Baibulo la pa intaneti

Tsamba lofikira
Baibulo la pa intaneti
Dèd́è̆lî̄ 12:9

Dèd́è̆lî̄ 12:9 - Geba Roman New Testament

⁹ Wudo tòb́ò̆ b́è hwĕladē d́ŏ Lākho nu—kî wu hlemo htè ami ḿî Mod́èlî, ḿî̆diḿî ńò Sătana, htè ahlòplè Lākho thèd́è̆b́è nu. Cè b́è hwĕladē d́ŏ Lākho, ploplo kî zò Mò̄khobwèzo lŏcăcè lò.

Onani mutuwo Koperani

bwerera mmwamba ⬆

Dèd́è̆lî̄ 12:9
68 Mawu Ofanana

Mattĕo 13:39

D́ĕd́ò htè abā cè tòcò ḿî Mod́èlî; b́uhmĭkhè̆ ḿî munilēdū; akèb́u tòcò ḿîkò̆ Mò̄khobwèzo.

Mattĕo 24:24

Manè̄ kò̄ d́òdo dō, Krĭstu athô̆blô kî Prò̆fèt aplè kòòhtakò̆ tòcò, kî zè gè̄ mèkò̆ dèbòdèba, kî dècòklîcòhjè̆ ado, pwĕ acab́ô̆ (dè gī phî̆hta za d́ō) zò gò̄ hlòplè bija ab́èrôhtŏ tòcò nu nu.

Mattĕo 25:41

“B́ĕnu cò kò d́òkò̆ bija aò cu cukhò atîcî tòcò gōjo, ‘Thĭ ab́èhôkî̆kkè tòcò, sè dòbò Jè d́ŏ hmî aò lahtŭlablo htè dè prahnègè Mod́èlî kî zè Mò̄khobwèzo tòcò anikhĭ abu nu.

Mattĕo 4:1

B́ĕnu Spirito Tcahtĭ leihŭgè Jezŭ d́ŏ hmîlè̄klè̆ nu cab́ô̆htè Cè kè̄ b́è Mod́èlî adèhnakă nu.

Mattĕo 4:10

B́ĕnu Jezŭ d́ò cè, “Sèphlòḿĭ, Sătana! Manè̄ kòd́òdo dō, aò hwela gōjo; Nè thèb́è̆b́è nî B́ĭcè Dèado kî na khazôb́è Cè dèbwè lò.”

Mattĕo 4:5

Hwă d́ō Mod́èlî htai Cè d́ŏ U Tcahtĭ abu nu kî ad́ò̆hta Cè d́ŏ Zarādo akhotòcò̆ akho nu.

Mattĕo 4:8

Tapla be Mod́èlî htai Cè d́ŏ khò̆mudokhòlò̆htô̆ dèmè̆ akho kîd́ò̆ ad́è̆lî̄ Cè lākho ahtĭage lŏcăcè kî adòathe tòcò nu kî ad́ò Cè,

Lŭka 10:18

Jezŭ d́òscĭge cè tòcò, “Ja tcahtî tèpwè Sătana ò d́ŏ Mò̄kholè̄ ladē tèpwè acab́ô̆ hlăgolî nu.

Lŭka 13:16

Tcabò̄ Sătana cŏglogjî̄glogè Abraham aphohmu dèbwè jo sciad́elwīthô adābugè, gō dò mò b́ăplè cè b́ĕ Munisòd́è̆ nu ńò ā?”

Lŭka 22:3

Sătana lenīgè Jŭdas htè ami ḿî Iskariŏta kî aḿî bōhmubicè scigībwè aklè̆ dèbwè nu abu.

Lŭka 22:31

Jezŭ d́ògè, “Simŏnè, Simŏnè! Sòkhĕńebò̄! Sătana nib́è akhwè cab́ô̆htè agè̄ mèca thĭ gŏ abwè kî hwèb́ă thĭ cab́ô̆ b́u nu.

Lŭka 8:12

Dèkhwĭ aò klè awōlò tòcò ḿî bija htè athîhè̆b́è hwă Kib́ĭcè Alēahwè d́ō Mod́èlî le kî phîkè̆ tèpwè d́ŏ ca tha abu nu cab́ô̆htè cu ku tu b́u ńò kî b́èhlô̆htagebò̄ ńò nu.

Zowănnī 12:31

Khŏnujo, asŏakhè̆ b́è htŏ d́ŏ Lākho kè̄ b́è cirragè. Aŭi lākho dèbwè nu kè̄ b́è hnahèhtakè̆kò̆ d́ŏ Saphra ale.

Zowănnī 14:30

Tè b́è Jî gî̄ jî̄b́èhtî òèòò be thĭ ńò, manè̄ d́o, Lākho Asaphra dole htŏ. Zô cô̆thèlè̆ tò ò Jo kho dimĭ ńò.

Zowănnī 16:11

kî cè tòcò kèḿègè ab́èkja dècirra, manè̄ d́ō Lākho ajo tèb́è asaphra b́è cirra htŏ nu.

Zowănnī 8:44

Mod́èlî ḿîgè thĭ Pa htè thĭ ògè d́ŏ cò ò dèbwè nu, kîd́ò̆ thĭ mè tèpwè zè dèthaèni. Hlĕ mocè̆kho nu zî ḿî amèthĭ bija kî cò tò òi dèdî̄dèhma ńò. Manè̄ d́ō, d́ŏ cò ò nu dèdî̄dèhma tò ò ńò. B́ĕ cò d́òplèdè nu, cò d́ò acab́ô̆ cò d́ò nènò, manè̄ d́ō zî ḿî aplèahlŭdè kî zî ḿî dèplè apa lò.

Thodŏpho 26:18

Na ka b́ăhtab́èkò̆ zu mugādŭ cab́ô̆htè ca ka d́ab́age ze ne dèhlî̆ aklè̆ d́ŏ dèkhi abu nu, kî cò ò hwă d́ŏ Sătana acukhòbu, ze gē geb́ahtîbò̄ Kib́ĭcè kî nib́èbò̄ dèb́u d́ŏ jò ò, dèkhòwè adèb́ăplè kî ab́è mètcahtĭ tòcò anikhĭ dèila nu,’ cò d́ògè jè do.

Thodŏpho 5:3

Petru d́ògè cè, “Ananĭa, ni i ma Sătana hnakă nè agè̄ plè Spirito Tcahtĭ kî lè̄huge Lākho abwî klăḿè̆ nu nè?

Rŏma 16:18

Bija ajo tòcò tè b́è Jezŭ Krĭstu azôabwè ńò, ḿî zè dè thaèni azôabwè gè̄ mè htèniwĭniwa bija ab́îajū tòcò adègomo d́ŏ jè dèdara aklè̆ nu.

Rŏma 16:20

Tò òjî̄òkja ńò, Kib́ĭcè gò̄ dòprîkò̆ Sătana d́ŏ thĭ khaî̆thalè̄ nu. B́ĭcè Jezŭ Krĭstu adèjīdèd́wă kò òkô d́ò̆è thĭ kă.

2 Kòrĭn 11:14

Dè amò htèdômô̄dahmă ale tò ò tèpwè ńò. Sătana hnò̆nu thô̆blôhta za ane acab́ô̆ dèhlî̆ amò̄khobwèzo lò.

2 Kòrĭn 11:3

Ḿî wu nu, d́ŏ zè dèlîḿakakwè̆ abu hlòplènigè Ĕva akhò̆, jè b́èhjŏ ḿî thĭ ḿî ḿî thĭ dègomo gè̄ kè̆ kî thĭ kè b́è̆lădēda thĭ dèb́èlò̄ atcahtĭ lŏthlŏtha Krĭstu, kî d́ab́a thĭ khlŏ d́ŏ Cò ò nu lò.

2 Kòrĭn 12:7

D́ŏ jè kèhtîb́è dèd́è̆lî̄ acòklî òè̆mo akhoacè̆, cab́ô̆htè jè gè̄ dè bè̄htahtô̆bò̄ je ne ńò anikhĭ nu, dèilanigè jè dèsu d́ŏ jî hîklè̆ nu deble, Sătana Abwèzo debogè jè, cab́ô̆htè jò sò̆tab́a jî̄b́è htajîthwi nu.

2 Kòrĭn 2:11

Cab́ô̆htè Sătana di nib́èbò̄ akhwè akò ò d́ŏ wo kho ńò nu. Manè̄ wî thîhè̆ zè dèkŏhtakjala tòcò lò.

2 Kòrĭn 4:4

Zî ḿî atu b́udè ńò d́ŏ Lākho ab́icè mèkhigè amūkă, amèd́îd́ă cè agā tcahtî Vanzĕlō adèhlî̆, ahlî̆lăi Krĭstu adòathe, htè aḿî Kib́ĭcè ahô̆agèlè dèbwè nu.

Ephè̆sus 4:14

Anu tapla, wî dî ḿîbe abĭsèpho htè ab́ècwidewewā kî hmò dîwî̄dewei wa d́ŏ ahlòplè dè tòcò agīlliklè̆, htè athè̆ bija d́ŏ dèkè̆dèô tòcò adèhlòdèplè be ńò.

2 Thèssalò̆nika 2:3

Ibò̄ ḿè bija hlòniplèni thĭ d́ŏ dè dimĭ dimi, bija Dèbwè̆ dèbwè ḿè. Manè̄, dukhlŭkî B́ĭcè Amuni b́è hnî̆ńò nu, dèhtad́ĕd́òdo agudukă dukhlŭ òhta hnî̆ńò kî bija akî̆kkèmèhlò̆gudŭ htè agē le d́ŏ Larrā dèbwè gò̄ pòhta we.

1 Timò̆theo 2:14

Kî Adam tè b́è dèhlòniṕlèni cè ńò. Bija ab́è hlòniplèni kî amèkèḿè Kib́ĭcè adèthôdèthò̆ ḿî amihmu lò.

2 Timò̆theo 3:13

Ḿî bija akî̆kkèmèhlò̆ kî ahlòplè dè tòcò nu, òjî̄ dere dere, d́î̆ d́î̆ gî̄ zî̄hta dere derekò̆. Cò gò̄ hlòplè dè, kî cè thè̆ne gā khab́èkò̆ dèhlòṕlè cè cè.

Hebrè̆u 2:14

Pholi tòcò nib́è thwihtĭ domo lò akhoacè̆, cab́ô̆htè Cè htè aphlŭathere ò Mod́èlî akho d́ŏ Zè dèthĭ acè̆, Zî gî̄ phîkè̆bò̄ Mod́èlî aphlŭathere,

1 Petru 5:8

Òphôthèńèbò̄! Manè̄ d́ō, thĭ thè̆d́ĕd́ò Mod́èlî nu hè dîwî̄dewe acab́ô̆ glādo agèjè tod́ŏ awāhlè agū hjŭnīa bija akhò̆ nu.

1 Zowănnī 5:19

Wi thîhè̆ tèpwè Lākho thèd́è̆b́è ò nòthò̆ Akî̆kkè Dèbwè adèŭi akălè̄ hnò̆nu, wî ḿî ab́èkja Kib́ĭcè lò.

Jŭda 1:9

Mò̄khobwèzodo Mikĕlè̄ hnò̆nu, b́ĕ ca ăwū Mod́èlî Mŏzè aco akhè̆ nu, cò tò d́ògè dèhôdèhò̆ ńò; agudulă cò d́ò lōwa ḿî, “B́ĭcè gò̄ hò̆ d́ò̆è nè!” dôhmô̆ lò.

Dèd́è̆lî̄ 12:12

Mò̄kho kî aò d́ŏnu tòcò gā thalōthala d́ò̆è! Ḿî khò̆kho kî pellè anikhĭ dèba gō dolegè! Manè̄ Mod́èlî gò̄ hlò̆wè̄kò̆ thĭ lò d́ŏ dèthèhtèd́òd́è̆ abu d́ŏ zî thîhè̆ zu munimuthè̆ òdawe tod́opho be lò nu.”

Dèd́è̆lî̄ 12:3

Kîd́ò̆ dègèlè alewe pòhta d́ò̆ dèdè̆ be. Ḿî tèpwè Wudo alîtò̆tî tòb́ò̆, ako ò thăthôtod́ŏ kî ano ògè ab́ò̆sci. Ako thăthôtod́ŏ akho nu khocò̆ ògè thăthô dèdè̆ dè̆.

Dèd́è̆lî̄ 12:7

B́ĕnu dèd́o phî̆htagè d́ŏ Mò̄kho nu, b́ĕ Mikĕlè̄ kî zè Mò̄khobwèzo tòcò d́ophjagè Wudo nu, Wudo kî zè Mò̄khobwèzo tòcò d́ògegè cè alī,

Dèd́è̆lî̄ 12:8

ḿî zu sugè d́ō, cè kî zò Mò̄khobwèzo di nib́è be akò ò d́ŏ Mò̄kho be ńò.

Dèd́è̆lî̄ 13:14

Kîd́ò̆ ahlòniplènigè gajă bija lākhopho tòcò d́ŏ dèbòdèba htè ab́èilani agè̄ mè d́ŏ dèphodèwe akhŭ aŭsu tod́ŏ ahlò̆mò̄ nu. Dèphodèwe akhŭ gīd́ŏ tod́ŏ hna prahtagè lōwa tòcò dèjò dèdè̆ d́ŏ dèmèhĭmèhtè̆ dèphodèwe akhŭ htè ab́è bēthĭ d́athĭ i d́asĕ nòthò̆ aòthôḿô̆we tod́ŏ nu ajò nu.

Dèd́è̆lî̄ 16:14

Zî ḿî dèscidèhnè, zè mè za dèbòdèba, zè kèhtî Lākho asaphra tòcò kî zo jo ladēplo lōwa Kib́ĭcè Amèzadè lŏcăcè adèd́o Munido anikhĭ nu.

Dèd́è̆lî̄ 18:2

Zo htŏhtasô ze lē kî cò d́ò, “Babilŏnia lamulapha htŏ! Za lamulapha htŏ! Zî phî̆htagè dèscidèhnè adèmèjomèhnă ale kî tha acîpô tòcò; kî htŏphojōli acib́ĭcòb́ò kî acîpôcîthŏ amŏamo ògè d́ŏ zu bu nu.

Dèd́è̆lî̄ 18:23

Hmîŭd́ŏ adèhlî̆ nu gè̄ tè kèhtîb́è bekò̆ ńò; aphîcu amihmu mikhŏ alēahwè ḿî ḿî gî̄ dî thîhè̆b́è bekò̆ ńò ńò. Thĭ amèkŭmègwādè tòcò ḿîgè Lākho akho acô̆dothèlè̆do tòcò, d́ŏ dèhlòhlî̆hlòṕlè abu thĭ mèdôbô̄debegè bija lākhopho lŏcăcè agādŭ.”

Dèd́è̆lî̄ 19:20

B́ĕnu dèphodèwe tod́ŏ b́èphògè ploplo kî prò̆fèt aplè htè amè dècòklî d́ŏ dèphodèwe ahlò̆mò̄ nu. (D́ŏ zè mè dècòklî, kî hlònigè bija acè̆, cè tòcò òi dèphodèwe ajò anebî̆cè alò kî thèb́è̆ dèphodèwe abwèjò lò.) Dèphodèwe tod́ŏ kî prò̆fèt adîdî̄dahma ńò gībwè b́è hwĕladē thôḿô̆ jīplogè d́ŏ ka hmîgè̄ ahnò bu nu.

Dèd́è̆lî̄ 2:13

Jî thîhè̆ tèpwè thĭ ò d́òlè̄ nu, d́ŏ Sătana sańăò ana bu alle nu, ḿî thĭ òhmeòglo we d́ŏ Ji Mi abu nu kî thĭ da bāphlòḿĭgè thĭ dèb́u ju bu ńò b́ĕ jè bwè akha ji nikhĭ thè̆thî Antipas b́è mèthĭgè thĭ ò htè Sătana ò alle nu.

Dèd́è̆lî̄ 2:24

“Barasă bija alewe aòda d́ŏ Thiatĭra au bu tòcò aklè̆ adî phîni dè htè bija tòcò jo, “Sătana adè ahuazò adoajò̄” nu. Ji ti ila mè dèmè ahtoaba thĭ kho dimĭ ńò, ḿî thĭ kò òi hmehmececebò̄ dè htè thĭ nib́è htŏ tòcò htô̆ jo dole nu.

Dèd́è̆lî̄ 2:9

Jî thîhè̆ tèpwè thĭ dèhtodèba, thĭ niò̆jòa nòthò̆ thĭ ssègnè̆gè pwè̆dè̄ nu, kî thĭ khab́ègè dèsajò htè Jŭdapho tòcò d́ò; thĭ ḿî Sătana adèòplopho tòcò nu.

Dèd́è̆lî̄ 20:10

Hwă d́ō Mod́èlî, ahè plèa cè tòcò nu, b́è htîladē d́ŏ ka kî hmî ahnò bu, htè b́ĕ Dèphodèwe kî prò̆fèt aplè b́è htîladēnī htŏgè abu nu; kî cè tòcò kè̄ b́è dèssègnè̆ thè̆musè̆munè kî thèjô̆ lahtŭlablo lò.

Dèd́è̆lî̄ 20:8

kî zè gè̄ hè hlòhlî̆hlòplèkò̆ htĭge tòcò d́ŏ aòphrulaphrî̆hta Lākho thèd́è̆b́è akho, htè aḿî Gòg kî Magòg nu. Sătana gō jo ladēplokò̆ lōwa dèd́o anikhĭ, cò kò òèòòkò̆ pwĕ lothĭḿi aò d́ŏ pellèwe nu.

Dèd́è̆lî̄ 3:9

Khŏnujo jè gè̄ mèhlî̆htakò̆ Sătana asinagŏgāpho htè ad́òla ane Jŭdapho tòcò ḿî zî ḿî bwèplè, manè̄ cè tòcò dî ḿîgè gōnu ńò acè̆ nu, ja gā hnakò̆ cè tòcò le gò̄la thĭ hlò̆mò̄ kî d́òphlò̆hta d́ŏ thĭ ḿî bija htè jè b́èlò̄ tòcò nu.

Dèd́è̆lî̄ 9:1

Mò̄khobwèzo jè̄bwè dèbwè uhta akhaja lò kî ja tcahtî sè dèmè̆ ò d́ŏ Mò̄kholè̄ aladēgè d́ŏ Lākho nu. Kîd́ò̆ sè anu b́è ilagè hnèwî̄kă akā b́ăhta khaglè̄ ala d́ŏ dèlajò̄codibi abu nu.

Dèd́è̆lî̄ 9:20

Barasă bija akhwĭthèlè̆ ahlô̆hta tòcò nu da bāphlòḿĭgè cu cubōkhajò tòcò nu ńò; htè bwèjòhô̆, bwèjòhtè̆ bwèjòkre, lo kî tho htè atè kèhtî za ńò, adî thîhè̆ za ńò kî ade gemeelô za ńò tòcò nu, dò sò̆tab́a athèb́è̆hta dèscidèhnè tòcò ńò.

Titsatireni:

Maulalo othandizidwa

Zotsatsa

Zotsatsa