Yosua 22:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ gblɔ na wo bena: Mitsɔ kesinɔnu geɖewo kple lã geɖewo, klosalo kple sika, akɔbli kple gayibɔ kpakple avɔ geɖewo fũ gbugbɔ yi miaƒe agbadɔwo mee, eye mia kple mia nɔviwo mimã miaƒe futɔwo ƒe aboyonuwo me!

Agbenya La

⁸ be: “Migbugbɔ yi míaƒe aƒewo me kple miaƒe kesinɔnu gbogboawo, lãha gãwo, klosalo, sika, akɔbli kple gayibɔ kple nudodo gbogboawo, eye mima afunyinu siwo mieha le míaƒe futɔwo si la kple mia nɔviŋutsuwo.”

Yosua 22:8 Mawu Ofanana

1 Kronika 5:9

enɔ ɣedzeƒe gome ɖo ta gbe dzi tso Frat-tɔsisi la nu, elabena woƒe lãwo dzi ɖe dzi le Gilead-nyigba dzi.

2 Kronika 17:5

Eyata Yehowa li ke fiaɖuƒe la ɖe esi me, eye Yuda blibo la tsɔ nunanawo na Yosafat, ale be kesinɔnu kple bubu siaa su esi.

2 Kronika 32:27

Kesinɔnu kple bubu geɖe ŋutɔ su Xizkiya si, eye wòwɔ nudzraɖoƒewo ɖe klosalo kple sika, kpe xɔasiwo kple atike ʋeʋẽewo, akpoxɔnuwo kple nu xɔasi vovovowo ŋu.

Psalmowo 68:12

Aƒetɔ la ƒo nu, eye wòna nyɔnu du nyui xɔlawo de ha kpaŋ.

Lododowo 3:16

Agbenɔnɔ didie le eƒe ɖusi me, eye kesinɔnu kple bubu le eƒe mia me.

4 Mose 31:27

mimã wo na amesiwo de aʋa la, kple ameha blibo la.

1 Korintotɔwo 15:58

Eyata, nɔvinye lɔlɔ̃tɔwo, minɔ te sesĩe, maʋãmaʋã, eye migba go ɖaasi le Aƒetɔ la ƒe dɔwɔwɔ me, esi mienyae bena, miaƒe agbagbadzedze menye dzodzro le Aƒetɔ la me o ŋuti la.

Hebritɔwo 11:26

eye wobu ŋukpe, si wodo Kristo la, kesinɔnu wu Egiptetɔwo ƒe kesinɔnuwo; elabena ekpɔ teƒeɖoɖofetu la ɖa.

1 Samuel 30:16

Esi wòkplɔe yii la, kpɔ ɖa, wokaka ɖe anyigba blibo la dzi, eye wole nu ɖum le nu nom hele ɣe ɖum le aboyonu geɖe, siwo katã woha tso Filistitɔwo ƒe anyigba kple Yuda-nyigba dzi la ta.

1 Samuel 30:24

Ameka aɖo to mi le nya sia me? Ke boŋ amesiwo de aʋa la kple amesiwo tsi nuawo gbɔ la, namãe sɔsɔe; woamã wo hayooe!