Baibulo la pa intaneti

Kòlò̆ssia 2:19 - Geba Roman New Testament

¹⁹ Cè tòcò tò d́ògòdòi Krĭstu cab́ô̆ aḿî zè dèneb́î̆cè ako, htè ahtôimāi neb́î̆cè thèd́è̆bwè phod́ògloi amē kî awiahtrô tòcò, kî amè dohta dèneb́î̆cè acab́ô̆ Kib́ĭcè adèthaèni ò adĕ be ńò.

Onani mutuwo Koperani

bwerera mmwamba ⬆

Kòlò̆ssia 2:19
33 Mawu Ofanana

Lŭka 5:38

Thobiscihtĭ athè̆ nu gō mò b́è̆nī cè d́ŏ akŏdèphe thè̆ bu nu kî akò ò èzènè tèpwè gīdè̆ lōlō.

Zowănnī 17:21

Jè thèb́è̆hta acab́ô̆ cè tòcò lŏcăcè gî̄ ḿîbò̄ dèdè̆ lò nu. Ŏ Apa, acab́ô̆ Ńò ò Ju bu, kî Jò ò Nu bu akhò̆ nu, cè tòcò kò òbò̄ d́ŏ Wu bu nu. Kî cè tòcò gî̄ ḿîbò̄ dèdè̆ lò, d́ō Lākho ku b́u htè No thodŏle Jè nu.

Thodŏpho 4:32

Ab́udè tòcò lè̄la athoatha dèmè̆ lò kî tò d́ò aòi adî̄adè ńò, ḿî òimèiplo lŏ lōwa lò.

Rŏma 11:17

Òlĭvo ad́ŏ aphăpho tòcò cò b́èglakè̆ htŏ kî cab́ô̆ òlĭvoami aphăpho tòcò b́è phod́òglo ma d́ŏ òlĭvo ad́ŏ alò nu, htè akhawi ḿî òlĭvo ad́ŏ akhawi nu d́ō, anib́è òlĭvo ad́ŏ akhawi ahtoatcă akhò̆, thĭ bwèthŭkupho tòcò tô thô̆htôge thokhawi htè Jŭdapho ńò, Jŭdapho thô̆htôge thĭ dòkhò̆.

1 Kòrĭn 1:10

D́ŏ B́ĭcè Jezŭ Krĭstu ami abu, thè̆buthè̆we tòcò, Ja damò thĭ agā pragebò̄ thĭ dèthaèni da la lōwa ńò acè̆ nu, kî òibò̄ ḿè dèlamulapha d́ŏ thĭ kho thĭ klè̆ ḿè. Òi pĕhtazòhtabò̄ dèjīdèd́wă d́ŏ dè tholajīthalad́wă, kî thôrô̆ kî thĭ gā darahlè lōwa nu, thĭ kò òplosò̆jībò̄ lōwa d́ŏ dèb́udènè kî dèphîdèmè abu nu.

1 Kòrĭn 11:3

Nòthò̆ hnò̆nu ja thaèni thĭ thîhè̆ htè Krĭstu ḿî bija gŏ abwè ako kî Kib́ĭcè ḿî Krĭstu ako nu.

1 Kòrĭn 3:6

Jo solagè amu, Apò̆llòs hlòi htĭ, barasă Kib́ĭcè mèkèhta cè.

Ephè̆sus 1:22

Kib́ĭcè b́è̆lă dèlŏcăcè d́ŏ Krĭstu akhajāla alè̄ acab́ô̆ B́ĭcè adogudŭ, kî ilagè Cè Dèòplo anikhĭ akū ŭi dèlŏcăcè nu.

Ephè̆sus 1:23

Dèòplo ḿî Krĭstu anebî̆cè, htè amèpĕhtazòhta Krĭstu kî Cè thè̆ne ḿî amèpĕhtazòhta dèlŏcăcè d́ŏ dèlle gŏ alā nu.

Ephè̆sus 2:21

Zî ḿî aphòglo j́ăplo i dèb́òhta thèd́è̆mè̆ d́o, kî hna kèhtagè Kib́ĭcè Akjò̆do Tcahtĭ nu.

Ephè̆sus 4:3

Phîglohmebò̄ dèjî̄dèd́wă d́ŏ Kib́ĭcè Atha ila thĭ htè ab́ôglocŏgloplo thĭ nu.

Ephè̆sus 5:29

(Bija htè adèwè̄dèsè̆ anebî̆cè ńò òbò̄ dèbwèbwè ā? Ḿî ci ia iò̆, woikèi ze ne acab́ô̆ Krĭstu mèni adèòplo akhò̆ nu lò.

Philippiăno 1:27

Khŏnujo, dè ajwīdomodo dimi ḿî thĭ thathôḿô̆ aklè kè̄ b́è ḿî acab́ô̆ Krĭstu aVanzĕlo adèloba ò akhò̆ nu, cab́ô̆htè je gē lehtî za thĭ ḿîwî, da za ńò ḿîwî, jî gî̄ thîhè̆b́èbò̄ thĭ dèsò̆hto òhmeòglo d́ŏ dèlè̄latha domo lò abu, thĭ kō d́o jīplo lōwa d́ŏ Vanzĕlō adèb́udènè anikhĭ nu.

Kòlò̆ssia 1:10

Kî thĭ kò òthôḿô̆kò̆ acab́ô̆ Kib́ĭcè adèthaèni ò adĕ kî mèmòtha thèjô̆kò̆ Cè. Thĭ dèòthôḿô̆ ki ihtakò̆ dèmè awîaè gŏ amo, kî thĭ gō dohtakò̆ d́ŏ dèthîhè̆ Kib́ĭcè abu nu.

Kòlò̆ssia 1:18

Krĭstu ḿî dèòplo ako, kî dèòplo ḿî Krĭstu anebî̆cè lò. Cè ḿî dèneb́î̆cè adèthôḿô̆ akhahtîkhab́ò̆ lò. Cè ḿî Pho adobwe, htè ab́èb́awè̄htoge d́ŏ dèthĭklè̆, cab́ô̆htè Cè htĕ dèbwè lò gî̄ ḿîbò̄ dèlŏcăcè akho nu.

Kòlò̆ssia 2:2

Jè mè dè ajo ḿî acab́ô̆ cè tòcò kò ò pĕhtazòhta kî dèthakhŭthahè̆, kò òbò̄ dèthalajīplo d́ŏ dèb́èlò̄thòklè̆ abu, kî gī nib́è dèlīdobwîthè̆ adèaḿăkhai apĕazò, htè dèhtî̆nigô̄ni adî̄ahma lei nu. D́ŏ dèjo abu, cè tòcò gî̄ thîhè̆kò̆ Kib́ĭcè adèhudèb́i, htè aḿî Krĭstu thè̆ne nu.

1 Thèssalò̆nika 3:12

Kib́ĭcè ki ilanibò̄ thĭ dèb́èlò̄ hlè lōwa kî dèb́èlò̄ bija lewe tòcò gō dohta d́olĭ kî ale, kî agā jāthôkî wè dèb́èlò̄ thĭ nu.

1 Thèssalò̆nika 4:10

Hnèhnè dòkhò̆, thĭ mè tèpwè gōjo d́ŏ thĭ thè̆buwe aò Macedŏniage tòcò aklè̆ thèd́è̆htĭge d́o htŏ. Nòthò̆ hnò̆nu, wa damòwed́ò̆ thĭ agè̄ mè d́olĭ we ajo nu.

2 Thèssalò̆nika 1:3

Thè̆buthè̆we tòcò, wò mò d́òhlud́òtă Kib́ĭcè d́ŏ thĭ kho thĭ cè̆ thèjô̆ lò. Wò mò mè tèpwè gōnu hŏ. Manè̄, thĭ dèb́udènè dohtasô, thĭ dèb́èlò̄thòklè̆ hlè lōwa dèbwè kî dèbwè sôhtahta.

1 Petru 3:8

Agudulă, lè̄bò̄ thotha dèmè̆ lò, thĭ dègomogamā domo lò. B́èlò̄thòklè̆ hlè lōwa, khòwèhmòb́è hlè lōwa, òi dèsalatha d́ŏ dèbwè dèbwè alè̄,

2 Petru 3:18

Barasă dohtawebò̄ d́ŏ dèhludètă kî dèhtî̆nigô̄ni ab́èkja wî B́ĭcè Amèhlô̆htagedè Jezŭ Krĭstu abu nu. Dèdòdèthe kèb́è d́ò̆è Cè b́ĕ khŏnujo kî alekă lahtŭlablo! Amèn.

Titsatireni:

Maulalo othandizidwa

Zotsatsa

Zotsatsa