Baibulo la pa intaneti

Kòlò̆ssia 3:16 - Geba Roman New Testament

¹⁶ Ibò̄ Krĭstu adèd́ò̆htô htè alīdobwîthè̆ nu ò d́ŏ thĭ thabu nu. Thèhlô̆ kî htôimāihlèbò̄ lōwa acab́ô̆ thĭ dèzadèbla ò atherĕ nu. Thăbôbò̄ Psălmo adèthăbô̄, dèthub́uthèb́è̆ adèthăbô̄ kî dèthîhè̆htage Kib́ĭcè ami lŏtholŏtha abu nu.

Onani mutuwo Koperani

bwerera mmwamba ⬆

Kòlò̆ssia 3:16
62 Mawu Ofanana

Mattĕo 26:30

Kîd́ò̆ cè tòcò thăbô̄ hwă dèhtăhtai adèthăbô̄ d́ō, ze leb́agè d́ŏ Òlĭvo khòlò̆ ò nu.

Lŭka 2:51

Ze gelakôgè Zo mo Ca pa akă d́ŏ Nazarè̆th u nu kî sòkhĕńelēthèhô̆ tèpwè lōwa tòcò kî Zo mo nu òi huzògè atha bu dè ajo tòcò nu.

Zowănnī 15:7

Thĭ kò òkô Ja kă kî Jè dèjî̄b́è kò òkô ma thĭ kă d́ō, thĭ thaèni dè arră dabò̄, kî dè ki ilanikò̆ thĭ.

Rŏma 10:17

Mègōnu d́ō, dèb́u òhtakô d́ŏ dèsòkhĕńe dèd́ò̆htô abu nu, kî dèd́ò̆htô òhtakô d́ŏ Krĭstu adèjî̄b́è abu nu.

Rŏma 15:14

Jè thè̆buthè̆we tòcò, ju tu b́u thĭ ńò tè b́è ńò, ḿî jî thîhè̆ ladîlase htè thĭ dèthaèni ḿî aèzî̄èzô̄ dòkhò̆, thĭ nib́è dèthîd́ôthîhè̆ kî thĭ ikŏikja za zî̄ lōwa nu.

1 Kòrĭn 14:15

Awîakè̆ ḿî cadè̄? Athĕbwe nu jè tè thèb́è̆htab́è d́ŏ ja thabu lò ńò, ḿî jè dègomo abu papa tè b́è ńò ā?

1 Kòrĭn 14:26

Thè̆buwe tòcò, dè d́ŏ ja thaè d́ò ḿî ajo lò. B́ĕ thĭ ladēplo thèb́è̆hta nu, dèbwè gā thăbô̄ kòihtăi, alewe dèbwè gè̄ thèhlô̆i dè, alewe dèbwè kò d́ò̆htôla d́è̆lî̄hta Kib́ĭcè, alewe dèbwè kò d́òdòlòdè, kî alewe dèbwè d́ò̆ kò d́òhlî̆hta dèd́òdòlò ahtabohtab́ă lò. Dèlŏcăcè gè̄ kèhta dèmèzo dŏ Dèòplo anikhĭ.

Ephè̆sus 1:17

ja dadè d́ŏ B́ĭcè Jezŭ Krĭstu Apa, Kib́ĭcè adòdothedo dèbwè ò, cab́ô̆htè Ci ki ilanibò̄ thĭ Spirito Tcahtĭ, htè agè̄ mè htî̆nigô̄ni thĭ kî d́è̆lî̄ thĭ Kib́ĭcè, cab́ô̆htè thĭ gî̄ thîhè̆bò̄ Cè anikhĭ nu.

Ephè̆sus 5:17

Mègōnu d́ō, mè nigudĭbò̄ ḿè thĭ ne ḿè, ḿî wāhlèthîhè̆bò̄ Kib́ĭcè adèthaèni thĭ gè̄ mè ḿî danè̄ nu.

Ephè̆sus 5:19

Jî̄b́èhtî hlèbò̄ lōwa Psălòmo adèjî̄b́è, dèthăbô̄ kòihtăi kî dèkòihtăi adèjî̄b́è d́ŏ thotha adètcahtĭ abu nu.

Ephè̆sus 5:26

Zè mègè gōjo ḿî acab́ô̆ Zè gè̄ lè̄tcahtĭ dèòplo d́ŏ Kib́ĭcè anikhĭ, d́ŏ Kib́ĭcè alēahwè b́ĕ Zu ŭsab́ăkè̆i hwă htĭ alekă,

Kòlò̆ssia 1:28

Mègōnu d́ō, wò d́ò̆htôlani bija gŏ abwè Krĭstu awîakè̆ lò. Bija gŏ abwè gē ledobò̄ d́ŏ Kib́ĭcè ahlò̆mò̄, d́ŏ dèdohtabwehta d́ŏ Krĭstu abu anikhĭ nu, acab́ô̆ wè dèhtî̆nigô̄ni ò atherĕ nu, wi ithidĭ kî thèhlô̆ cè tòcò lò.

Kòlò̆ssia 1:9

Mègōnu d́ō, hlĕ wa tcahta thîhè̆b́è thĭ wî thĭ kè̆ be be nu, wò dò sò̆tab́a thèb́è̆hta thĭ nikhĭ ńò. Wa da Thèb́è̆hta thĭ nikhĭ ḿî acab́ô̆ Kib́ĭcè gè̄ mè pĕhtabò̄ dèthîhè̆ Zè dèb́ètha, d́ŏ thĭ dèhtî̆nigô̄ni kî dèthîhè̆nigu lŏcăcè htè Kib́ĭcè Atha ilani thĭ nu.

Kòlò̆ssia 4:6

D́òi thèjô̆bò̄ dèjî̄b́è amònigu kî acwid́ahtoni bija nu. Thĭ mò thîhè̆ akò d́òscĭge bija dè ab́è cadè̄ cadè̄ nu.

1 Thèssalò̆nika 1:8

Manè̄ B́ĭcè awîakè̆ jo tè b́è adohtî htĕ Macedŏniagepho kî Akhaĭagepho tòcò lò ńò, ḿî thĭ dèb́u Kib́ĭcè nu awîakè̆ hŏtòthò̆gè d́ŏ dè ale dagwālè̄ nu. Gōnu akhoacè̆, wò mò d́ò alewe tò ò be dimĭ ńò.

1 Thèssalò̆nika 4:18

Mègōnu d́ō, ikhoiă hlèbò̄ lōwa d́ŏ wè dèd́ò̆sa thĭ ajo nu.

2 Thèssalò̆nika 3:15

Nòthò̆ hnò̆nu, bè̄bò̄ ḿè cè acab́ô̆ d́ĕd́ò ḿè. Ithidĭbò̄ cè acab́ô̆ thè̆buthè̆we nu.

1 Timò̆theo 6:17

Hmèlabò̄ bija ajèdā d́ŏ Lākhokhlŏ jo tòcò, cab́ô̆htè zè gè dè lè̄dolè̄mubò̄ ze ne ńò, za gā da sascĭibò̄ zi dî̄ zè dè htè atò òhmeòglo za ńò tòcò nu ńò, ḿî zò mò sascĭi Kib́ĭcè htè ai wa dèmòdèma lŏcăcè d́ŏ dèthathòhlò̆ abu dèbwè nu.

2 Timò̆theo 3:15

Kîd́ò̆ gomohtanibò̄ b́ĕ nî ḿîwe abĭsèpho nu, nî thîhè̆gè. Dèhwela Tcahtĭ d́ŏ ai nè dèthîhè̆ htè wa nib́è za dèmèhlô̆htage ḿî d́ŏ wè dèb́u Jezŭ Krĭstu akhoacè̆ lò.

Tĭto 3:6

htè Kib́ĭcè hlòla òèòò wò lò d́ŏ amèhlô̆htage wa Jezŭ Krĭstu,

Zăkomo 1:5

Barasă d́ŏ thĭ klè̆ nu adèzadèbla kò tò ò ma ńò dèbwèbwè d́ō, hnabò̄ za da Kib́ĭcè htè aila bija gŏ abwè d́ŏ dèthohlò̆thahlò̆ abu kî dèthowîthamò abu dèbwè ki ilani tèpwè lōwa.

Zăkomo 3:17

Barasă d́ō, dèthîhè̆ htè aò d́ŏ Ahtajî alela jo, aŭsu nu aplî̆atcă tèpwè kî amècomèkhlidè, amèmòmèma dè, agomo dè bija anikhĭ lò. Dèthîhè̆ ò pĕhtakî dèthakhòwè, kî thèhtaphò̆hta dè awîab́è tòcò nu. Òhlô̆òlakî dètcamūkă kî dèmèmômā ane tòcò lò.

Zăkomo 5:13

D́ŏ thĭ klè̆ nu aohmŭora ò dèbwèbwè ā? Cè kè thèb́è̆hta d́ò̆è. Athalōthala ò dèbwèbwè ā? Ca gā thăbô̄ d́ò̆è dèthăbô̄ htăhtai.

1 Zowănnī 2:14

Je hweni thĭ abĭsèpho tòcò, manè̄ thĭ thîhè̆ htŏgè apa. Je hweni thĭ apa tòcò, manè̄ thĭ thîhè̆ htŏgè Cè htè aògè hlĕ akhahtîkhab́ò̆ dèbwè nu. Je hweni thĭ ab́òĺò tòcò, manè̄ d́ŏ thĭ khob́ăădo kî Kib́ĭcè Alēahwè òkô htŏ thĭ kă, kî thĭ no thĭ b́è htŏ akî̆kkè dèbwè nu.

1 Zowănnī 2:24

Mègōnu d́ō, dè htè thĭ thîhè̆b́è htŏ hlĕ akăhtî tòcò nu òibò̄ thĭ tha abu nu. Thĭ kò òi ma dè htè thĭ thîhè̆b́è hlĕ akăhtî tòcò nu d́ō, thĭ kò òb́è tèpwè d́ŏ B́ĭcè Pho kî B́ĭcè Pa abu nu.

1 Zowănnī 2:27

Ḿî thĭ nu, Krĭstu htôrôgè thĭ kî Spirito Tcahtĭ nu. Kib́ĭcè aSpirito Tcahtĭ kò̄ òkô thĭ kă athŭtherĕ, ado loba mè bija gô̄ thôithò̆i thĭ dèbwè̆ ńò. Spirito Tcahtĭ thèhlô̆ i thi dègŏmihtĭda ḿî lŏ dè ab́è lò, tè b́è aplè ńò. Mègōnu d́ō, mèkôbò̄ acab́ô̆ Spirito Tcahtĭ adèthèihŭ thĭ kî òbò̄ d́ŏ Krĭstu abu nu.

2 Zowănnī 1:2

manè̄ d́ō, dèdî̄dèhma aò thèjô̆ wu bu kî akò ò thèjô̆ lahtŭlablo hnŭsè thĭ.

Dèd́è̆lî̄ 14:3

Bija abwè 144,000 sò̆hto d́ŏ Na ahlò̆mò̄, dèphodèwe akhŭ lwīd́ŏ kî adoabwe tòcò ahlò̆mò̄ nu. Cè tòcò thăbô̄ dèthăbô̄ athè̆ dòdò, kî athăbô̄ kèhta ajo ḿî htĕ cè dopho htè ab́è mèhlô̆htage tòcò lò nu.

Dèd́è̆lî̄ 15:3

kî thăbô̄gè Mŏzè, Kib́ĭcè azôpho adèthăbô̄ kî Thŏpho adèthăbô̄: “Ŏ B́ĭcè Dèado Amèzadè lŏcăcè, Nè dèphîdèmè ḿî adoamu kî acòklîcòhjè̆kò̆ pwedè̄ lò! Nî ḿî bijakhwĭpho lŏcăcè Asaphra, Nè klèthòò̆ ḿî ab́è kî adî̄ahmakò̆ pwedè̄ lò!

Dèd́è̆lî̄ 19:10

Jo dōhnŏlă ja kha d́ŏ Za khakhò kăhtî kî thèb́è̆gè Cè, ḿî Cò d́ò jè, “Mè ḿè gōnu ḿè! Ji ḿî zôpho mè cab́ô̆ nè kî thè̆buthè̆we htè akhazô Jezŭ kî phîglo dèdî̄dèhma htè Za d́è̆lî̄htagè dèbwè lò. Nè thèb́è̆b́è Kib́ĭcè dòkhò̆!” cò d́ò do. Jezŭ d́è̆lî̄hta dèdî̄dèhma ḿî adèzè̆ kî prò̆fèt adèd́òdòlò tòcò lò.

Dèd́è̆lî̄ 5:9

Cè tòcò thăbô̄ dèthăbô̄ athè̆; cò d́ò, Nè ḿî atani agî̄ phî cèhtŭ kî agò̄ htotab́ăkè̆ dèzwî̄la tòcò nu, d́ŏ nè b́è mèthĭgè akhoacè̆ nu, kî d́ŏ ni thwi abu nî bwîgegè wa Kib́ĭcè anikhĭ, d́ŏ bija akhwĭ gŏ akhwĭ, alēahwè, htĭge gŏ aghe kî bija gŏ athara aklè̆ akhoacè̆ nu.

Titsatireni:

Maulalo othandizidwa

Zotsatsa

Zotsatsa