Yona 1:8 - Biblia alo Ŋɔŋlɔ Kɔkɔe La Le Eʋegbe Me 1913

⁸ Eye wogblɔ nɛ bena: Gblɔ nusi ta dzɔgbevɔ̃e sia dzo ɖe mía dzi ɖo la na mí! Do ka wɔla nènye, eye afika nètso? Mia de ɖe, eye dukɔ ka me nètso?

Agbenya La

⁸ Ale wo katã wobia gbee zi ɖeka be, “Nu ka nèwɔ, be nèhe ahom sia va mía dzi? Dɔ ka nèwɔna? Dukɔ ka me nètso? Gbe ka gblɔlae nènye?”

Yona 1:8 Mawu Ofanana

1 Mose 47:3

Eye Farao bia nɔviawo bena: Dɔ ka wɔlawo míenye? Woɖo ŋu na Farao bena: Lãnyilawo wò dɔlawo nye abe mia tɔgbuiwo ke ene.

Yakobo 5:16

Miʋu mia nuvɔ̃wo me na mia nɔewo, eye mido gbe ɖa ɖe mia nɔewo ta, bene miaƒe lãme nasẽ. Ame dzɔdzɔe ƒe kukuɖeɖe, si nu sẽna la, tea ŋu woa nu geɖe.

Yosua 7:19

Tete Yosua gblɔ na Axan bena: Vinye, de bubu Yehowa, Israel ƒe Mawu la ŋu, eye na woakafui! Gblɔe nam dzro, nuka gɔ̃ nèwɔ? Megada alakpa nam o!

1 Samuel 14:43

Eye Saul gblɔ na Yonatan bena: Gblɔe nam, nuka nèwɔ? Yonatan gblɔ ne bena: Metsɔ atikplɔ, si le asinye la nu ɖɔ anyitsi viaɖe kpɔ. Nyee nye si, maku!

1 Samuel 30:13

Dawid biae bena: Ameka ƒe ame nènye? Eye afika nètso? Eɖo ŋu be: Egipte-ɖekakpui menye, eye menye Amalekitɔa ɖe ƒe dɔla; ke nye aƒetɔ gblẽm ɖi, elabena dɔ dze dzinye ŋkeke etɔ̃agbe enye egbe.