Baibulo la pa intaneti

Kòlò̆ssia 2:2 - Geba Roman New Testament

² Jè mè dè ajo ḿî acab́ô̆ cè tòcò kò ò pĕhtazòhta kî dèthakhŭthahè̆, kò òbò̄ dèthalajīplo d́ŏ dèb́èlò̄thòklè̆ abu, kî gī nib́è dèlīdobwîthè̆ adèaḿăkhai apĕazò, htè dèhtî̆nigô̄ni adî̄ahma lei nu. D́ŏ dèjo abu, cè tòcò gî̄ thîhè̆kò̆ Kib́ĭcè adèhudèb́i, htè aḿî Krĭstu thè̆ne nu.

Onani mutuwo Koperani

bwerera mmwamba ⬆

Kòlò̆ssia 2:2
58 Mawu Ofanana

Mattĕo 11:25

B́ĕnu Jezŭ d́òphlò̆htagè gōjo, “Ŏ Apa, Mò̄kho kî Lākho Ab́ĭcè, Ja htăi Nè, d́ŏ Nè lè̄hu dè ajo tòcò bija adèthîhè̆ ò kî ahtî̆nigoni tòcò ahlò̆mò̄, kîd́ò̆ Nè mèthîhè̆gè bija abĭsèpho ajo tòcò akhoacè̆ nu.

Mattĕo 11:27

“Dèlŏcăcè ḿî Ja Pa ila Ju cukhò bu. Kîd́ò̆ Apa gā hwă, athîhè̆ Pho tò ò dèbwè̆ ńò. Kîd́ò̆ Pho gā hwă athîhè̆ Pa tò ò dèbwè̆ ńò.

Mattĕo 13:11

Cò d́òge lōwa alī gōjo, “Dèila tepwè thĭ agī thîhè̆b́è Mò̄kho ahtĭage adèòhu, barasă dè ti ilani cè tòcò ńò.

Lŭka 1:1

Acab́ô̆ bija òè̆bwè̆ d́ò̆sa wa dèwîdèkè̆ aphî̆hta htŏ d́ŏ wo kho wè klè̆ tòcò nu,

Zowănnī 10:30

Jè kî Apa ḿî dèbwè lò,” Cò d́òge lōwa tòcò do.

Zowănnī 10:38

Barasă Jè gè̄ mè nòthò̆ Zè dèmè hnò̆nu, thĭ gū tu b́u ma Jè ńò d́ō, b́ubò̄ dè htè Jè mè tòcò nu, cab́ô̆htè thĭ gî̄ thîhè̆ kî b́ubò̄ Ja Pa ò d́ŏ Ju bu nu kî Jò ò d́ŏ Zu bu nu,” Cò d́ò lōwa tòcò do.

Zowănnī 16:15

Dè aò d́ŏ Ja Pa aò tòcò nu, ḿî lŏ Jè è̆ lò. Mègōnu akhoacè̆, Jò d́òkò̆ gajă Zi nib́è tòcò ḿî Jè è̆, kî Cè kè d́èlî̄htakò̆ nu.

Zowănnī 17:3

Ajo ḿî dèò alahtŭlablo cab́ô̆htè bija tòcò gî̄ thîhè̆ Nè, Kib́ĭcè adî̄ahma dèbwè nu, kî Jezŭ Krĭstu, No thodŏlegè dèbwè nu.

Zowănnī 5:17

Jezŭ d́ò cè tòcò, “Ja Pa mèwe dè htô̆ khŏnujo, kî Jè mè dè dè,” Cò d́ò lōwa do.

Zowănnī 5:23

cab́ô̆htè bija lŏcăcè gè bè̄dòbè̄thebò̄ Apho acab́ô̆ zè bè̄dòbè̄thegè Apa nu. Gajă bija adèbè̄dòbè̄the Apho ńò tòcò dè bè̄dòbè̄the tèpwè Apa htè athodŏlegè Cè dèbwè nu ńò.”

Zowănnī 6:69

Kî wu b́u thîhè̆gè htè nî ḿî Atcahtĭ Dèbwè aò Kib́ĭcè ò ala nu.”

Thodŏpho 4:32

Ab́udè tòcò lè̄la athoatha dèmè̆ lò kî tò d́ò aòi adî̄adè ńò, ḿî òimèiplo lŏ lōwa lò.

Rŏma 15:13

Dèsascĭi Ab́ĭcè gē lei d́ò̆è thĭ dèthaganāi kî dècodèmò d́ŏ thĭ dèb́u abu cab́ô̆htè Spirito Tcahtĭ gî̄ phîkè̆ b́è dè acŏglo thĭ dèsascĭi tòcò nu.

Rŏma 16:25

Dèdòdèthe kè̄ b́è d́ò̆è Kib́ĭcè! Zî ḿî ai kèhta thĭ agò̄ sò̆hto ò d́ŏ dèb́udènè ahmeaglo abu, acab́ô̆ jò d́ò̆htôd́ò̆dèlè nigè thĭ Jezŭ Krĭstu a Vanzĕlō kî acab́ô̆ dèd́è̆lî̄hta dèòhu aòhugè hlĕ azôakhè̆ pwĕdimi dèdè̆ nu.

Rŏma 2:4

Ḿî nè mèkè̆mèôgè Zè dèzwî̄dèè tòcò kî Zè dèkhòthad́ò̆wî̄thazô tòcò nu ā? Ḿî nî dî thîhè̆gè Kib́ĭcè adèkhòthad́ò̆ nè cab́ô̆htè na gā salabò̄ na tha nu ńò ā?

1 Kòrĭn 14:31

Thĭ lŏcăcè d́òdòlòdè aza tèpwè, ḿî cab́ô̆htè bija gŏ abwè gī nib́èbò̄ dèthèhlô̆, kî dèikhoiă anikhĭ lò.

1 Kòrĭn 2:12

Khŏnujo Lākho atha akhlŏ wi nib́è Spirito Tcahtĭ d́ŏ Kib́ĭcè ò, agī thîhè̆ zè dèilani wa tòcò nu.

Galatiăno 3:28

Akhoacè̆ d́ō dèbēpha ane d́ŏ Jŭdapho kî Grĭspho, zôbwè kî bwèòhlô̆, amikhŏ kî amihmu azo tò ò be ńò. Wî ḿî lŏ bija dèbwè lò d́ŏ Jezŭ Krĭstu abu nu.

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

Ephè̆sus 3:16

Ja dathè̆b́èhta Kib́ĭcè, apĕhtazòhta kî dèhĭdèhtè̆ dèbwè ki ilanibò̄ thĭ dècô̆dèthèlè̆ d́ŏ Kib́ĭcè aSpirito, cab́ô̆htè thĭ tha akhoaă gô̄ sôhtabò̄ anikhĭ nu.

Ephè̆sus 3:3

Kib́ĭcè d́è̆lî̄hta adèhudèzò kî mèthîhè̆gè jè. (Je hwe d́ò̆sa thĭ aglobu htŏ,

Ephè̆sus 6:22

Gōnu akhoacè̆ jè thè̆lekò̆ cè d́ŏ thĭ ò cab́ô̆htè cò kò d́ò̆sa thĭ wî wî wè kè̆ lŏklikli kî ikhoiăbò̄ thĭ anikhĭ nu.

Philippiăno 2:1

Thĭ dèòthôḿô̆ d́ŏ Krĭstu abu ḿî dè d́ŏ ai thĭ dèkhodèă, kî Zè dèb́èlò̄ mèmòhtage thĭ lò. Thĭ mèthò thĭ ne kî Spirito Tcahtĭ, kî thĭ òi dèthakhòwè, dèthaò mèzo bija dèbwè kî dèbwè lò.

Philippiăno 3:8

Tè b́è htĕ dè anu tòcò lò ńò, jè bè̄la dèlŏcăcè acab́ô̆ dèsudèṕa ji nikhĭ lŏklikli, kî dè alīdobwîthè̆ d́okhlŏ ji nikhĭ ḿî dèthîhè̆ jî B́ĭcè Jezŭ Krĭstu nu. Je hwĕphlòḿĭgè dèlŏcăcè d́ŏ zo kho zè cè̆ lò. Jè bè̄ dèlŏcăcè acab́ô̆ dègodō ahmĭtherĕ nu, cab́ô̆htè ji gī nib́èbò̄ Krĭstu anikhĭ,

Kòlò̆ssia 1:26

Ajo ḿî Kib́ĭcè d́è̆lî̄phlò̆htagè dè ahuab́i htè Zè lè̄hugè d́ŏ bija Lākhopho ahlò̆mò̄ aphlòtôlô hlĕ hlekadè̄, hlekadè̄ nu.

Kòlò̆ssia 1:27

Kib́ĭcè adèprahnèdòlò ḿî Cè gè̄ d́è̆lî̄phlò̆hta Za bijakhwĭpho tòcò Zè dè ahuab́i alīdobwîthè̆ kî Zi dèhĭdohtè̆do tòcò d́ŏ bija lŏcăcè anikhĭ nu. Kî dè ahuab́i ḿîgè Krĭstu ò thĭ bu acè̆ d́ō, thĭ gī nib́èplogè Kib́ĭcè adòathe nu.

Kòlò̆ssia 1:9

Mègōnu d́ō, hlĕ wa tcahta thîhè̆b́è thĭ wî thĭ kè̆ be be nu, wò dò sò̆tab́a thèb́è̆hta thĭ nikhĭ ńò. Wa da Thèb́è̆hta thĭ nikhĭ ḿî acab́ô̆ Kib́ĭcè gè̄ mè pĕhtabò̄ dèthîhè̆ Zè dèb́ètha, d́ŏ thĭ dèhtî̆nigô̄ni kî dèthîhè̆nigu lŏcăcè htè Kib́ĭcè Atha ilani thĭ nu.

Kòlò̆ssia 2:19

Cè tòcò tò d́ògòdòi Krĭstu cab́ô̆ aḿî zè dèneb́î̆cè ako, htè ahtôimāi neb́î̆cè thèd́è̆bwè phod́ògloi amē kî awiahtrô tòcò, kî amè dohta dèneb́î̆cè acab́ô̆ Kib́ĭcè adèthaèni ò adĕ be ńò.

Kòlò̆ssia 3:14

Dè ajo tòcò nu, lè̄plo kî thĭ dèb́èlò̄, htè ab́ôgloploi kè d́ŏ dèjīdèd́wă apĕazò nu.

Kòlò̆ssia 4:3

Cab́ô̆ gōnu akhò̆ thèb́è̆htabò̄ wi nikhĭ, cab́ô̆htè Kib́ĭcè ki ilanibò̄ wa dèkhwèdèja akò d́ò̆htôla Krĭstu adèhudèb́i awîakè̆ nu. D́ŏ dèjo akhoacè̆ khŏnujo jò òb́ègè dèkî̆dî̄ abu.

Kòlò̆ssia 4:8

Jo thodŏlegè cè d́ŏ thĭ ò cab́ô̆htè cò kò d́ò̆sa thĭ wa lŏcăcè awîakè̆ kî thĭ gā thaganāibò̄ anikhĭ nu.

1 Thèssalò̆nika 1:5

Manè̄, we le d́ò̆sagè thĭ Vanzĕlō, tè b́è htĕ dèjî̄b́è lò ńò, ḿî dècô̆thèlè̆, Spirito Tcahtĭ, kî dèdî̄dèhma aphî̆hta hnèhnègè nu. B́ĕ wò òkôwe thĭ kă akhè̆ nu, wò ò wò sò̆ cadè̄ nu thĭ kèhtî thîhè̆ tèpwè. Ajo ḿî lŏ thĭ nikhĭ lò.

1 Thèssalò̆nika 3:2

kî thè̆legè Timò̆theo, htè wè thè̆buwe amèplo wa Kib́ĭcè anikhĭ, d́ŏ dèd́ò̆htôla Krĭstu Adèthalōthalai Awîakè̆ dèbwè nu d́ŏ thĭ ò, cab́ô̆htè ci ki ikhoiă thĭ kî mèzo thĭ acab́ô̆ thĭ dèb́udènè gē hme gō globò̄ anikhĭ nu,

1 Thèssalò̆nika 5:14

Thè̆buthè̆we tòcò, wi ikhoiă thĭ d́ŏ aki igomohtanibò̄ bija akoaklô tòcò, d́òkhŭd́òmòbò̄ bija ascisă tòcò, mèzobò̄ bija akhozeăze tòcò, kî khòthad́ò̆bò̄ bija gŏ abwè nu.

1 Timò̆theo 3:16

Dèthub́uthèb́è̆ adèòhuòb́i nu adoajò̄ pwedè̄ nu bija da jab́i za dèbwè̆ ńò. Kib́ĭcè d́è̆lî̄hta Ane acab́ô̆ bija, Cè b́è dèbè̄dî̄bè̄hma Cè d́ŏ Kib́ĭcè atha, Cè b́è dètcahtî Cè d́ŏ Mò̄khobwèzo tòcò, Cè b́è dèd́ò̆htôlai d́ŏ bija lŏcăcè, Cè b́è dèb́u Cè d́ŏ Lākho thèdè̆b́è, Cè b́è zāhtage Mò̄kho d́ŏ dèdòdèthe abu nu.

Hebrè̆u 10:22

Mègōnu we gē leb́ôhtî d́ò̆è Kib́ĭcè d́ŏ thotha danā kî aòpĕhta kî dèb́u, kî wè dègomo aŭsabăkè̆ dègomo akî̆kkè, kî neb́î̆cè htè ab́èŭsab́ă i htîbātcă nu.

Hebrè̆u 6:11

Wè dèthaèni adozî̄ ḿî thĭ gŏ abwè kè d́è̆lî̄bò̄ dèthosôthasô htô̆ agudŭ nu pwĕ acab́ô̆ dè mèkô pĕhta wè dèsascĭi tòcò nu.

2 Petru 1:10

Mègōnu akhoacè̆, thè̆buwe tòcò, htukhohtuă d́okhlŏ d́ŏ dèphîdèmè awîab́è aklè̆ thĭ dèb́èjo kî thĭ dèb́èrô gā ladîlase d́okhlŏbò̄ nu. Thĭgè mè ma gōjo d́ō, thĭ gā da ladēnib́è dèkhòwè abu taplă ńò.

2 Petru 1:3

Kib́ĭcè adèkhodèă b́è ilani lŏcăcè htŏ wa dèò kî dèthub́uthèb́è̆ anikhĭ ab́èkja dèthîhè̆ Cè htè ajogè wa d́ŏ Zò dò Ce the kî dèwîdètcă abu nu.

2 Petru 3:18

Barasă dohtawebò̄ d́ŏ dèhludètă kî dèhtî̆nigô̄ni ab́èkja wî B́ĭcè Amèhlô̆htagedè Jezŭ Krĭstu abu nu. Dèdòdèthe kèb́è d́ò̆è Cè b́ĕ khŏnujo kî alekă lahtŭlablo! Amèn.

1 Zowănnī 3:19

Ajo akhoacè̆, wî thîhè̆kò̆ htè wî ḿî dèdî̄dèhma apho kî wa tha kò ò tha òjakò̆ d́ŏ Zu bu nu.

1 Zowănnī 5:7

Akhathè̆thî ò thŏbwè;

Titsatireni:

Maulalo othandizidwa

Zotsatsa

Zotsatsa