Yosua 10:33 - Biblia alo Ŋɔŋlɔ Kɔkɔe La Le Eʋegbe Me 1913

³³ Ɣemaɣi Horam, Gezer-fia ho, be yeava xɔ na Laxis, ke Yosua si eya hã kple eƒe dukɔ la, vaseɖe esime amea ɖeke mekpɔtɔ o.

Agbenya La

³³ Esime Israelviwo nɔ aʋa wɔm le Lakis la, Gezer fia Horan va do kple eƒe aʋakɔ be yeaʋli Lakis du la ta. Ke Yosua ƒe amewo wui, eye wotsrɔ̃ eƒe aʋakɔ blibo la.

Yosua 10:33 Mawu Ofanana

2 Samuel 5:25

Eye Dawid wɔ, abe alesi Yehowa de se nɛ ene, eye wòsi Filistitɔwo tso Geba vaseɖe Gezer.

1 Kronika 20:4

Eye wogawɔ aʋa kple Filistitɔwo le Gezer. Ɣemaɣi Xusatitɔ Sibexai wu Sipai, amesi tso ame dzɔtsuwo ƒe dzidzimeviwo dome, eye wobɔbɔ wo ɖe anyi.

Yosua 10:32

Eye Yehowa tso Laxis de asi na Israel, eye woxɔe le ŋkeke eveagbe, eye wotsrɔ̃e kple eme nɔlawo kple yi, abe alesi wowɔ Libna ke ene.

Yosua 10:34

Emegbe Yosua kple Israel blibo la ho tso Laxis yi Eglon, eye woɖe to ɖee hewɔ aʋa kplii,

Yosua 12:12

Eglon-fia ɖeka, Gezer-fia ɖeka,

Yosua 16:10

Ke Womenya Kanaanitɔ, siwo nɔ Geser la ɖa o, eyata Kanaanitɔwo tsi Efrayim dome vaseɖe egbe, eye wona wowɔ dɔ na wo yaka.

Yosua 16:3

eye wòmlo to Yafletitɔwo ƒe anyigba ŋu le ɣetoɖoƒe gome hezɔ Bet-Xoron-nyigba ƒe anyigbe gome va ke ɖe Gezer hewu nu ɖe ƒu la nu.

Yosua 21:21

Sixem, si nye sitsoƒe na hlɔ̃dola, le Efrayim-to dzi kple eŋu lãnyiƒe. Gezer kple eŋu lãnyiƒe,

Ɖelawo 1:29

Eye Efrayim hã menya Kanaanitɔ, siwo nɔ Gezer la ɖa o; eyata Kanaanitɔwo tsi wo dome le Gezer.