Jezŭ d́òscĭge cè, “Jò d́ò̆sa nè adî̄ahma, bija dèbwè kò tò òlathè̆ ńò d́ō, ca ta tcahtîb́è tèpwè Kib́ĭcè Ahtĭage ńò,” Cò d́òge lōwa do.

Zowănnī 3:5

Jezŭ d́òscĭge cè, “Jò d́ò̆sa nè adî̄ahma, bija dèbwè kò tò òlathè̆ d́ŏ htĭ kî Spirito Tcahtĭ ńò d́ō, ze dè lenīb́è Kib́ĭcè Ahtĭage abu ńò.

Zowănnī 5:19

Jezŭ d́òscĭge cè tòcò gōjo, “Jò d́ò̆sa thĭ adî̄ahma, Bija Apho nu dè mèzadè zo lo za la dimĭ ńò, ḿî Zè mè acab́ô̆ Za tcahtî Ca Pa mè nu lò. Pa mè atherĕ nu, Pho mèkô tèpwè.

Zowănnī 6:26

Jezŭ d́ò cè tòcò, “Jò d́ò thĭ adî̄ahma, thĭ wāhlè Jè tè b́è d́ŏ thĭ thîhè̆ Jè dèmè dèbòdèba ahtabohtab́ă acè̆ ńò, ḿî thĭ ab́è toko kî thĭ phŭ pĕhtagè acè̆ nu.

Zowănnī 6:32

Jezŭ d́ò cè tòcò, “Jò d́ò̆sa thĭ adî̄ahma, Mŏzè ti i thĭ a Mò̄kho a toko ńò, ḿî Ja Pa i thĭ a toko athĕbwe aò d́ŏ Mò̄kho ala nu.

Zowănnī 6:47

Jò d́ò̆sa thĭ adî̄ahma, bija ab́u Jè dèbwè nu nib́è dèòthôḿô̆ lahtŭlablo lò.

Zowănnī 6:70

Jezŭ d́òscĭge cè tòcò, “Jô dô rôhtagè thĭ anu scigībwè ńò ā? Barasă thĭ klè̆ dèbwè ḿî dèscidèhnè,” Cò d́òge lōwa do.

Titsatireni:

Maulalo othandizidwa

Zotsatsa

Zotsatsa