Yosua 17:16 - Biblia alo Ŋɔŋlɔ Kɔkɔe La Le Eʋegbe Me 1913

¹⁶ Tete Yosef-viwo gblɔ bena: To la menya de mia nu-o, evɔ galasiaɖamwo hã le Kanaanitɔ, siwo katã le bali la me kple esiwo le Bet-Sean kple eƒe duwo me kpakple esiwo le Yezreel gbadzaƒe la si.

Agbenya La

¹⁶ Yosef ƒe amewo ɖo eŋu be, “Tonyigba la melolo na mí o, ke gatasiaɖamwo le Kanaantɔ siwo le gbadzaƒe la kple esiwo le Bet Sean kple du siwo ƒo xlãe kple esiwo le Yezreel ƒe balime la si.”

Yosua 17:16 Mawu Ofanana

1 Fiawo 18:45

Eye wòva me bena, alilikpo xe dziƒo enumake tsiɖitsiɖi, ya le ƒoƒom, eye tsi gãa ɖe dza. Tete Axab ɖo tasiaɖam heyi Yezreel.

1 Fiawo 18:46

Ke Yehowa ƒe asi va Eliya dzi, eye wòbla ali dzi heƒu du dze Axab ŋgɔ vaseɖe Yezreel.

1 Fiawo 21:1

Eye wòva me le nya siawo megbe be, Weingblea ɖe le Yezreeltɔ Nabot si le Yezreel te ɖe Samaria-fia Axab ƒe aƒe ŋu.

1 Fiawo 21:23

Eye ale Yehowa gblɔ le Izebel hã ŋu enye si: Avũwo aɖu Izebel le Yezreel ƒe gli gbɔ.

1 Fiawo 4:12

Baana, Axilud vi, tɔ enye Taanax, Megido kple Bet-Sean blibo la, si le Zartan gbɔ, le Yezreel ƒe anyigbe tso Bet-Sean va ke ɖe Abel-Mexola vaseɖe Yokmeam ƒe go keme;

2 Fiawo 9:10

Eye avũwo aɖu Izebel le Yezreel-gble me, eye amea ɖeke maɖii o. Tete woʋu ʋɔa hesi.

2 Fiawo 9:37

Eye Izebel ƒe kukua ano abe mi ene anɔ gbe me le Yezreel-gble me, ale be amea ɖeke mate ŋu agble be: Izebel enye si o.

Yeremia 49:2

Eyata Yehowa be: Kpɔ ɖa, ŋkeke li gbɔna, eye mana aʋaɣli naɖi ɖe Amon-viwo ƒe Raba ŋu, be woazu anyiglãgo, woatɔ dzo eŋu duwo, eye Israel agaxɔ eƒe domenyinu, Yehowa ye gblɔe.

Yosua 15:56

Yesreel, Yokdeam, Zanoax.

Yosua 17:11

Du, siwo nye Manase tɔ, le Isaxar kple Aser gbɔ, wonye: Bet-Sean kple eƒe duwo, Yibleam kple eƒe duwo hekpe ɖe Dortɔwo kple woƒe duwo ŋu; En-Dortɔwo kple woƒe duwo, Tanaxtɔwo kple woƒe duwo kpakple Megidotɔwo kple woƒe duwo, woawo nye togbɛ etɔ̃awo.

Yosua 17:15

Yosua ɖo ŋu na wo bena: Ne míesɔ gbɔ la, ekema miyi Filistitɔwo kple Refaitɔwo ƒe anyigba dzi, eye miƒo aveawo ɖa le afima; elabena Efrayim-to la xaxa na mi akpa.

Yosua 17:17

Yosua gblɔ na Yosef ƒe aƒe, si nye Efrayim kple Manase bena: Miesɔ gbɔ, eye ŋusẽ geɖe le mia ŋu; menye gome ɖeka koe anɔ mia si o;

Yosua 17:18

ke boŋ mixɔ tonyigba la, eye miƒo aveawo ɖa le edzi, eye wòanye mia tɔ vaseɖe eƒe mlɔenu. Elabena mianyã Kanaanitɔ, siwo si gatasiaɖamwo le, eye ŋusẽ le wo ŋu la ɖa.

Yosua 19:18

Eye woƒe anyigba to Yezreel, Kesulot, Sunem,

Ɖelawo 1:19

Eye Yehowa nɔ kple Yuda, ale be wòte ŋu xɔ to la, ke mete ŋu nyã amesiwo nɔ bali me la ɖa o, elabena gatasiaɖamwo le wo si.

Ɖelawo 4:13

tete Sisera dzra eƒe gatasiaɖamwo katã ɖo, eye eya kple eƒe aʋakɔ blibo la ho tso Xaroset-Goyim va kpe ta ɖe Kison-tɔʋu la nu.

Ɖelawo 4:3

Eye Israel-viwo ɖo ɣli na Yehowa, elabena gatasiaɖam alafa asieke le esi, eye wòle Israel-viwo ɖe anyi sesẽtɔe ƒe blave sɔŋ.

Ɖelawo 6:33

Eye Midiantɔwo katã kple Amalekitɔwo kpakple ɣedzeƒeviwo kpe la heho va ƒu asaɖa anyi ɖe Yezreel-bali me.

1 Samuel 29:1

Eye Filistitɔwo ƒo woƒe aʋakɔwo katã nu ƒu ɖe Afek, eye Israel ƒu asaɖa anyi ɖe vudo la gbɔ le Yezreel.