Yosua 11:3 - Biblia alo Ŋɔŋlɔ Kɔkɔe La Le Eʋegbe Me 1913

³ kpakple Kanaanitɔ, siwo le ɣedzeƒe kple ɣetoɖoƒe. Amoritɔwo, Xititɔwo, Perizitɔwo kple Yebusitɔwo, siwo le towo dzi, kpakple Xiwitɔwo, siwo le Xermon te le Mizpa-nyigba dzi.

Agbenya La

³ Eɖo du ɖe Kanaan fia siwo nɔ Yɔdan tɔsisi la ƒe akpa eveawo dzi, Amoritɔwo, Hititɔwo, Perizitɔwo kple Yebusitɔwo le tonyigba la dzi kple Hivitɔwo, ame siwo nɔ Hermon to la dzi le Mizpanyigba dzi.

Yosua 11:3 Mawu Ofanana

1 Mose 31:49

elabena egblɔ be Yehowa anɔ mia kple wò ŋuti dzom, ne miegale adzɔge tso mia nɔewo gbɔ hã la.

2 Samuel 24:16

Esi mawudɔla la do eƒe asi ɖe Yerusalem dzi, be yeagblẽe la, vɔ̃ la ve Yehowa, eye wògblɔ na mawudɔla, si le nu gblẽm le dukɔa dome la bena: Esɔ gbɔ! Azɔ ɖiɖi wò asi ɖe anyi! Eve Yehowa ƒe dɔla la le Yebusitɔ Arawna ƒe lugbɔƒe gbɔ.

2 Samuel 24:7

Eye wova Tiro ƒe mɔ̃ sesẽ la gbɔ heto Xiwitɔwo kple Kanaanitɔwo ƒe duwo katã me, eye wova to Yuda ƒe dziehe heva Beer-Seba.

1 Fiawo 15:22

Eye fia Asa na woyɔ Yuda blibo la, wo dometɔa ɖeke meto le eme o, eye woyi ɖafɔ kpe kple ati, siwo Baesa tso le Rama tsomi la, eye fia Asa tso wo tso Geba le Benyamin kple Mizpa.

1 Fiawo 9:20

Dukɔ, siwo katã kpɔtɔ le Amoritɔwo, Xititɔwo, Perizitɔwo, Xiwitɔwo kple Yebusitɔwo dome, amesiwo metso Israel-viwo dome o;

Psalmowo 133:3

Ele abe Xermon-zãmu, si le tsyɔtsyɔm ɖe Zion-towo dzi la ene; elabena gama Yehowa ɖo yayra kple agbee tegbee.

Psalmowo 89:12

Tɔwòe nye dziƒo, tɔwòe nye anyigba hã, xexeame kple eme nuwo, wòe ɖo wo gɔme anyi.

Hawo ƒe ha 4:8

Ɖi kplim tso Libanon dzi, ŋugbetɔ, ɖi kplim tso Libanon dzi! Zɔ tso Amana ta me, tso Senir kple Xermon ta me, tso dzatawo nɔƒe kple lãkletowo dzi.

Yeremia 40:10

Ke nye la manɔ Mizpa, ne matsi tre de Kaldeatɔ, siwo ava mía gbɔ la ŋku me. Miawo la miƒo wein, kutsetse kple ami nu ƒu tsɔ ɖe miaƒe nuwo me, eye minɔ miaƒe du, siwo miexɔ la me.

Yeremia 40:6

Ale Yeremya va Gedalya, Axikam vi la gbɔ le Mizpa, eye wònɔ dukɔ, si kpɔtɔ ɖe anyigba dzi la dome.

Yeremia 41:14

Tete dukɔ blibo, si Ismael ɖe aboyo tso Mizpa la, trɔ le eyome heyi ɖe Yoxanan, Kareax vi dzi.

Yeremia 41:3

Eye Ismael wu Yudatɔ, siwo katã le Gedalya gbɔ le Mizpa la, hekpe ɖe Kaldeatɔ, siwo le afima, amesiwo nye aʋawɔlawo la ŋu.

4 Mose 13:29

Amalekitɔwo le dziehe gome, Xititɔwo, Yebusitɔwo kple Amoritɔwo le towo dzi, eye Kanaanitɔwo le ƒu ŋu kple Yordan ƒe go ɖeka

5 Mose 4:48

tso Aroer le Arnon-tɔʋu la nu vaseɖe Sion, si nye Xermon-to la gbɔ,

5 Mose 7:1

Ne Yehowa, wò Mawu, akplɔ wò ava anyigba, si dzi yim nèle, be naxɔe wòanye tɔwo la dzi, eye wòanya dukɔ geɖewo ɖa le ŋgɔwò: Xititɔwo, Girgasitɔwo, Amoritɔwo, Kanaanitɔwo, Perizitɔwo, Xiwitɔwo kple Yebusitɔwo, dukɔ adre, siwo sɔ gbɔ, eye wosesẽ wu wò,

Yosua 11:17

tso to tamekokoe, siwo ɖo ta Seir la gbɔ vaseɖe Baal-Gad le Libanon ƒe bali me le Xermon-to la te, eye wòɖe aboyo woƒe fiawo katã hewu wo.

Yosua 11:8

Eye Yehowa tsɔ wo de asi na Israel, ale be wosi wo henyã wo ɖe nu vaseɖe Zidon, du gã la me, vaseɖe Misrefot-Mayim kple Mizpa-bali la me le ɣedzeƒe gome, eye wosi wo, vaseɖe esime amea ɖeke mekpɔtɔ o.

Yosua 13:11

Gilead kple Gesuritɔwo kpakple Maaxatitɔwo ƒe anyigba, Xermon-to blibo la kple Basan blibo la vaseɖe Salxa;

Yosua 13:5

dzitɔwo ƒe anyigba, Libanon blibo la le ɣedzeƒe, tso Baal-Gad le Xermon-to la nu heɖo ta Xamat;

Yosua 15:38

Dilean, Mizpe, Yokteel,

Yosua 15:63

Ke Yuda-viwo mete ŋu nyã Yebusitɔ, siwo le Yerusalem la ɖa o, eyata Yebusitɔwo tsi Yerusalem le Yuda-viwo dome vaseɖe egbe.

Yosua 18:26

Mizpe, Kefira, Moza.

Yosua 3:10

Eye Yosua gblɔ bena: Esia miatsɔ adze sii bena, Mawu gbagbe le mia dome, eye wòle Kanaanitɔwo, Xititɔwo, Xiwitɔwo, Perizitɔwo, Girgasitɔwo, Amoritɔwo kple Yebusitɔwo nyã ge da le mia ŋgɔ vavã.

Ɖelawo 20:1

Tete Israel-viwo katã ho, eye ameha la kpe ta abe ame ɖeka ene tso Dan vaseɖe Beerseba kple Gilead-nyigba dzi ɖe Yehowa gbɔ le Mizpa.

Ɖelawo 21:5

Eye Israel-viwo gblɔ bena: Ameka le Israel-toawo katã dome, si meva takpeƒe le Yehowa gbɔ le Mizpa o? Elabena ɖe woka atam ɖe amesi mava Yehowa gbɔ le Mizpa o la ŋu bena, ele be, woawui kokoko!

Ɖelawo 21:8

Eye wòbia bena: Ameka le Israel-toawo dome, si meva Yehowa gbɔ le Mizpa o? Eye kpɔ ɖa, Yabes-Gileadtɔa ɖeke meva takpeƒe la le asaɖa me o.

Ɖelawo 3:3

Woawo nye. Filistitɔwo ƒe amegã atɔ̃awo, Kanaanitɔwo katã, Zidontɔwo kple Xiwitɔwo, siwo nɔ Libanon-towo dzi tso Baal-Xermon vaseɖe Xamat.

Ɖelawo 3:5

Eye Israel-viwo nɔ Kanaanitɔwo, Xititɔwo, Amoritɔwo, Perizitɔwo, Xiwitɔwo kple Yebusitɔwo dome.

1 Samuel 10:17

Eye Samuel yɔ dukɔ la va Yehowa ŋku me le Mizpa.