Yosua 8:2 - Biblia alo Ŋɔŋlɔ Kɔkɔe La Le Eʋegbe Me 1913

² eye wɔ Ai kple eme ba, abe alesi nèwɔ Yerixo kple eme fia ene; ke miekpɔ mɔ aha aboyonuawo kple lãwo na mia ɖokui. Eye na woade xa ɖe du la ŋu ɣetoɖoƒe gome.

Agbenya La

² Miatsrɔ̃ wo abe ale si mietsrɔ̃ Yeriko kple woƒe fia ene. Ke azɔ ya la, miate ŋu atsɔ woƒe nuwo kple woƒe nyi siwo mieha la woazu mia tɔ. Na ameawo nade xa ɖe dua godo.”

Yosua 8:2 Mawu Ofanana

2 Kronika 13:13

Ke Yerobeam na xadelawo trɔ, ne woaɖadze wo dzi le megbe gome; woawo dze ŋgɔ Yuda, eye xadelawo le megbe nɛ.

2 Kronika 20:22

Eye wòva me, esime wode asi aseyetsotso me, eye wole kafukafuha dzim la, Yehowa kplɔ xadelawo de Amon-viwo kple Moab-viwo kpakple amesiwo tso Seir-towo dzi, amesiwo ho ɖe Yuda ŋu la, eye wowu wo nɔewo.

Psalmowo 39:6

Kpɔ ɖa, èwɔ nye ŋkekewo wonye asi ƒe kekeme, eye nye agbenɔɣi menye naneke le ŋkuwò me o. Nyateƒe, ne amegbetɔ li ke ʋuu hã la, ƒuƒu ko wònye. Sela.

Lododowo 13:22

Viwo ƒe viwo nyia dɔmenyotɔ ƒe dome; ke wodzraa nuvɔ̃wɔla ƒe nuwo ɖo ne ame dzɔdzɔe.

Lododowo 28:20

Woayra nuteƒewɔla geɖe; ke amesi tsi klokloklo ɖe hokpɔkpɔ ŋu la, womagbe tohehe nɛ o.

Yeremia 17:11

Amesi ƒo kesinɔnu nu ƒu, ke menye to dzɔdzɔenyenye mɔ dzi o la, ele abe tegli, si ƒo vi, gake menye eya ŋutɔe ɖa azi la o la ene; agblẽe ɖi le eƒe agbenɔnɔ titina, eye le nuwuwu me la azu bometsila.

Yeremia 51:12

Mitu aflaga ɖe Babel-gliwo dzi, mina dzɔlawo nasɔ gbã ɖe edzi, miɖo gbetakpɔlawo, eye miɖe amewo ɖo xa me; elabena Yehowa ɖo ta me, eye awɔ nusi wògblɔ ɖe Babeltɔwo ŋu la hã ade goe.

5 Mose 2:35

Negbe lãwo koe mieha na mía ɖokui, eye míeɖe aboyo nuwo le du, siwo miexɔ la me.

5 Mose 20:14

negbe nyɔnuwo kple ɖeviwo kple lãwo kpakple aboyonu, siwo katã le dua me la, ko naha na ɖokuiwò, eye naɖu wò futowo ƒe aboyonu, siwo Yehowa, wò Mawu, na wò la.

5 Mose 3:2

Eye Yehowa gblɔ nam bena: Megavɔ̃e o, elabena matsɔ eya ŋutɔ kple eƒe dukɔ blibo la kpakple eƒe anyigba ade asi na wò, eye nawɔe, abe alesi nèwɔ Amoritɔwo ƒe fia Sixon, si nɔ Xesbon la ene.

Yosua 10:1

Esi Yerusalem-fia Adonizedek se bena, Yosua xɔ Ai, eye wòtsrɔ̃e gbidigbidi, ewɔ Ai kple eme fia, abe alesi wòwɔ Yerixo kple eme fia ene, eye Gibeontɔwo wɔ xɔlɔ̃ kple Israel, eye wole wo dome la,

Yosua 10:28

Eye Yosua xɔ Makeda le ŋkeke ma ke dzi; ewu wo kple yi, eye wotsrɔ̃ eme fia kple amesiwo katã le eme la gbidigbidi, eye mena amea ɖeke si o, eye wòwɔ Makeda-fia, abe alesi wòwɔ Yerixo-fia ene.

Yosua 11:14

Eye Israel-viwo ha aboyonuwo kple lãwo le du siawo me na wo ɖokui, negbe amewo katã ko wowu kple yi, vaseɖe esime wotsrɔ̃ wo vɔ, eye womena nu gbagbe ɖeka hɔ̃ hã kpɔtɔ o.

Yosua 6:21

Eye wotsɔ yi tsrɔ̃ ŋutsuwo kple nyɔnuwo, ɖeviwo kple ame tsitsiwo, nyiwo kple alẽwo kpakple tedziwo keŋkeŋ.

Yosua 8:12

Eye wòɖe ŋutsu akpe atɔ̃, be woade xa ɖe Betel kple Ai dome le du la ƒe ɣetoɖoƒe gome;

Yosua 8:14

Esi Ai-fia kpɔ esia la, dua me ŋutsuwo fɔ ŋɖi kanya kplakplakpla heho aʋa yi ɖakpe Israel, eye eya kple eƒe aʋakɔ blibo la va teƒea ɖe le gbadzaƒe la nu; ke menya be, wode xa ɖe eŋu le du la ƒe ɣetoɖoƒe gome o.

Yosua 8:19

Esi wòdo eƒe asi ɖa la, xadelawo wɔ kaba tso le wo nɔƒe hege ɖe du la me, eye woxɔe, eye wòtɔ dzo du la.

Yosua 8:24

Esi Israel wu Aitɔwo katã le tagba le gbedzi, eye amesiwo katã ti wo yome tsi yi nu hetsrɔ̃ vɔ keŋkeŋ la, Israel blibo la trɔ ɖo ta Ai, eye wotsrɔ̃ wo kple yi.

Yosua 8:3

Tete Yosua kple aʋawɔlawo katã ho, be wòayi Ai. Eye Yosua tia kalẽtɔ akpe blaetɔ̃, eye wòdɔ wo ɖa le zã me,

Yosua 8:7

ekema miawo miado te xa me aɖaxɔ du la, eye Yehowa, mia Mawu, atsɔe ade asi na mi.

Yosua 8:8

Eye ne miexɔ dua vɔ la, ekema mitɔ dzo du la; miwɔ, abe alesi Yehowa gblɔ na mi ene, kpɔ ɖa, nyee ɖe se na mi.

Yosua 8:9

Esi Yosua dɔ wo ɖa la, woyi ɖade xa ɖe Betel kple Ai dome, le Ai ƒe ɣetoɖoƒe gome, ke Yosua tsi dukɔ la dome dɔ le zã ma me.

Yosua 9:3

Ke esi Gibeon-tɔwo se nusi Yosua wo Yerixo kple Ai la,