Baibulo la pa intaneti

1 Petru 2:5 - Geba Roman New Testament

⁵ Le òb́ôhtîbò̄ Cè, cab́ô̆htè thĭ ḿî ḿî thĭ gā pakô dèphŭgi tcahtĭ ahluhtai thotha adèhluhta htè Jezŭ Krĭstu hluhtai B́ĭcè kî ab́èthob́ètha zî̄ Cè dèdè̆ nu htè amèphî̆hta thĭ thotha hiphă anikhĭ lo aòthôḿô̆ tòcò nu.

Onani mutuwo Koperani

bwerera mmwamba ⬆

1 Petru 2:5
34 Mawu Ofanana

Rŏma 12:1

Jè thè̆buwe tòcò, ja damò thĭ gā hmăibò̄ Kib́ĭcè adèkhòwèhmòb́è acab́ô̆ bwè atani dègomo ò tòcò nu, d́ŏ dèihta thĭ neb́î̆cè acab́ô̆ dèhlu tcahtĭ ab́ètha Kib́ĭcè tòcò nu.

Rŏma 15:16

Zè lēhtagè jè Jezŭ Krĭstu aphŭgi kî jè gè̄ mèib́è ju phŭgi adèphîdèmè d́ŏ dèlle ilani bwèthŭkupho tòcò Kib́ĭcè Adèthalōthalai Awîakè̆ kî amèphî̆hta cè tòcò dèhluhtai amò phîni d́ŏ ab́è mètcahtĭ htŏ kî Spirito Tcahtĭ tòcò nu.

1 Kòrĭn 3:16

Thĭ ḿîgè Kib́ĭcè aZarādo kî Kib́ĭcè Atha Tcahtĭ ò thĭ bu nu thĭ dî thîhè̆gè ńò ā?

1 Kòrĭn 3:9

Wî ḿî Kib́ĭcè adèmèplo apho, thĭ ḿî Kib́ĭcè ahudephaklè̆. Thĭ ḿîkô Kib́ĭcè ahiaphă.

1 Kòrĭn 6:19

Thĭ thîhè̆ tèpwè htè thĭ neb́î̆cè ḿî Spirito Tcahtĭ aZarādo nu, Spirito Tcahtĭ ḿî thĭ nib́è d́ŏ Kib́ĭcè ò aò thĭ bu nu. Thĭ dî ḿî thĭ è̆ ńò.

2 Kòrĭn 6:16

Kib́ĭcè aZarādo tò ò sò̆htokô kèhta bwèjòbwèja tòcò nu ńò, kî wî ḿî Kib́ĭcè ahiaphă nu, Kib́ĭcè htè aòthôḿô̆ dèbwè nu. Wò òi Kib́ĭcè adèjî̄b́è htè adò; “Ja gā prahtakò̆ Ji hi Ja phă zo kho zè klè̆; kî Jò kò̄ òkôkò̆ cè tòcò akă; Jî gî̄ ḿîkò̆ cî B́ĭcè, kî zî gî̄ ḿîkò̆ Ja bija.”

Galatiăno 6:10

Akhîb́èbòb́è athŭtherĕ, wè gè̄ mè b́è bija gŏ abwè anikhĭ dè aè d́okhlŏ wè thè̆buwe anib́èplo wa dèb́u tòcò nu.

Philippiăno 1:11

Thĭ dèòthôḿô̆ gē pĕhtakîkò̆ dèdî̄dèhma, dèwîdèè htè amèni za thĭ ḿî htĕ Jezŭ Krĭstu d́ŏ Kib́ĭcè adòathe anikhĭ kî dèkòihtăi anikhĭ nu.

Philippiăno 2:17

B́ètèb́èńò ja thathôḿô̆ athwi gò̄ hlòlab́è acab́ô̆ dèhluhtai d́ŏ thĭ dèb́udènè d́è̆ thĭ è̆ adèhluhta d́ŏ Kib́ĭcè ò nu. Dè gè̄ mè ane gōnu d́ō, ja thaganāi kî je gē bela tèpwè jè dèthaganāi ajo ploplo kî thĭ gŏ abwè nu.

Philippiăno 4:18

Mègōnu d́ō, ajo ḿî cèkăklè htè ji nib́è thĭ dèila jè lŏcăcè anikhĭ, kîd́ò̆ aḿîgè dè aòè d́olĭ kî jo lobagè tòcò nu. Khŏnujo, ji nib́ègè dèlŏcăcè, d́ŏ Epaphròdĭtus le thè̆ ni jè thĭ dèi tòcò akhoacè̆, dè aloba ji nikhĭ tòcò ò pĕhtazòhta htŏ tèpwè. Dè ajo tòcò mè acab́ô̆ dèhluhnŭẃi d́ŏ ab́èhluhtai Kib́ĭcè ò, htè ab́ètha Cè kî amèmòtha Cè nu.

Kòlò̆ssia 3:17

Gajă thĭ mèdè nu, d́ŏ dèjî̄b́è ḿîwî, dèphîdèmè ḿîwî, mèbò̄ d́ŏ B́ĭcè Jezŭ ami abu, thîhèhtagebò̄ B́ĭcè Pa d́ŏ Zi mi abu nu.

1 Timò̆theo 3:15

B́eḿĕ je gē de ledohtî nè d́ŏ aplă ńò d́ō, cèborŏ jo gî̄ ḿîbò̄ dèithîhè̆ nè d́ŏ nè kè̄ b́è ò thôḿô̆ Kib́ĭcè ahigumu abu cadè̄ nu. Higumu ajo ḿî B́ĭcè athôḿô̆ Adèòplo htè aḿî dè akhahtu, azāhtagloi dèdî̄dèhma lò.

Hebrè̆u 3:6

Ḿî Krĭstu nu, Zî ḿîgè acab́ô̆ Pho adî̄ahma dèbwè nu kî Kib́ĭcè Ahib́îcè dèbwè nu dòkhò̆. Kîd́ò̆ wî ḿî Zi hi Za phă b́ĕ wî phîdophîmu wè dèòhme d́ŏ wô pôglo hmetekle dèsascĭi athŭtherĕ nu.

1 Petru 2:9

Thĭ ḿî ab́èrô dikhwĭ, saphra aphŭgi akhwĭ, bijakhwĭpho tcahtĭ, bwè ab́è b́è̆lăbā agā htăhtai Kib́ĭcè ajohtaphlòḿĭ d́ŏ dèkhiklè̆ d́ŏ Zè dèhlî̆ amòama dèbwè abu nu.

1 Petru 4:11

Agî̄ jî̄b́èhta dèbwèbwè d́ō, zè dèjî̄b́è gî̄ ḿî d́ò̆è Kib́ĭcè alēahwè. Agī igetcage dè dèbwèbwè, zè dèmèzo gî̄ ḿî d́ò̆è Kib́ĭcè adèikhoiă; cab́ô̆htè d́ŏ dè gŏmimi aklè̆, Kib́ĭcè kè̄ b́è kòihtăibò̄ d́ŏ Jezŭ Krĭstu htè dèdòdèthe kî htĭge ḿî dèthôḿô̆ lahtŭlablo Cè è̆ dèbwè nu ami abu nu. Amèn.

1 Petru 4:17

Manè̄ d́ō, dècirra amuni gohta htŏ d́ŏ Kib́ĭcè ahibu nu; mè nòthò̆ do hnò̆nu, agò̄ gohta ma d́ŏ wò lò nu d́ō, bija tu b́u Kib́ĭcè aVanzĕlo ńò tòcò anikhĭ dè gè̄ mèbò̄ ane cadè̄?

Dèd́è̆lî̄ 1:6

kîd́ò̆ Zè mèphî̆htagè wa saphra kî phŭgi tòcò agā khazô Cî B́ĭcè kî Ca Pa dèbwè nu. Jezŭ Krĭstu kè̄ b́è d́ò̆è dèdòdèthe kî dècô̆dèthèlè̆ thèjô̆ lahtŭlablo. Amèn.

Dèd́è̆lî̄ 20:6

Bija htè ahtaboge aŭsugudŭ tòcò nu thalōthala kî b́èhôwî lò. Dè thĭ gīpla tapla acô̆thèlè̆ tò ò cè tòcò akho ńò. Cè tòcò gî̄ ḿîkò̆ Kib́ĭcè kî Krĭstu aphŭgi kî cu ku ŭib́èplokò̆ lōwa ad́e dòhtò.

Dèd́è̆lî̄ 3:12

Bija anoabè dèd́o tòcò nu jè gē mèphî̆htakò̆ cè hidu d́ŏ Kib́ĭcè aZarādo bu nu kî cò kò òb́èkò̆ d́ŏ nu lahtŭlablo; je gē hwelakò̆ jî B́ĭcè Ami, kî jî B́ĭcè au tcahtĭ ami htè Jerŭsalèm u Athè̆ aò d́ŏ Mò̄kho nu kî jî mi athè̆ papa.

Dèd́è̆lî̄ 5:10

Nè mèphî̆htagè cè tòcò phŭgi ahtĭage agā khazô wî B́ĭcè kî aku ŭicai Lākho thèd́è̆b́è tòcò nu.

Titsatireni:

Maulalo othandizidwa

Zotsatsa

Zotsatsa