Yosua 2:4 - Biblia alo Ŋɔŋlɔ Kɔkɔe La Le Eʋegbe Me 1913

⁴ Ke nyɔnu la tsɔ ŋutsu eveawo ɣla, eye wògblɔ bena: Ele me be, ŋutsuawo nya va gbɔnye, gake nyemenya afisi wotso o.

Agbenya La

⁴ Ke Rahab ɣla amedzroawo, eye wògblɔ be, “Ameawo nya va afi sia do ŋgɔ na mi, gake nyemenya ne ŋkutsalawo wonye o.

Yosua 2:4 Mawu Ofanana

2 Fiawo 6:19

Eye Elisa gblɔ na wo bena: Menye mo lae nye esia o, eye menye du lae nye esia o; mikplɔm ɖo, ne makplɔ mi yi ŋutsu, si dim miele la gbɔe. Eye wòkplɔ woyi Samaria.

2 Mose 1:19

Vixelawo ɖo ŋu na Farao bena: Hebri-nyɔnuwo mele abe Egipte-nyɔnuwo ene o, ke boŋ wosesẽ; kasiaa vixela nava wo gbɔ la, woawɔ ŋutɔ dzia vi la xoxo.

Yakobo 2:25

Nenema ke Raxab, gbolo la hã, ɖe menye dɔwɔwɔwo wotsɔ tso afia nɛ, le esi wòxɔ ame dɔdɔwo, eye wòna woto mɔ bubu dzo la ŋuti o mahã?

Yosua 2:3

Tete Yerixo-fia dɔ ame ɖo ɖe Raxab gbɔ gblɔ bena: Ɖe ŋutsu, siwo va gbɔwò hedze aƒewò me la na, elabena ŋku tsa ge wova anyigba blibo la dzi.

Yosua 2:5

Esi anyigba tsyɔ, eye wole agbo tu ge la, ŋutsuawo do go, gake nyemenya afisi woyi o; miti wo yome kaba, elabena miate ŋu atu wo!

Yosua 6:17

Mitsrɔ̃ du la kple nusiwo katã le eme gbidigbidi na Yehowa; negbe Raxab, gbolo la, kple amesiwo katã le eƒe me ko miaxɔ de agbe, elabena eyae tsɔ amesiwo míedɔ la ɣla.

Yosua 6:25

Eye Yosua na Raxab, gbolo la fofoa ƒe me tɔwo kple eƒometɔwo katã tsi agbe, eye wotsi Israel dome vaseɖe egbe, elabena eyae ɣla amesiwo Yosua dɔ, be woaɖatsa ŋku le Yerixo.