Baibulo la pa intaneti

Hebrè̆u 13:7 - Geba Roman New Testament

⁷ Gomohtanibò̄ thĭ kho thĭ ne hlĕ aŭsu, htè ad́òŭsaŭgè thĭ Kib́ĭcè alēahwè tòcò nu. Gomohtanibò̄ cè tòcò ò thôḿô̆ cadè̄, kî thĭgè cadè̄ kî dòniphînibò̄ cè tòcò adèb́u.

Onani mutuwo Koperani

bwerera mmwamba ⬆

Hebrè̆u 13:7
27 Mawu Ofanana

Mattĕo 24:45

“Mègōnu d́ō, zôpho adî̄ahma kî ablî̄abla ḿî bò̄bwè, htè ci B́ĭcè lè̄la cè ahibu akho, cab́ô̆htè ci i hiphophăpho tòcò dèadèò̆ b́ĕ akhîb́è nu bwè?

Lŭka 12:42

Kî B́ĭcè d́ò, “Thĭ gomo cadè̄? Zôpho adî̄ahma, ablî̄abla gî̄ ḿîkò̆ bò̄bwè? Cî b́icè gè lè̄la cè dèmèpho akho aki ilani hibuphăbupho tòcò dèadèò̆ b́ĕ akhî kî akhî nu.

Lŭka 5:1

B́ĕ bija tòcò sathîńîwè̄ Jezŭ alò cab́ô̆htè zò sòkhĕńebò̄ Kib́ĭcè Alēahwè akhî nu, Jezŭ sò̆htoògè d́ŏ Genesarè̆t hnò awe nu.

Lŭka 8:11

“Khŏnujo dègèlè ḿî gōjo; dèkhwĭ ḿî Kib́ĭcè Alēahwè;

Thodŏpho 13:46

B́ĕnu Păulu kî Barnăbas jî̄b́èhta khŭthaklagè, “Wò d́ò̆sab́è ŭsugè thĭ Kib́ĭcè Alēahwè, barasă thĭ bāphlòḿĭgè cè. Thĭ gomo ḿî thĭ da tani dèòthôḿô̆ alahtŭlablo ńò acè̆, we gē lehtîb́ègè bwèthŭkupho tòcò nu.

Thodŏpho 14:23

D́ŏ Dèòplo gŏ aplo akho nu ze lè̄htagè adoabwe tòcò, cè thèb́è̆hta kî d́u dèadèò̆ hwă ci ilagè lōwa tòcò B́ĭcè htè cu b́ugè dèbwè acukhòbu nu.

Thodŏpho 4:31

B́ĕ cè thèb́è̆hta hwă nu, zò sò̆hto ò ale geme kî gleglāgè, kî cè tòcò ò pĕhtagè Spirito Tcahtĭ kî d́òŭsaŭgè Kib́ĭcè Alēahwè d́ŏ dèkhŭdèhè̆ abu nu.

Rŏma 10:17

Mègōnu d́ō, dèb́u òhtakô d́ŏ dèsòkhĕńe dèd́ò̆htô abu nu, kî dèd́ò̆htô òhtakô d́ŏ Krĭstu adèjî̄b́è abu nu.

1 Kòrĭn 10:13

Dèbadèsè̆ thĭ khab́è htŏ hlĕ akăhtî htô̆ khŏnujo tòcò tò ò be tèpwè ńò. Thĭ sascĭi za tèpwè Kib́ĭcè cab́ô̆htè thĭ da khab́èbò̄ pwĕ thĭ da khakèhta be ńò nu, kîd́ò̆ dèhtodèba thĭ khab́è tòcò ka b́aphlò̆nikò̆ thĭ klè kî aki ikò̆ thĭ dèkhodèă agò̄ khòthad́ò̆wīthazoi kèhtabò̄ nu.

1 Kòrĭn 11:1

Dòbò̄ jè acab́ô̆ jò d́ò Krĭstu nu.

1 Kòrĭn 4:16

Mègōnu akhoacè̆, ja damò thĭ agô̄ lô tcad́ò̆kô jè.

Philippiăno 3:17

Jè thè̆buwe tòcò, tcahlô̆tcad́ò̆bò̄ jè, tcahnè̆ibò̄ bija htè alô tcad́ò̆kô we le kî mèdè aè tòcò nu.

1 Thèssalò̆nika 1:6

Thĭ khab́è dèmèssègnè̆ thĕbwethîlî̆ nòthò̆ hnò̆nu, d́ŏ Spirito Tcahtĭ adèi acè̆, thĭ phînigè Vanzĕlō d́ŏ dèthakhŭthaganāi abu nu.

1 Thèssalò̆nika 2:13

Dè alewe domo ḿîwî thîhè̆htage ma Kib́ĭcè thèjô̆ nè nu. B́ĕ we lei thĭ B́ĭcè Adèthalōthalai Awîakè̆ nu, thĭ thîhè̆ kî thĭ phînigè, cab́ô̆htè aò d́ŏ Kib́ĭcè ò alagè nu, kî tè b́è acab́ô̆ aò bija ò ala ńò nu. Manè̄ d́ō, Kib́ĭcè mèdè d́ŏ thĭ ab́udè tòcò abu acè̆ nu.

2 Thèssalò̆nika 3:7

Thĭ thè̆ne thĭ thîhè̆ thuŭthèè tèpwè htè thĭ mò mèdè acab́ô̆ we mègè nu.

2 Thèssalò̆nika 3:9

Wè mèdè gōjo nu, tè b́è wa da ta thĭ dèb́oab́oò̆ wa acè̆ ńò. Ḿî cab́ô̆htè thĭ ka tcahlô̆cad́ò̆bò̄ wa anikhĭ nu.

1 Timò̆theo 3:5

Manè̄ bija atò d́òisaikèhta ahiphophăpho ńò dèbwè nu, zo gō wōikèi za d́ò̆ Kib́ĭcè aDèòplo cadè̄?

Hebrè̆u 13:17

Sòkhĕńebò̄ akhoane tòcò alē kî mèkôbò̄ zè dèhmèla akă. Cè tòcò tcaikhwèi thĭ tho thĭ tha, kî dò sò̆dūsòd́è ńò, manè̄ d́ō, cè tòcò kè d́è̆lî̄ b́è adèphîdèmè aphò̆athè d́ŏ Kib́ĭcè ò acè̆ nu. Thĭ gò̄ sòkhĕńelēthèhô̆ ma cè tòcò d́ō, zè gè̄ mè thalōthalai tèpwè zè dèphîdèmè dòkhò̆; dî ḿî ma ńò d́ō, zè gè̄ mè d́ŏ dèothootha abu nu d́ō, thĭ nikhĭ agò̄ do khlŏhtamame tèpwè ńò.

Hebrè̆u 13:24

Hnŭsè nibò̄ jè thĭ è̆ akhoane tòcò kî Kib́ĭcè abija tòcò nu. Ab́udè aò d́ŏ Ităliage hnŭsèb́a tèpwè thĭ.

Hebrè̆u 6:12

Thò̆jò̄bò̄labò̄ ḿè taplă mè, ḿî dòniphînibò̄ bija adèb́u ò kî akhòthad́ò̆ dè tòcò nu htô̆ thĭ nib́è dèaḿăkhai tòcò nu.

1 Petru 4:11

Agî̄ jî̄b́èhta dèbwèbwè d́ō, zè dèjî̄b́è gî̄ ḿî d́ò̆è Kib́ĭcè alēahwè. Agī igetcage dè dèbwèbwè, zè dèmèzo gî̄ ḿî d́ò̆è Kib́ĭcè adèikhoiă; cab́ô̆htè d́ŏ dè gŏmimi aklè̆, Kib́ĭcè kè̄ b́è kòihtăibò̄ d́ŏ Jezŭ Krĭstu htè dèdòdèthe kî htĭge ḿî dèthôḿô̆ lahtŭlablo Cè è̆ dèbwè nu ami abu nu. Amèn.

Dèd́è̆lî̄ 1:9

Ji mi ḿî Zowănnī, kî d́ŏ gè dèòjīplo Jezŭ abu, jî ḿî thĭ thè̆buwe kî ja khaplo thĭ dèssègnè̆ d́ŏ dèkhòthad́ò̆ abu htè bija agī nib́è Zi htĭ Ze ge tòcò nu. Hlĕnu Jò ò d́ŏ Patmòs Khò̆htĭkho kî b́ĕ jò d́òŭd́ò̆sa hwă Kib́ĭcè alēahwè kî kha hwă Krĭstu anikhĭ thè̆thî nu.

Dèd́è̆lî̄ 20:4

Kîd́ò̆ ja tcahtî na tòcò kî bija asańălăò d́ŏ abu tòcò nib́è aphlŭathere agī cirradè. Kî ja tcahtî bija atha htè agò̄ b́è bēhtè̆dū d́ŏ akha Jezŭ kî Kib́ĭcè Alēahwè thè̆thî acè̆ tòcò nu. Kî d́ŏ zè tè thèb́è̆hta Dèphodèwe kî zè bwèjò ńò, kî zè dè ahma tèb́è dòla ze mēbòlò kî zu cukhò lò ńò acè̆ nu. Cè tòcò htaboge kî ŭicaidè acab́ô̆ saphra, ploplo Krĭstu ad́e dòhtò adābu.

Dèd́è̆lî̄ 6:9

B́ĕ thŏpho htoòkè̆ dèzwî̄la jè̄dè̆dèdè̆ nu, ja tcahtîgè d́ŏ dèthèb́è̆kho akălè̄ nu, bija ab́è mèthĭgè tòcò atha, d́ŏ dèkhathè̆thî Kib́ĭcè Alēahwè akhoacè̆ tòcò nu.

Titsatireni:

Maulalo othandizidwa

Zotsatsa

Zotsatsa