Yosua 15:18 - Biblia alo Ŋɔŋlɔ Kɔkɔe La Le Eʋegbe Me 1913

¹⁸ Eye esi wòkplɔe la, nyɔnu la ɖo dali nɛ be, yeaɖabia agble ye fofo, eye wòɖi tso tedzi la dzi; tete Kaleb biae bena: Nya kae le asiwò?

Agbenya La

¹⁸ Esi Otniel kple Ahsa dze mɔ yina woƒe nɔƒe la, Ahsa gblɔ na Otniel be yeabia anyigba ye fofo kpe ɖe esi wòna ye xoxo la ŋu. Ale wòɖi le eƒe tedzi dzi be yeaƒo nu kple ye fofo, Kaleb, tso eŋuti. Kaleb biae be, “Nu kae hiã wò?”

Yosua 15:18 Mawu Ofanana

1 Mose 24:64

Ke esi Rebeka fɔ kɔ dzi la, ekpɔ Isak ɖa; tete wòɖi le kposɔ la dzi,

Yosua 15:19

Eɖo ŋu be: Yram, elabena ètsɔ dziehenyigba nam xoxo, eyata tso tsivudoawo hã nam! Tete Kaleb tso vudo, siwo le to dzi kple bali me la nɛ.

Ɖelawo 1:14

Eye esi wokplɔe la, nyɔnu la ɖo dalĩ nɛ be, yeabia agble ye fofo, eye wòɖi tso tedzi la dzi, Tete Kaleb biae bena: Nya kae le asiwò?

1 Samuel 25:23

Esi Abigail kpɔ Dawid la, ewɔ kaba ɖi le tedzi la dzi, eye wòde ta agu ɖe Dawid ŋku me hebɔbɔ ɖe anyigba.