Yosua 24:12 - Biblia alo Ŋɔŋlɔ Kɔkɔe La Le Eʋegbe Me 1913

¹² Medɔ teamekplɔɖoewo ɖe mia ŋgɔ, eye wonyã Amoritɔwo ƒe fia eveawo le mia ŋgɔ; menye wò yi kple wò dae wɔe o.

Agbenya La

¹² Meɖo nudzodzoe teamewo ɖe mia ŋgɔ be woanya Amoritɔwo ƒe fia eveawo kple woƒe amewo. Menye miaƒe yiwo alo aŋutrɔwoe he dziɖuɖu vɛ na mi o!

Yosua 24:12 Mawu Ofanana

Psalmowo 135:11

Amoritɔwo ƒe fia Sixon, Basan-fia Og kple Kanaan-fiaduƒewo katã,

Psalmowo 80:10

Edzra eŋu ɖo, eye wòɖe ke hexɔ anyigba.

Psalmowo 80:9

Eho weinka tso Egipte, eye nènyã dukɔwo ɖa hetsɔe do.

2 Mose 23:28

Madɔ téamekplɔɖoewo ɖe ŋgɔwò, bena wòanya Xiwitɔwo, Kanaanitɔwo kple Xititɔwo le ŋgɔwò.

2 Mose 23:31

Eye mana wò liƒowo natso Avaƒu la nu vaseɖe Filistitɔwo ƒe ƒu la nu, tso gbedzi vaseɖe tɔsisi la nu; elabena matsɔ anyigbadzitɔwo ade asi na wò, eye nanyã wo le dowòme.

4 Mose 21:31

Ale Israel-viwo nɔ Amoritɔwo ƒe anyigba dzi.

4 Mose 21:32

Eye Mose da be, woaɖatsa ŋku le Yaezer, eye woxɔ eŋu duwo, eye woɖu Amoritɔ, siwo le afima la dzi.

5 Mose 31:4

Yehowa awɔ wo, abe alesi wòwɔ Sixon kple Og, amesiwo nye Amoritɔwo ƒe fiawo, kple woƒe anyigbawo, eye wotsrɔ̃ wo ene.

5 Mose 4:46

le Yordan ƒe go keme dzi, le tagba le Bet-Peor kasa, le Amoritɔwo ƒe fia Sixon, si nɔ Xesbon la, ƒe anyigba dzi, amesi Mose kple Israel-viwo si, le esime woʋu tso Egipte.

5 Mose 4:47

Eye woxɔ eya kple Og, Basan-fia, siwo nye Amoritɔwo ƒe fia eveawo, ƒe anyigba le Yordan godo, le ɣedzeƒe gome, wòzu wo tɔ;

5 Mose 7:20

Yehowa, wò Mawu, aɖo teamekplɔɖoewo hã ɖe wodome, vaseɖe esime ame mlɔeawo kple amesiwo si yia la, naku avɔ le ŋkuwò me.

Yosua 2:10

Elabena míese, alesi Yehowa na Avaƒu la mie le mia ŋgɔ, esime mieʋu tso Egipte, kpakple nusi miewɔ Amoritɔwo ƒe fia eveawo, siwo nye Sixon kple Og le Yordan godo, amesiwo mietsrɔ̃ gbidigbidi.