Baibulo la pa intaneti

Dèd́è̆lî̄ 5:9 - Geba Roman New Testament

⁹ Cè tòcò thăbô̄ dèthăbô̄ athè̆; cò d́ò, Nè ḿî atani agî̄ phî cèhtŭ kî agò̄ htotab́ăkè̆ dèzwî̄la tòcò nu, d́ŏ nè b́è mèthĭgè akhoacè̆ nu, kî d́ŏ ni thwi abu nî bwîgegè wa Kib́ĭcè anikhĭ, d́ŏ bija akhwĭ gŏ akhwĭ, alēahwè, htĭge gŏ aghe kî bija gŏ athara aklè̆ akhoacè̆ nu.

Onani mutuwo Koperani

bwerera mmwamba ⬆

Dèd́è̆lî̄ 5:9
41 Mawu Ofanana

Mattĕo 20:28

Gōnu akhò̆, Bija Apho da lagè cab́ô̆htè bija gā khazô Cè nu ńò, ḿî cab́ô̆htè Za gā khazô bija kî Ci kī ila Ca tha bija òè̆bwè adèbwîge anikhĭ nu.”

Mattĕo 26:28

Ajo ḿî Ji thwi, dèŏlăphlala athè̆, htè akè b́è hlòlakò̆ bija òè̆bwè adèkhòwè adèb́ăplè anikhĭ dèdè̆ nu.

Thodŏpho 20:28

Wòisòibò̄ thĭ ne kî thŏpho tòcò htè aḿî Spirito Tcahtĭ lè̄lanigè thĭ tòcò nu. B́oab́oò̆bò̄ Kib́ĭcè adèòplo tòcò htè Zî bwîigegè Zo Phokhŏ athwi nu.

1 Kòrĭn 6:20

Thĭ b́è bwî dokhakho kî līdobwîthè̆gè dòkhò̆. Mègōnu d́ō, thĭ gè̄ mèib́è thĭ neb́î̆cè Kib́ĭcè adòathe anikhĭ lò.

1 Kòrĭn 7:23

Thĭ b́è bwîge i htŏ alīabwî, ḿîbò̄ ḿè bija lewe azôabwè ḿè.

Ephè̆sus 1:7

D́ŏ Krĭstu athwi mèhlô̆htage wa akhoacè̆, wi nib́ègè dèkhòwè adèb́ahlô̆. Wè b́è mèhlô̆htagegè kî wè dèkhòwè b́è b́ăplègè, kî acab́ô̆ Kib́ĭcè òkî ahluată adoamu akhò̆,

Ephè̆sus 5:19

Jî̄b́èhtî hlèbò̄ lōwa Psălòmo adèjî̄b́è, dèthăbô̄ kòihtăi kî dèkòihtăi adèjî̄b́è d́ŏ thotha adètcahtĭ abu nu.

Kòlò̆ssia 1:14

htè d́ŏ Zo kho Zè cè̆ kè̄ b́è dèbwîge, kî ajo ḿî, wè dèkhòwè b́è b́ăplègè nu.

Kòlò̆ssia 1:23

Dè alobawe domo ḿî thĭ gò̄ bò̄kô b́è dèdî̄dèhma kî solahmeglobò̄ thĭ dèb́udènè, cab́ô̆htè dèsascĭi htè thĭ nib́ègè b́ĕ thĭ thîhè̆b́è Vanzĕlō nu dèdè̆ gē de gleglābò̄ ńò anikhĭ nu. Jè, Păulu, phî̆htagè dèkhî̆dèbwè ab́èkja Vanzĕlō htè ab́è d́ò̆htôlani htŏ bija gŏ abwè d́ŏ Lakho jo nu.

Tĭto 2:14

Ci ilagè Ze neb́î̆cè d́ŏ wi nikhĭ cab́ô̆htè Zè gè̄ mèhlô̆htage wa d́ŏ dèkî̆kkèmèhlò̆ lŏcăcè, kî Za gā hna kèhta wa bija dikhwĭ htè aòwîòtcă kî ab́èkja htĕ Cè dèbwè lò, kî athasô d́ŏ dèmè awîaè tòcò nu.

Hebrè̆u 11:14

Bija ajo tòcò ḿî ad́è̆lî̄ awāhlè ahtĭage tòcò nu.

2 Petru 2:1

Barasă d́ŏ bija tòcò aklè̆ nu Prò̆fèt aplè ògè tòcò cò, acab́ô̆ sara aplèahlŭdè d́ŏ bwèlamulapha tòcò aklè̆ akhò̆pha nu. Cè tòcò htîphlòḿĭgè B́ĭcè abwîge cè dèbwè nu, gōnu d́ō, zo jo ladē plă tèpwè dèkè̆dèhlè̆mè̄ d́ŏ zo kho tòcò nu.

1 Zowănnī 1:7

Barasă wò kò ò ma dèhlî̆ abu d́ō, acab́ô̆ Zî ḿî dèhlî̆ nu d́ō, wò òplob́è tèpwè lōwa dèbwè kî dèbwè, kîd́ò̆ Zo Pho Jezŭ athwi ŭsab́ăkè̆ lŏ wè dèkhòwè nu.

1 Zowănnī 2:2

Kî Krĭstu ḿîgè dèhlu aphîkè̆ dèkhòwè, kî tè b́è htĕ wè dèkhòwè lò ńò, ḿî bija lākhopho lŏcăcè adèkhòwè nu.

Dèd́è̆lî̄ 10:11

Alekă ad́ò̆sa jè, “Ńò kò d́òdòlò b́è dè tapla be, ajo tapla ḿî d́ŏ htĭge òèòcara, bwèkhwĭthèlè̆ òèòò, dèlēdèhwè amŏamo, kî sophrŏsaphra tòcò ahlò̆mò̄ nu,” ad́ògè jè do.

Dèd́è̆lî̄ 11:9

Htĭge lŏcăcè, bija akhwĭathèlè̆ lŏcăcè kî dèlēdèhwè lŏcăcè gā tca dîgrînîkò̆ co co tòcò thŏni kî klăḿè̆ adābu, kî cu ku tu b́ŭlăkò̆ lōwa aco ńò.

Dèd́è̆lî̄ 13:7

Dèilani cè ako d́o gā pja Kib́ĭcè abija tcahtĭ tòcò kî nobè cè, kî zi nib́è dècô̆dèthèlè̆ d́ŏ bija akhwĭ, ahtĭage, bija ajî̄b́è dè alēahwè gŏ amo, kî bijakhwĭpho gô̆ akhwĭ akho nu.

Dèd́è̆lî̄ 13:8

Gajă bija Lākhopho lŏcăcè thèb́è̆hta cè, anu ḿî hlĕ Lākho òhta athè̆lè̄kho nu ami tèb́è hwela d́ŏ Thŏpho ab́èhluhtai tod́ŏ adèò acèbu ńò tòcò nu.

Dèd́è̆lî̄ 14:6

Alekă ja tcahtî Mò̄khobwèzo alewe dèbwè hwi d́ŏ Mò̄kholè̄ ahtajî nu, cè b́èthodŏ akò d́ò̆sa Vanzĕlō alahtŭlablo d́ŏ Lākho akho, d́ŏ bija gŏ athara, gŏ akhwĭathèlè̆, dèjî̄b́èdòdò gŏ amo, htĭge gŏ age nu.

Dèd́è̆lî̄ 15:3

kî thăbô̄gè Mŏzè, Kib́ĭcè azôpho adèthăbô̄ kî Thŏpho adèthăbô̄: “Ŏ B́ĭcè Dèado Amèzadè lŏcăcè, Nè dèphîdèmè ḿî adoamu kî acòklîcòhjè̆kò̆ pwedè̄ lò! Nî ḿî bijakhwĭpho lŏcăcè Asaphra, Nè klèthòò̆ ḿî ab́è kî adî̄ahmakò̆ pwedè̄ lò!

Dèd́è̆lî̄ 17:15

Mò̄khobwèzo d́ò kòd́ò̆ jè, “Htĭ htè na tcahtî momarè sanălăò akho ḿî htĭge tòcò, bija lŏcăcè, bija akhwĭthèlè̆ tòcò, kî dèlēdèhwè tòcò nu.

Dèd́è̆lî̄ 4:11

“Nî ḿî wè Dèado kî wî B́ĭcè, Na tani dèdòdèthe, dèd́ŏdèj́a kî dècô̆dèthèlè̆, manè̄ d́ō, Ńò b́òlagè Mò̄kho Lākho, kî dèlŏcăcè òhtakî Nè dèthaèni lò acè̆ nu.”

Dèd́è̆lî̄ 5:12

Cè tòcò thăbô̄hta alē sôtèklè; “Thŏpho htè ab́è mèthĭgè nu tanigè agī nib́è dècô̆dèthèlè̆, kî dèlīdobwîthè̆, kî dèzadèbla, kî dèkhodèă kî dèhĭdèhtè̆ kî dèdòdèthe kî dèkòihtăi!”

Dèd́è̆lî̄ 5:6

Hwă d́ō ja tcahtîgè Thŏpho tod́ŏ ò d́ŏ Na athaklăḿè̆bŭ nu, kî aò khwè̆b́a Cè ḿî dèphodèwe aòthôḿô̆ lwīd́ŏ kî adoabwe tòcò nu. Thŏpho nu ală ḿî ab́è mèthĭgè nu. Ano ò thăthôtòb́ò̆ kî agādŭ ò thăthôdophlo, htè aḿî Kib́ĭcè aSpirito Tcahtĭ thăthôdèmè̆ htè ab́è thodŏle htŏ d́ŏ Lākho thèd́è̆b́è akho nu.

Titsatireni:

Maulalo othandizidwa

Zotsatsa

Zotsatsa