Baibulo la pa intaneti

Kòlò̆ssia 1:10 - Geba Roman New Testament

¹⁰ Kî thĭ kò òthôḿô̆kò̆ acab́ô̆ Kib́ĭcè adèthaèni ò adĕ kî mèmòtha thèjô̆kò̆ Cè. Thĭ dèòthôḿô̆ ki ihtakò̆ dèmè awîaè gŏ amo, kî thĭ gō dohtakò̆ d́ŏ dèthîhè̆ Kib́ĭcè abu nu.

Onani mutuwo Koperani

bwerera mmwamba ⬆

Kòlò̆ssia 1:10
44 Mawu Ofanana

Zowănnī 15:16

Thĭ dô rôgè Jè ńò, ḿî Jô rôgè thĭ dòkhò̆ kî hnagè thĭ le kî thèhtaphò̆hta kî thĭ phò̆ thĭ thè kò òhmeòglo; cab́ô̆htè dè arră thĭ da Ja Pa d́ŏ Ji mi abu tòcò kè̄ b́è ilanibò̄ thĭ nu.

Zowănnī 15:8

Ja Pa ahĭahtè̆ kè̄ b́è d́è̆lî̄htakò̆ d́ŏ thĭ thèhtaphò̆hta òèòò acè̆, kî dèjo akhoacè̆, thĭ gî̄ phî̆takò̆ jo bōhmubicè tòcò nu.

Zowănnī 17:3

Ajo ḿî dèò alahtŭlablo cab́ô̆htè bija tòcò gî̄ thîhè̆ Nè, Kib́ĭcè adî̄ahma dèbwè nu, kî Jezŭ Krĭstu, No thodŏlegè dèbwè nu.

Rŏma 1:13

Ŏ thè̆buwe tòcò, ja thaèni thĭ thîhè̆ htè jè bè̄hta ja tha agē lehtî thĭ tod́ophopho agè̄ mènibò̄ thĭ dè domomo hnò̆nu, dè amèd́îd́ă òhta thèj́ô̆gè domo domo. Ḿî d́ŏ ja sascĭi jè dèphîdèmè aphò̆athè kò ò thĭ klè̆ acab́ô̆ aògè d́ŏ bwèthŭkupho tòcò aklè̆ nu.

Rŏma 4:12

Cî ḿîkô anib́è dèhô̆rîkî̆ tòcò lŏcăcè apapa, kî tè b́è d́ŏ cè tòcò nib́è dèhô̆rîkî̆ akhoacè̆ ńò, ḿî d́ŏ zô lôkôgè Abraham akhale d́ŏ dèb́u aklèbu dukhlŭkî za kha dèhô̆rîkî̆ hnî̆ńò akhoacè̆ nu.

Rŏma 6:4

Mègōnu d́ō, b́ĕ wi nib́è dèŭsab́ăhtĭ nu, wè b́è b́ŭlăplogè kî wi thĭplogè Cè. Gōnu akhoacè̆, acab́ô̆ Krĭstu htaboge d́ŏ dèthĭ aklè̆ d́ŏ Ca Pa adòathe abu nu, wa ḿî ḿî wò kò òb́èbò̄ d́ŏ dèthôḿô̆ athè̆ abu nu.

2 Kòrĭn 2:14

Barasă, htăhtaibò̄ Kib́ĭcè ahluată. Manè̄, Krĭstu Adènodèbè dèkhapwè̆khala asŏakhè̆ nu B́ĭcè thè̆le thèjô̆ wa acab́ô̆ ab́èphòb́ècŏ tòcò, ploplo kî Krĭstu akhoacè̆ nu. Zò sòthŏi wa acab́ô̆ wa gè̄ kèhtabò̄ Krĭstu adèhnŭẃi d́ŏ alle dagwālè̄ nu.

2 Kòrĭn 4:6

Zî ḿî Kib́ĭcè thè̆ne htè ad́ò, “D́ŏ dèkhidènè aklè̆, dè ahlî̆ gî̄ hlî̆hta d́ò̆è!” anu ḿî B́ĭcè dèbwècè̆ htè ahlî̆lab́èhtŏ wa thabu, akè d́è̆lî̄ wa Kib́ĭcè adòathe htè aò d́ŏ Krĭstu amūkă alò nu dèdè̆ nu.

2 Kòrĭn 5:9

Barasă d́ō, d́olĭkî anu lŏcăcè ḿî, wa thaè mè b́ètha Cè, b́ĕ wò ò hi ajo abu ḿîwî, d́ŏ anu abu ḿîwî nu.

2 Kòrĭn 9:8

Kib́ĭcè adèhôwî agā la thĭ kho nu agō dolō zakò̆ ńò. Ca gā tcakò̆ htè dè aloba thĭ nikhĭ tòcò nu akò òni thèjô̆kò̆ thĭ, kî thĭ gè̄ mèzo bija alewe tòcò anikhĭ ḿî ḿî akò ò thèjô̆nikò̆ thĭ nu.

Ephè̆sus 1:17

ja dadè d́ŏ B́ĭcè Jezŭ Krĭstu Apa, Kib́ĭcè adòdothedo dèbwè ò, cab́ô̆htè Ci ki ilanibò̄ thĭ Spirito Tcahtĭ, htè agè̄ mè htî̆nigô̄ni thĭ kî d́è̆lî̄ thĭ Kib́ĭcè, cab́ô̆htè thĭ gî̄ thîhè̆bò̄ Cè anikhĭ nu.

Ephè̆sus 2:10

Manè̄ kò̄ d́òdo dō, wî ḿî Kib́ĭcè adèb́òla acukhwa, Cò b́òlagè wa cab́ô̆htè wò kò ò d́ŏ Krĭstu Jezŭ abu thôḿô̆ d́ŏ dèmè awîaè, htè Ca prahnèdòlògè wi nikhĭ wè gè̄ mèb́è tòcò nu.

Ephè̆sus 4:1

Jè, htè aladēnī dèkî̆dî̄ bu d́ŏ amè B́ĭcè adèmè akhoacè̆ dèbwè jo, ikhoiă thĭ cab́ô̆htè thĭ gè̄ mèhtajî thĭ dèòthôḿô̆ adò, cab́ô̆ Kib́ĭcè bè̄la akhò̆ b́ĕ Zo jo thĭ akhî nu.

Ephè̆sus 4:13

Mègōnu d́ō, wa lŏcăcè gè lè̄plohtakò̆ we ne d́ŏ dèb́u domo lò abu kî d́ŏ dèthîhè̆ ladi Kib́ĭcè Apho abu; wî gî̄ phî̆htakò̆ bija adohtabwehta, kî htôhta htab́akò̆ Krĭstu adèpĕhtazòhta ahnèd́ă nu.

Ephè̆sus 5:10

Wuthè̆dèba mèbò̄ dèmè htè ab́è Kib́ĭcè atha.

Ephè̆sus 5:15

Gōnu akhoacè̆, sòiwoibò̄ thĭ dèò. Mèbò̄ ḿè acab́ô̆ bija agudunapă tòcò mè nu ḿè. Ḿî òibò̄ dèzadèbla.

Ephè̆sus 5:2

Cab́ô̆ Krĭstu b́èlò̄ wa kî Ci ilagè Ca thathôḿô̆ wi nikhĭ acab́ô̆ dèhluhnŭẃi htè ab́è Kib́ĭcè atha akhò̆ nu, thĭ kò òib́è dèb́èlò̄thòklè̆.

Philippiăno 1:11

Thĭ dèòthôḿô̆ gē pĕhtakîkò̆ dèdî̄dèhma, dèwîdèè htè amèni za thĭ ḿî htĕ Jezŭ Krĭstu d́ŏ Kib́ĭcè adòathe anikhĭ kî dèkòihtăi anikhĭ nu.

Philippiăno 1:27

Khŏnujo, dè ajwīdomodo dimi ḿî thĭ thathôḿô̆ aklè kè̄ b́è ḿî acab́ô̆ Krĭstu aVanzĕlo adèloba ò akhò̆ nu, cab́ô̆htè je gē lehtî za thĭ ḿîwî, da za ńò ḿîwî, jî gî̄ thîhè̆b́èbò̄ thĭ dèsò̆hto òhmeòglo d́ŏ dèlè̄latha domo lò abu, thĭ kō d́o jīplo lōwa d́ŏ Vanzĕlō adèb́udènè anikhĭ nu.

Philippiăno 4:18

Mègōnu d́ō, ajo ḿî cèkăklè htè ji nib́è thĭ dèila jè lŏcăcè anikhĭ, kîd́ò̆ aḿîgè dè aòè d́olĭ kî jo lobagè tòcò nu. Khŏnujo, ji nib́ègè dèlŏcăcè, d́ŏ Epaphròdĭtus le thè̆ ni jè thĭ dèi tòcò akhoacè̆, dè aloba ji nikhĭ tòcò ò pĕhtazòhta htŏ tèpwè. Dè ajo tòcò mè acab́ô̆ dèhluhnŭẃi d́ŏ ab́èhluhtai Kib́ĭcè ò, htè ab́ètha Cè kî amèmòtha Cè nu.

Kòlò̆ssia 2:19

Cè tòcò tò d́ògòdòi Krĭstu cab́ô̆ aḿî zè dèneb́î̆cè ako, htè ahtôimāi neb́î̆cè thèd́è̆bwè phod́ògloi amē kî awiahtrô tòcò, kî amè dohta dèneb́î̆cè acab́ô̆ Kib́ĭcè adèthaèni ò adĕ be ńò.

Kòlò̆ssia 2:6

Tcahta b́ĕ thĭ phînigè Jezŭ Krĭstu acab́ô̆ Kib́ĭcè nu, ò thôḿô̆bò̄ d́ŏ Zu bu nu.

Kòlò̆ssia 3:20

Aphoali tòcò, sòkhĕńebò̄ mo pa lē thèjô̆. Manè̄, dè ajo ḿî ab́ètha Kib́ĭcè lò.

Kòlò̆ssia 4:5

Òibò̄ dèzadèbla b́ĕ thĭ nib́è akhwè agè̄ mèdè aè ploplo kî bija atu b́u dè nè dè ńò tòcò akhè̆ nu.

1 Thèssalò̆nika 2:12

Wi isôhta thĭ kho thĭ ă, wò d́òkhŭd́òmò thĭ, wa thakăhta thĭ dèjwèjwè, cab́ô̆htè thĭ kò ò thôḿô̆bò̄ dè b́è B́ĭcè atha, B́ĭcè htè ajo thĭ cab́ô̆ thĭ gī nib́èplo Zi htĭ Ze ge kî Zò dò Ce the nu.

1 Thèssalò̆nika 4:1

Ŏ thè̆buwe tòcò, alekăgudŭ ḿî thĭ mèhlô̆mènigè dè d́ŏ wò ò htè dèòthôḿô̆ ab́è Kib́ĭcè atha ḿî danè̄ nu. Thĭ ò thôḿô̆kô acab́ô̆ gōnu akhò̆ lò. Khŏnujo, wa damòb́è thĕbwethîlî̆ thĭ d́ŏ B́ĭcè Jezŭ ami abu thĭ kò ò thôḿô̆ è d́olĭkî anu lò.

2 Timò̆theo 2:4

Klĭpho htè aò d́ŏ dèmè abu dèbwè nu, ca thaè mèmòtha klĭbo acè̆, zè dè mè b́èkja ze ne kî dèwîdèkè̆ alewesòsŭ tòcò ńò.

Tĭto 3:1

Igomohtanibò̄ cè tòcò agā sala ane d́ŏ aŭidè kî dèkhodène tòcò alè̄, sòkhĕńelēthèhô̆ cè tòcò alē, kî ò prahnè ane d́ŏ dèmè awîaè anikhĭ d́ŏ klè gŏ ab́ò̆ abu nu.

Tĭto 3:14

Wa bija tòcò b́è mèhlô̆ni agè̄ mèi adèsŏdèkhè̆ d́ŏ dè awîaè, cab́ô̆htè ci ki ila mèzobò̄ dèloba hnèhnè tòcò anikhĭ nu. Cè tòcò tè b́è ò hnahnă ńò.

Hebrè̆u 11:5

Zè dèb́u akhoacè̆, Ĕnòk b́è zāhtage Mò̄kho, zi di thĭ b́ègè ńò. Kib́ĭcè phîhtage cè akhoacè̆, bija dè kèhtî be cè ńò. Cè tcahtĭ d́ò̆sagè d́ŏ Ĕnòk dukhlŭ gehta hnî̆ńò nu, zè mèb́ègè Kib́ĭcè atha nu.

Hebrè̆u 13:16

Sòthô̆bô̄hnèbò̄ ḿè dèphîdèmè awîaè kî dèmèzohlè lōwa nu ḿè, manè̄ dè ajo tòcò nu ḿî dèhlu ab́ètha Kib́ĭcè tòcò nu.

2 Petru 1:8

Manè̄ kò̄ d́òdo dō, thĭ kò òi ma dèzwî̄dèè ajo tòcò kî akò̄ ò pĕhta ma d́ŏ thĭ hîklè̆ nu d́ō, thĭ kò tò òkoòklôkò̆ ńò d́ŏ thĭ thîhè̆ wî B́ĭcè Jezŭ Krĭstu acè̆ nu.

2 Petru 3:18

Barasă dohtawebò̄ d́ŏ dèhludètă kî dèhtî̆nigô̄ni ab́èkja wî B́ĭcè Amèhlô̆htagedè Jezŭ Krĭstu abu nu. Dèdòdèthe kèb́è d́ò̆è Cè b́ĕ khŏnujo kî alekă lahtŭlablo! Amèn.

1 Zowănnī 3:22

Kî gajă wa dadè tòcò nu, wi gī nib́èkò̆ d́ŏ cò ò nu. Wò òi Zè dèhmèla d́ō, wè mèdè tòcò ḿî ab́ètha cè akhoacè̆ nu.

1 Zowănnī 5:20

Wi thîhè̆ tèpwè htè Kib́ĭcè Apho lela htŏ kî Ci ilani wa dèthîhè̆, gōnu akhoacè̆ wî thîhè̆kò̆ Kib́ĭcè adî̄ahma nu. Wò òplob́è Kib́ĭcè adî̄ahma. Wò òplob́è Zo pho Jezŭ Krĭstu. Ajo ḿî Kib́ĭcè adî̄ahma kî dèò alahtŭlablo.

3 Zowănnī 1:6

Cè tòcò khathè̆thîgè nè dèb́èlò̄ d́ŏ Dèòplo thèd́è̆plo ahlò̆mò̄ nu. Khòthad́ò̆ mèzobò̄ cè tòcò cab́ô̆htè ze gē le ahlò̆mò̄ d́ŏ Kib́ĭcè aklèthòò̆ abu nu kî agî̄ ḿî tèpwè dè amèmò Kib́ĭcè atha.

Titsatireni:

Maulalo othandizidwa

Zotsatsa

Zotsatsa