Yona 4:9 - Biblia alo Ŋɔŋlɔ Kɔkɔe La Le Eʋegbe Me 1913

⁹ Eye Mawu gblɔ na Yona bena: Ɖe nèle dziku dom ɖe eteƒe le treklɔnu la taa? Eɖo ŋu bena: Tɔnye dzɔ be, mado dziku, vaseɖe esime maku.

Agbenya La

⁹ Mawu gblɔ na Yona be, “Enyo be nàdo dɔmedzoe esi ati la kua?” Yona ɖo eŋu be, “Ɛ̃, tɔnye dzɔ be mado dɔmedzoe va se ɖe esime maku!”

Yona 4:9 Mawu Ofanana

1 Fiawo 21:4

Tete Axab yi eƒe me, eɖo aɖa, eye dzi kui le nya, si Yezreeltɔ Nabot gblɔ nɛ be: nyemetsɔ fofonyewo ƒe domenyinu na wò o la ta. Eye wòmia eƒe aba dzi hetrɔ mo ɖe aga, eye wogbe nuɖuɖu.

Hiob ƒe Agbalẽ 18:4

Tsiã, wò amesi vuvu wò ŋutɔ ɖokuiwò le wò dɔmedzoe me, wò tae anyigba azu aƒeɖo, eye woate agakpe ɖa le eteƒea?

Hiob ƒe Agbalẽ 36:18

Elabena dɔmedzoe megaflu wò nayi fewu ɖu ge o, eye tawòƒlega gbogboawo megakplɔ wò trae o.

Hiob ƒe Agbalẽ 5:2

Ke boŋ dziku wua bometsila, eye abunetɔ kuna ɖe ŋuʋaʋã me.

Yona 4:1

Ke esia medze Yona ŋu o, eye dzi kui vevie.

Yona 4:10

Tete Yehowa gblɔ be: Treklɔnu, Si ŋu medze agbagba le o, mekpɔ edzi wòtsi o, emie le zã ɖeka me, eye woku le zã ɖeka me la ƒe nu le vewòm, —

Yona 4:8

Esi ɣe dze la, Mawu do ɣedzeƒeya xɔdzo ɖa, eye ɣe ɖu Yona ƒe ta, ale be nu te eŋu belibeli. Tete wodi ku na eɖokui gblɔ bena: Ne meku la, enyo wu esi manɔ agbe.

Mateo 26:38

Tete wògblɔ na wo bena: Nye luʋɔ le nu xam kakaka vaseɖe ku me; minɔ afisia, eye minɔ ŋudzɔ kpakplim.

2 Korintotɔwo 7:10

Elabena nuxaxa ɖe Mawu ƒe didi nu la wɔa dzimetɔtrɔ, si mevea ame o, hena xɔxɔ; ke xexeame ƒe nuxaxa hea ku ve.

Nyaɖeɖefia 9:6

Eye le ŋkeke mawo me la amewo aɖi ku, eye womele ekpɔ ge o, eye woadi vevie be, yewoaku, eye ku asi le wo gbɔ.

Ɖelawo 16:16

Esi wòle dzi gbãm ne gbawotsyogbe kple eƒe nyawo, eye wòle fu ɖem nɛ la, eva gloe, eye ku ɖo mo nɛ.